رياضية

رئيس الأمل يفجرها بعد الإنسحاب: (الناس بكرة ما تجي كورتنا مع المريخ عشان ما تخسر قروشها )


أكد مولانا جمال سعيد رئيس نادي الأمل في تصريحات أمس الإثنين أن ناديه لن يحضر لأداء مباراته غدا أمام المريخ والتي قررت اللجنة إعادتها وطالب مولانا جمال جماهير الرياضة بعدم دخول الإستاد حتي لا تضيع (قروشها) علي حد تعبيره.

وقال مولانا جمال أن مجلس ادارة ناديه مصمم علي الإنسحاب ولن يتراجع وأنهم سلموا إتحاد الكرة الآن (وقتها) خطاب الإنسحاب بحضور الكاردينال رئيس الهلال ونادي الاهلي مدني والميرغني كسلا وهلال كادقلي.

النيلين


‫11 تعليقات

  1. عفيت منك ياجمال موقف رجولى ضد الظلم والفساد والانحياز بدون خجل للمريخ ..اذا لم يتم اجتثاث الفساد من جذوره وللابد لن ينصلح حال الكره فى السودان ..لقد وصل الحال لأدنى درجات القذارة وهولاينفصل من الحالة التى يمر بها السودان على كل المستويات ..الاقتصادية والاجتماعية والخدمية وغيرها ..فساد ورشاوى وظلم واضح.لك الله ياسودان ..

  2. دخول جماهير المريخ الاستاد امر لا يعنيك ..وبالمرة استقيل انت من قيادة الامل بعد ان حولت الامل الي تابع للهلال وشوهته انت والامل صورة عطبرة حيث اصبحت المدينة الوحيدة في السودان التي تهدد ضيوفها وتتوعدهم …

  3. يعنى حريص على مصلحة الناس ..تابع الكاردنال العبيط ده وممكن فى اى لحظة يغير رايه ويلغى انسحابه وتتورط انت .

  4. والله يا مولانا جمال لو شفت ليك شغله غير هذه الكوره يكون أحسن ليك لأنك فعلا لن تضيف الى الكوره جديد وانت بهذا العبط والتصاريح الخارم بارم دى لن تقدم كوره

  5. مفروض دا منبر عام الناس تتحدث بلغة مهذبة بعيدا عن الالفاظ الجارحة جمال حسن سعيد شخص مؤثر ف الوسط الرياضى ورئيس لنادى كبير اما يخضع لزمرة اسامة عطا المنان او يبقى تابع هو احق من الكاردينال بالانسحاب لا ن الهلال هو المتصدر حاليا للبطولة وحتى لو استمر الهلال لن يتضرر لكن سرقة جهود الامل من يدافععنها غير رئيس الامل اما الكاردينال الوصفو البعض بالعبيط رئيس اكبر ناد رياضى ف السودان وجماهيره هى الغالبة كيف نصف رئيس اكبر فئة من الشعهب السودانى بالعبط

    1. علي الطلاق انت اعبط منو قال رئيس اكبر فئة من الشعب السوداني شهبينا إنت و أشرف العبيط و جمال كمان

  6. الامل جساره واقدام وفن ومواقف…..يجب مقاطعة فساد الاتحاد المدعوم من فساد الدوله وقروش مرجان احمد مرجان التي ادخلت ادب شراء الزمم من اعضاء صناع القرارات الرياضيه ……من اين لك هذه الاموال التي تهدم بها قاعدة الشرف يا هذا؟ ايها الناس …ان فساد العضو في الجسد يلتزم بتره ان استعصي العلاج …..البتر البتر….شكرا اداره وجماهير الانديه التي اعلنت انساحبها من هذا الظلم والفساد …

  7. السلام عليكم
    ثم ما ذا بعد انسحاب
    هل تملك قرار انسحاب بدون الرجوع الي القاعدة الفريق
    المشكلة هنالك تصريحات في الصحف عير مسؤوله اتمني ان يكون هنالك رقيب عليها
    اتخوف من الفتنه
    اتمني تطبيق القانون علي الكل
    والله الموفق

  8. ما دام الكورة عندنا امر جاد ونصرف عليه من الاموال التى استخلفنا الله عليها ونضيع فيه اوقاتنا فما حدث يدعو لحرب اهلية بين انصار الامل والهلال والمريخ
    يجب اندلاع حرب اهلية بين الهلالاب والمريخاب بالكلاش والدوشكا والطيران

  9. الزول الاسمو جمال سعيد ده لم أسمع باسمه في المحافل الرياضية عطبرة من قبل و اليوم فقط عرفت انو رئيس نادي الأمل كمان ….. الرياضة ما لايقه معاه تماما كلقب مولانا قبل اسمه
    الفساد ضارب باضنابه كل المرافق في السودان و ما بقت ألا في الكورة حتي تتخذ هذا الموقف_( مجازا نسميه انحياز مع الشعب)