منوعات

المغتربون يشكون من ارتفاع تكلفة استخراج الجواز الإلكتروني


جدد عدد من السودانين المقيمين بالسعودية شكاويهم من ارتفاع تكلفة استخراج الجواز الإلكتروني بمدينة جدة و بط الإجراءات، مما أدى لتكدس المواطنين بالقنصلية.

وقال عدد من المغتربين تحدثوا لـ«آخر لحظة» إن تكلفة استخراخ الجواز عالية جداً. مشيرين إلى إنها تبلغ «515» ريالاً سعودياً، أي ما يعادل ألف وثلاثمائة جنيه سوداني، وقالوا إنهم يأتون من مناطق بعيدة وتصل تكلفة الرحلة نحو ألف ريال خاصة، وإن الاستلام يتم بعد ثلاثة أسابيع ما يضطرهم للمجيء مرة أخرى، مشرين إلى أن التكلفة الكلية لاستخراج الجواز تبلغ «3»آلاف جنيه للفرد الواحد، وناشد المغتربون عبر الصحيفة وزارة الخارجية بمعالجة الأوضاع والعمل على تقليل تكلفة استخراج الجواز.

صحيفة آخر لحظة


‫7 تعليقات

  1. لا ادرى هل التكلفة المذكورة اعلاهـ حقيقية ام من صنع خيال الكاتب ،، استخرجت جوازات لعائلتى فى الخرطوم وكان مبلغ الجواز لامهم 453 ج يعادل 180 ريال وللاطفال مبلغ 237 ج وللطالب مبلغ 350 ج ، بل وتم التسليم فى اربعة ايام ،،، المعنين عليهم مقارنة التكلفة والزمن ،، لنعرف الاسباب والدواعى لما تم سرده اعلاه،،،

    1. دا في السودان بس برا السودان التكلفة عالية شديد لو قارنتها بالبدفعو الزول جو السودان
      هم قايلين المغتربين ديل كلهم مرطبين ومرتاحين

    2. هذه تكلفة حقيقية وليس من خيال الكاتب والذي لن يستفيد من ذكر خيالات كهذه… أنا في الرياض في الأسبوع الأول مشيت استبدلت الجواز القديم بالجواز الإلكتروني الجديد والرسوم هي 530 ريال سعودي!

  2. 515 ريال + 10 ريال رسوم لملا الاورنيك خاتين واحد من السفاره يقل ليك انتا ح تملا الاورنيك غلط لازم نملاها انحنا ياخد عن الجواز 10 ريال يعني لوعندك 7 جوازات 70 ريال : طيب شوفوا خراب البيت كيف في استخراج الجواز :
    515 ريال للاب 415 للام لاطفال 215 ريال يعني لو عندك 7 عيال
    بدون ال70 ريال بتاعت ملا الاورنيك
    515+415+ 215 * 7 = 2435

  3. الاستلام بيقولوا بعد 21 يوم وفي الحقيقه شهر لو انتا مثلا مقيم خارج جده لازم تمشي وتجي اربعه لخمسه مرات عشان تستلم الجواز الجديد هههه ده لو استلمتو لانو كتيرين يقلوا ليهم اسمك سقط تجي بعد اسبوعين تاني .. ولو معاك اولادك التلتله والجهجه الراجياك …غير المعامله غير الكريم من اعضاء السفاره من تنهير وزجر واذا رديت حقك راح … الصاله زحمه ما في كراسي للانتظار والتكيف تعبان مع حر جده ح تبقي شوربه بالعرق … والناس صابره وتقول حسبنا الله ونعم الوكيل … نسينا الرقم الوطني وده كمان حكايتو حكايه …خلوها احسن علي الله

  4. فعلاً والله مبالغة رسوم الجواز الجديد ، يعني إذا كان في السودان بحوالي 180 ريال ، بالكثير مفروض ما يزيد عن 280 ريال بزيادة 100 ريال ، أنا ما عارف يتعاملوا مع المغتربين كأنهم غير سودانيين في كل شيء في الجوازات والأراضي والضرائب والزكاة وكل شيء ، يا إخوان نحنا البلد دي ما أدتنا غير أخدت مننا ، ونقول معليش دي بلدنا بس شوية شوية يا إخوانا وراعو ظروف كثير من المغتربين أوضاعهم أسوأ مما تتصورون يا ….

  5. أنا جوازي منهـي وساكـن في جنوب المملكة على الحدود وما سمعته من الأخوان جعلني أنسى أمر تجديد الجواز وذلك للفترة الطويلة في استخراج الجواز لذلك تركتهـا على الله إلى حين الفرج على أن يحسوا المسؤليـن بمعانـات المغتربيـن