أبرز العناوينمنوعات

بالصور وللمرة الثانية في السودان.. فتاة تستغني عن (الشيلة) وتكاليف الزواج وتوافق علي الزواج من شاب مقابل مهر رمزي جداً.. وعقد الزواج يشمل بعض الشروط الصعبة


شهدت مدينة ود مدني بالسودان زواج لفت أنظار رواد مواقع التواصل الاجتماعي بالسودان, حيث تنازلت فتاة سودانية عن كل تكاليف الزواج وقبلت بالارتباط بشاب مقابل مهر وصف بالرمزي.

وبحسب الصور المتداولة بشكل كبير داخل مواقع التواصل فقد تم عقد قران الزوجين بحضور العروس نفسها والتي وافقت علي الزواج وتنازلت عن (الشيلة) والمهر الكبير.

حيث ذكر شهود عيان أن هذه الزيجة تمت وسط اهتمام كبير من أهالي المدينة, وأكدوا أن هذه الخطوة تأتي في إطار تبسيط الزواج للشباب.

وقد تضمنت شروط العقد حصول الزوجة علي حق الطلاق, وكذلك تم وضع شرط يمنع الزوج من التعدد في الزوجات إلا في حالة الظروف الخاصة.

الجدير بالذكر أن هذه الظاهرة تعد الثانية من نوعها في السودان, حيث نشر موقع النيلين من قبل خبر زواج تم بالطريقة ذاتها, وذلك بمنطقة الثورة شمالي مدينة أم درمان.

12079568_899392636814164_9180140219453466860_n

12096538_899392640147497_1870883534718348611_n

12112135_899392650147496_6684618597921634306_n

12143176_899392653480829_1856595282549392932_n

ياسين الشيخ  الخرطوم

 

النيلين

 


‫33 تعليقات

  1. شروط عقد منافية لايات الذكر الكريم.
    الجمهورين نبت شيطانى ما تنخدعو بالشيلة والكلام الفارغ ده نساء متبرجات وكاشفات الراس وسط مجموعة من الرجال الاجانب كلو منافى للشرع .
    والمراة فى زواجها عندها اشياء ﻻزم تتوفر ملابس وعفش بيت واوانى منزلبة وووو شنو خامين الناس بدون شيلة وبودون وليمة
    طيب العريس العارضنو ده متشبه بالنساء ومتحنن وين .
    بلاش استهتار ولعب بالدين شوفو ليكم حاجة غير الدين ده اصلو امركم فيهو محسوم .
    والله المستعان

    1. يازول ليه تتهم الناس بدون علم..وهل الافراح التي تقام في الصالات وذلك الهرج والمرج والاختلاط والموسيقي في نظرك حلال..العريس متحنن هههههه ياخي دي عاداتنا كده والحنه ليست حرام والدلال غير حرام ..

      والله ليس دفاعا عن الجمهوريين فليس لي علاقه بهم ولاكن يشهد الله ان الفتاه التي سبقت هذه في الزواج من اكثر البنات احتراما وكثر تواضعا ولم نشاهد منها غير الخير وهي افضل مثال للفتاه السودانيه العفيفه وهذه شهادتي امام الله

    2. زواج مبارك وادعوا الله أن يكفيهم شرور خلقه ويكثر من أمثالهم

  2. كلام حلو لكن التوب الابيض يزكرني بطريقة زواج الجمهوريين …هل التوب الابيض عادي للعروس والنساء …فكرة جميلة برضو قضاء علي عادات المبهات ….
    لكن لو الجموهريين هذة ظاهرة عادية….
    اتمني من رفع الصور يدينا تفاصيل اكثر
    علي كل حال رنا يسعدم وكلها الشيلة والمهر غلمتير مظاهر فانية فانية …

  3. انا بدي اشاريك في موضوع الزواج بدي اعرف الخطوات

  4. كلنا تزوجنا بدون شيلة وقولة خير وفتح خشم وبدون اعلام وضجة وهناك الكثير مثلنا وليس منتمين لجهة او حزب كما في الصورة ومين قالكم هذه الحالة الثانية الحزب الجمهوري كل زواجاته بهذه الصورة

    1. يعني علي كدة نشوف بنات الحزب الجمهوري بي وين مادام بناتم رخاص كده ونحن رزق اليوم باليوم

    1. والعصمه في يد الزوجه … يعني اقل حاجه امشي انتا طالق … سامعين الكلام ده يا جار الزمان و يا meen

  5. [جمهوري جن أحمر ولا غيره والله ما عندنا حلل غير تبسيط الزواج

    وثقافة الشيخ سيرو دي بتقطع النسل قريبا

    ما من المنطق انه يكون عندك صديقه اسهل وأرخص مما أن تكون عندك زوجه

    أصحو يا ناس وحاربوا المؤامره دي قاطعوا صالات الأفراح والفنانات وعصابات الساوند وسماسرة الحفلات ديل كلهم مرتزقه
    والحبوبات والخالات الماجايبين خبر خليهم يقروا جريدة الدار يوميا

  6. هؤلاء هم الجمهوريين .. عادوا ثانية .. فعلوها في بداية الثمانينات في الجزيرة ايضاً و قد كان المهر ( جنيه واحد ) و سمي ابناؤهم ب ( اولاد الجنيه ) في بعض القرى .. وهي نفس شروط عقد الزواج … انتبهوا
    و هذه نهاية المشروع الحضاري .. لحرامية المؤتمر الوطني .. يكفيهم فخراً ان الحزب الشيوعي السوداني لم يستطع ان يعقد مؤتمراً منذ الستينات الا في عهدهم … و بعد ان انزوى و اختفى .. ظهر باسمه عدييييييييل كدا
    و احفاد الهالك الملحد محمود محمد طه .. ايضاً ظهروا ثانية ليتبجحوا امام الملأ .. و هم يرددون قول المولى عز وجل في سيدنا عيسى عليه السلام ( و ما قتلوه وما صلبوه ولكن شبه لهم ) و يقصدون بذلك هالكهم

  7. ألف مليون مبروك وبارك الله فيكم وجمع بينكم بالخير والسرور

  8. ياجماعة الخير باقي العرسان ديل أولاد عم بالله شوف الشبه ده

  9. حكاية انو العصمة عند الزواج وعندها حق الفيتو في الطلاق
    زواج زي ده اخير عدمو
    اخير زواج المسيار منو

  10. هؤلاء جمهوريين بدون ادنى شك ،،، و بهذه الشروط يعتبر هي اشترت العريس من سوق الرجال ،،، لو كان العقد بالشروط المعروفة في العقد و هي تنازلت عن هذه الاشياء يكون قمة الروعة ،،،

  11. نعم كما قال الجميع هم جمهورين . والدليل
    1- العصمة في يد الزوجة .
    2- ممنوع تعدد الزوجات للرجل .
    3- حضور النساء والرجال للعقد في صيوان واحد خلافا لمل يتم في كل انحاء السودان .
    4- الثوب الابيض للعروس وحضورها للعقد كاسية عارية .
    نقول دي قديمة شوفو حاجة جديدة . الراجل الداير يعرس النسوان الغاليات والدايرات مال كتير موجودات والنسوان الما دايرات مال ولا غلبة ايضا موجودات .
    لكن اين الرغبة والجدية الصادقة من اي شاب . كفاية تسييف ومداهنة وخلق اعزار واهية .

  12. العروس دي عجوووووووووووووووووووووووووز يا ناس بعدين شكلها كدا

  13. بعدين شكلها كدا عاوزا ليها راجل وبس بعد داك حا تنسى عصمة وحا تنسى نفسها

  14. يا ناااااااس قلو ا خيراً أو اصمتوا اتقوا الله اصلاً ما يعجبكم العجب

  15. موضوع تيسير الزواج ده مفروض يكون من الثوابت التي لا مزايده او مداهنه فيها فكل قروب في الواتس تتبني مثل هذا.
    بعدين موضوع كل الحاضرات لابسات ابيض ديل جايات من مكاتب الشغل ام فعلا ينتمين الي ……………….. في هذه الحاله موضوع ان العروسه تنتمي الي جهة ما مثل الجمهوريين اتمني ان يجيب عليه احد اقاربها و لا تأخذهم الحميه فدين الله احق ان ننتسب اليه.
    فقديما قال اعرابي من اهل اليمن للحجاج ابن يوسف: حين سأله عن اخوه حاكم اليمن كيف تركته فاجاب بصحه و رقد عيش: قال له الحجاج ما سألتك عن صحته و انما عن حكمه ؟ فقال الاعرابي : تركته بطينا سمينا غشوما ظلوما : قال له الحجاج :الا تعلم انه اخي .
    فقال الاعرابي : ان نسبي الي ربي احب الي من نسبك الي اخيك محمد بن يوسف.

  16. الكل هنا مغفل اقراؤ الكلام وردو الزول دا عمل شيء مخالف للشرع مخالف للعرف جعل عصمة المراة على يدها

  17. نحن نشجع قلة المهر فى الزواج وهذا الصواب والصحيح لأن يقول الحديث اقلهن مهرن اكثرهن بركة

  18. الحمدالله بنعمته تم الصالحات ربنا يوفق لمثل هذا العمل الجميل نحن ماعندنا قضية بالاحزاب نحن عايزين الشباب يتشجعو ويتزوج والشبات يقللو المهر ويرضو بالقليل عشان الشبان يتحركو وربنا يوفق الجميع وصلى الله على نبينا محمد وعلى آله وصحبه وسلم

  19. كلو ماشي
    بس حكاية العصمة عندها دي
    ما بنوافقكم فيها
    عليك الله ارهن نفسي لمرا
    و الله كان كانت
    (تاج) العملو ليها (محل) في الهند
    ما بتنازل من دا
    اتزوج لي ملكة الشناة
    ولا اكون طرطورة في يد
    ملكة جمال العالم

    ليه الرخصة لزومها شنو