جرائم وحوادث

استرداد المصوغات الذهبية المسروقة من مول الواحة في قلب الخرطوم !!


استردت شرطة ولاية الخرطوم المصوغات الذهبية التي تمت سرقتها من داخل مول الواحة بالخرطوم واوقفت المتهم الرئيسي الذي نفذ عملية السرقة بطريقة وصفتها الشرطة بالدقيقة، وكشف الفريق شرطة محمد أحمد علي مدير شرطة الولاية في تنوير صحفي تفاصيل السرقة التي قال انها تمت بمعرفة كاملة للتفاصيل التامينية للمول، حيث استفرقت العملية في تخطيطها ودراستها أكثر من أسبوعين استفاد المتهم منها في استغلال ثغرة بالواحة لم تغطها المراقبة الالكترونية، وتسلل من الجهة الغربية وعبر داخل ممر مخصص للتكيف.
وقال ان قيمة المسروقات تقدر بـمليوني جنيه و250 الف جنيه، استرد منها حوالي (80%) حيث تصرف المتهم في جزء من المسروقات،واشار الى انه وفور تلقي الشرطة البلاغ شكلت غرفة عمليات داخل المول تمكنت من التوصل للمتهم بعد توقيف أكثر من (30) مشتبه به، حيث اتضح ان المتهم كان يعمل بالواحة وتم فصله قبل شهور، وهو ما مكنه من معرفة الدخول والخروج دون، ودعا مدير شرطة الولاية ادارة المول بتكملة تغطيتها لكل مواقع نشاطها التجاري.

الخرطوم: علي الصادق البصير


‫7 تعليقات

  1. حلوة تصرف المتهم في جزء من المسروقات دي ناس المباحث اصلا ما بخلو حركاتم هم زاتم حرامية

  2. والله يا جماعة احترنا مع الشرطة والمباحث – دهبنا مسروق ليه اربعة شهور + سطو مسلح على البيت ولغاية اليوم شرطتنا الموقرة لم تصل للصوص – والدهب كمية كبيره – لكن الشرطة حيرتنا – الله يرحم ايام زمان عندما كان للشرطة هيبة

  3. رجعتو 80 % والعشرين في المية دي تحلل ولاشنو يعني الرامية الكبار بعملو تحلل والجماعة ناس تلب بالحيطة كمان بعملو تحلل

  4. باين يا أخونا كماشه بان الاخ عطبراوى ما دهن السير والمطلوب ادهن السير حبه يا عطبراوى

  5. يعنى الدهب الانسرق قيمته ( 2.8 مليار جنيه ) رجعت منها 80% ( 2.25 مليار جنيه ) الباقى ( 550 مليون جنيه ) اتوزع كالاتى : سعادتو الكبير ليهو 120مليون وسعادتو الكبير البعدو ليهو 100مليون وسعادتو التانى والتالت كل واحد ليهو 50 مليون ومصاريف ونثريات وكده 50 مليون و30 مليون تبرع للقسم و 40 لوكيل النيابه ( عشان اوامر القبض والتفتشي والحراسات وكده ) والباقى يتوزعوهو العساكر وبتاعين المباحث فيفتى فيفتى … ( سمييييييييينه لمن بى هناك )

  6. يا جماعه احسنوا الظن ، ان بعض الظن اثم ، ما ممكن الشرطه يكونوا بالعبط ده والمتهم موجووود ما مات ، يعني ممكن اصحاب الحق يعرفوا منو كل حاجه والشرطه ما عندها السلطه بسكاتو تخفف عنو الحكم ، ولو كانوا طمعانين زي ما قلتو كان ممكن يتخلصوا منو ويكون ليهم ال ١٠٠٪ كلها ، لا من شاف ولا من دري