زواج سوداناس

رئيس نادي الأمل عطبرة: جمهور الأمل (ابتهج) في عطبرة أمس بسبب غيابنا عن مباراة المريخ



شارك الموضوع :

شدد جمال حسن سعيد رئيس نادي الأمل عطبرة ، على أن الموقف الذي نفذوه بعدم مواجهة فريق المريخ مساء الثلاثاء في مباراة قرر إتحاد الكرة السوداني إعادتها عن الأسبوع الثامن من بطولة الدوري الممتاز لموسم 2015، جاء بسبب الظلم الذي تعرض هل فريقه من قبل لجنة الإستئنافات بالإتحاد السوداني، ولأجل تصحيح مسار الكرة بالسودان.

وقال رئيس نادي الأمل : “جمهور مدينة عطبرة إبتهجت بقرار غيابنا عن مباراة المريخ مساء الثلاثاء, ونحن نفذنا قرارنا عدم ملاقاة المريخ بنسبة 100%، والسبب في ذلك أننا في نادي الأمل تعرضنا لظلم كبير وإنتهاك لحرمة القانون في قضية لاعبنا عمر الذي إشتكانا فيه المريخ، وفي شكوانا ضد المريخ في عدم صحة مشاركة مهاجمه بكري المدينة في مباراتنا مع المريخ بالدور الأول من الموسم، ونحن إتخذنا موقفنا لأجل تصحيح مسار العمل الكروي بالسودان، وإنشادا لسيادة حكم القانون”.

سودانا فوق

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        مريخابي

        جمهورك ح يبتهج كويس لمن ترجع تلعب في الليق بتاعك !!!

        الرد
        1. 1.1
          حموري

          الليق احسن من العواليق .

          الرد
      2. 2
        احمد

        والله الرجال مواقف.وانت عند موقفك مبروك

        الرد
      3. 3
        salah

        الشخص دة مريض ما عندو شغلة

        الرد
      4. 4
        الحسام

        فرحان انك بقيت تابع للهلال ….
        دي مباراة مظلوم فيها المريخ وكنت مهزوم فيها اصلا..
        ثم في عشرة اندية مستقلة بنفسها وقرارها عايز تصحح العمل الكروي براك وانت متزيل الدوري وتابع للهلال ..

        الرد
      5. 5
        systematic

        الرجال مواقف
        والمربخ مسكين ارادت الحكومة التغطية على انفصال دارفور اعلاميا والمريخ يشيل وش القباحة

        الرد
        1. 5.1
          عارف وفاهم

          يا سيستماتك ما في مناسبة لكلامك – السياسي- هنا ، والموضوع كرة قدم، بطِل مُشاترة .

          الرد
      6. 6
        المعلم

        الف الف مبروك للامل عطبرة لاعبين وادارة ومشجعين ، والى الامام يا رجال .

        الرد
      7. 7
        عطبراوي

        كلام سيستماتيك عين العقل يا عارف و فاهم . هلال مريخ ده ياهو المخدر البيهو خدروا الناس و بكرة تسمع انو مريخ الفاشر حاز علي كأس دولة دارفور و هلال الأبيض يتوج بطلا في دوري دولة كرفان ….
        كده عليك الله اسأل رئيس الأمل ده سوي شنو طيلة فترته معتمدا لعطبره يا أخي بكرة القدم لا تبني الامم
        تجري ورا الدجاج بيودوك الكوشة و تجري ورا الابالسه ديل يودوك الداهيه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *