جن أحمر راكب مكسيم
* المسرح ابوالفنون وأبوأهلها كمان
* والمسرح يربى المجتمع التربيه التى يجب ان تتربى عليها الشعوب
* وشعوب كتيره من شعوب الزمن ده تحتاج لتربيه من جديد
* أصلها ما عندها تربيه
* وخير من يربيها هو المسرح
* لأن المسرح وسائله التى توصل مايريد أن يوصله لكل المستويات والفئات
* والأعمال المسرحيه الخالده يخلدها الزمن ولو طال الإنسحاب من على ذاكرة الزمن * المهم
* مشهد مسرحى جمع بين المبدع على مهدى والراحل الرائع محمد خيرى
* فى مسرحية هو وهى
* كانت تحكى المسرحية عن ضرورة علاج على مهدى بالزار
* وكان يلعب شخصية محمود
* ودقوا ليهو الظار
* ابدع على مهدى فى تلك اللوحه
* وسيطر بأدائه الممتع على الحضور
* وجاء دور الطلبات
* وهى عند اهل الزار تلبى لأنها العلاج حسب زعمهم
* على مهدى يوقف الإيقاعات والغناء بإشارة
* محمد خيرى يأمر الناس بالصمت وإيقاف أيقاعات الزار
* ثم يلتفت على محمود مردداً مرحب مرحب بالأسياد
* طبعاً ناس الزار بدقسوهم بقولوا ليهم الأسياد
* وهم بيصدقوا
* محمدخيرى قال ليهم شرفتونا يا الأسياد
* إنت منو؟
* على مهدى قلب عويناتو كداااااااا وقال
* أنا جن احمر راكب محمود
* محمدخيرى قال ليهو يمرق
* طلباتكم
* وبدأت الطلبات المستحيلة
* المهم
* الجن الأحمر الراكب محمود مامرق
* هو فى جن احمر بمرق؟
* الجن الأحمر صعب شديد
* الذكرنى الموضوع ده
* مانسمعه عن ماكسيم
* فى النوم يهضرب
* مرات يقولوا ليهو فى النوم يمرق يمرق
* ومرات يقول ليهم وهو نايم
* يمرق وين يا عمك؟
* يمرق كيف؟
* قال ليك ماكسيم ده كان صحى من النوم
* اول حاجه بقولها شارع المطار
* مرات بقول الشارع الشرق المطار
* الشارع الشرق المطار ده شارع الزار ذاتو
* شارع الجن الأحمر الما بمرق اصلو
* شارع الجن الأحمر(ظااااااااتو)
* مكسيم يريد ان ينهى حياتو هناك
* الجن الأحمر مسكو
* والجن الأحمر ما بمرق
* غايتو يا روشا
* كان فتحتو ليهو العلبه ما بنفع
* زارو ده ما زار علبه
* ده داير جلسه عديل كده
* بى جبنتها وبى فشارها
* وبى شيخات ظارها
* بى جلابيتها الحمراء وقشرتها وسماحة حالها
* الجن الأحمر ده اللبس الأحمر عندو ضرورة
* الجن الأحمر الراكب محمود أقصد مكسيم
* ما بمرق
* ده نوع الجن الأحمر اللايوووووووووووووووق
* تتجنن عليهو يجننك
* ما تتجنن عليهو يسجلك
* جن أحمر راكب محمود
* المهم
* ضحكت كثيراً على قرارات الإنسحاب
* كلمونى
* وقالوا لى فى ناس إنسحبوا
* وناس إتضامنو معاهم
* وورونى الإنسحب منو والمتضامن منو
* لقيت بعضهم هبط
* والبعض الآخر فى حالة هبوط إضطرارى
* وجزء منهم فى حالة هبوط إدارى
* القانون صريييييييييح ووااااااااااااااااااضح
* البنسحب ينزل للدرجة الأدنى
* طيب النازلين أساساً بدون إنسحاب ديل وضعهم كيف؟
* بنزلو مرتين
* واحده هبوط للدرجة الأدنى للمستوى
* والتانيه هبوط للدرجة الأدنى الهبطوا ليها نتيجة الإنسحاب؟
* طيب لو الزول كلمنا عن إنسحاب
* متى يعتبر الإنسحاب إنسحاباً؟
* موش لما الزول يكتب الإنسحاب ويسلم الإتحاد الخطاب؟
* وين خطاباتك أليا؟
* ويمكن يكون الإنسحاب بدون خطاب
* ويتم ذلك بعدم الحضور لأداء المباريات المعلنه
* طيب أمل عطبره ده يوم عشرين بعد بكره مابجينا؟
* ما يدردقوك يا أمل عطبره
* البدردقوا فيك ديل مبارياتهم بعدك
* تنسحب إنت
* وهم يجوا لى مبارياتهم ويبرروا ليك
* بأنو فى شخصية نافذة حلفت عليهم طلاق
* الناس ديل ما بفتشوا للكلام أصلو
* وكت يفتشوا فيهو للكلام ماعندهم
* لأنهم وكتهم كلو بفتشوا لى بطولة جويه
* عشان كده ما بفتشوا على الكلام
* المهم
* منو الأندية القالوا إنسحبت؟
* الزول الرسب فى الإمتحان وتم فصله من المدرسة
* ما بقول خليت القرايه
* لأنو القرايه هى الخلتو
* خليكم دقيقين فى تعبيراتكم
* وإتدققى
* الجن الكلكى
* ولا أخير ليكم الجن الأحمر البجيب شارع المطار؟
* وإتجننى
* لكن صدقونى
* الإنسحاب وصلو خشم الباب
* ولا المثل ما كده؟
* الجن ال..كلكى اللابس الملكى
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* أمس الخريف قرر يرجع لينا
* المطره شهر عشره تجينا
* وشهر سبعه تتعزز علينا
* والله يا مطره حيرتينا
* لمن ندورك ما بتجينا
* ولما ما ندورك تخمجينا
* تمرق كل الولايه مكفكفه بناطلينا
* ولما نعطش تجافينا
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ وﺍﻟﻜﻠﺐ لما كتمت هتف فى سر..تسقط تسقط الأمطاااااار..الليل كلو
ينبح تسقط..تسقط..تسقط..تسقط..تسقط..تسقط..تسقط..تسقط..ونحنا تحت البطاطين
نردد بعد كلو تسقط..الأمطار..الأمطار…الأمطار؟!!
ﻭﺍﻟﻲ ﻟﻘﺎﺀ
ﺳللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ربنا يشفيك ، الهلال عمل ليك انفصااااام