أبرز العناوينمنوعات

سوداني فائز باللوتري: لاأستطيع أن اوصف فرحتي واسرتي بحصولنا علي التاشيرة.. امريكا بلد الحلم


“في يوم 21 أكتوبر، أعدت السفارة الأمريكية بالخرطوم حفل استقبال للفائزين في قرعة تأشيرة التنوع للولايات المتحدة . في سبتمبر وأكتوبر وحده، أصدرت السفارة الأميركية في الخرطوم أكثر من 200 تأشيرة اللوتري. اليكم بعض من القصص الشخصية للفائزين أثناء استلامهم الجوازات ”
“On October 21, U.S. Embassy Khartoum held a reception welcoming winners of the U.S. Diversity Visa Lottery. In September-October alone, U.S. Embassy Khartoum has issued over 200 diversity visas. Read the personal stories of some of our recent Diversity Visa lottery winners.”

أسرة تطمح لتحقيق الحلم الامريكي
” لاأستطيع أن اوصف لك مدي فرحتي واسرتي بحصولنا علي التاشيرة أخيرا. هذه فرصة جيدة للبنات للحصول علي تعليم جيد. امريكا هي بلد الحلم والفرص والحرية. أتمني ان يستفيد باقي الشباب من هذه الفرصة. أستفدنا كثيرا من وسائل التواصل الاجتماعي من التقديم واكمال الاوراق. أشكر القسم القنصلي بالسفارة الامريكية علي احتفائهم بنا ومساعدتنا.”
علي يوسف كروم واسرته ،النيل الابيض
“Family Aspires to Fulfill American Dream”
“I cannot describe how happy we are to finally get our lottery visas! This is a good opportunity for me and my girls to get a good education. America is a country of dreams, opportunity and freedom. I hope young people will benefit from this opportunity. We benefited a lot from social media during the application and interview process. I would like to extend my deep appreciation and thanks to the consular section at the U.S.
Embassy for their help and celebration.” Ali Yousef Karom and his family, White Nile State

صفحة السفارة على فيسبوك


‫38 تعليقات

  1. نصيحة مجرب أقبلا منى بناتك ديل أخير ليك تربيهم فى مجتمع محافظ متدين كالبلاد العربية لان المجتمع الامريكي خطر بالذات على البنات

  2. أبقى عشره على أولادك ولو ما حافظت عليهم حتجي راجع لوحدك ،وبعد بلوغ سن الرشد عينك ما تشوف إلا النور، وذي ما قال ود الغرب الماعارف يقول عدس ، وأنا بقول ليك الماعارف بقول لوبيا. حتشتغل شنو؟؟ حارس أمن ، توصيل طلبات، سائق ليموزين. في دكاتره ما لاقين شغل وشغالين (مرافقين)جلساء مع المرضى،، وصيتي ليك سوق أولادك وظبط ليهم الجواز ورجعم السودان وأفضل إنت لوحدك..

  3. رينا يسهل علينا و عليك .. بس الموضوع ليس كله كما تظن .. فيهو تعب و مكابدة و مجازفات عديل كدا .. نوم في الحوش للضحى و شراب قهوة نص النهار تاني ما في .. و لو عايز تعرف عن المجازفات أسأل ناس قرينسبورو،

  4. والله انتو مساكين صحي فعلا حلم الجيعان عيش امشو امريكا ودقو المزيكا .حاولو استفسرو من من سبقوكم بذالك وهل كل من ذهب لامريكا استفاد؟؟؟ كلا كانت زماااان والعلم كلو ماشي متغير وهم ما ناقصين عطالة واتزكرو كويس:حا تتقدر لا تعرفو تقعدو فيها ولا تعرفو ترجو بلدكم……يعني النار من امامكم والبحر من خلفكم….والتوفيق من الله

  5. ي جماعة كدة صلو علي النبي وباركو للزول دا هسي كان اللوتري دا جاكم في زول فيكم حيرفض

  6. غايتو انا ماشفت لى زول هاجر لامريكا وعمل عمار ؟؟ والمشكله التانية مابيرجعوا للسودان الا بعد 15 او 20 سنه وياخدوا اسبوع واحد وبرجعوا لامريكا مابيقدروا يقعدوا فى السودان تانى !!!

  7. طال ما دي امنيتك الف مبروك وربنا يوفقك ..

    لكن من وجه نظري لا انصح احدا بالذهاب الى امريكا للإقامة مطلقا ابحث في المنتديات عن المشاكل الاسرية للسودانين فقط المقيمين في امريكا ممكن تغير وجهتك ..

  8. مسكين … فرحان بامريكا …. ( براك قلتها / حلم ) .. بس حاتصحى منو هناك .. .. وتقعد تغنى براااااااااااااك ( ظلمونى )

    1. الحافظ في التقريب ( من عال ثلاث بنات ) أي تعهدهن وقام بمؤنتهن ( فأدبهن ) أي بآداب الشريعة وعلمهن
      ( وأحسن إليهن ) قال المناوي أي بعد الزواج بنحو صلة وزيارة ( فله الجنة ) أي دخوله مع السابقين
      فيه تأكيد حق البنات على حق البنين لضعفهن عن الاكتساب . الافضل لك جنة الاخرة من حُلم السراب.

  9. يازول مبروك اول شي تاني شي اكرب بطنك كويس ارجى الجاييك امريكا كانت زمان هسى في ناس من امريكا بيحوا اوروبا يقدمو لجو

  10. اولا مبروك عليك اللوترى لكن اقسم بالله العظيم امريكا ما زى زمان فى ال90 نات انا عشت فيها اكثر من 20 سنة فيها عنصرية لا توصف وبالزات لو اشتغلت فى التاكسى وتقريبا دا العمل المتوفر زايد المخاطرة زمان كنا نشتغل 8 ساعات وممكن بكل بساطة تعمل 200 دولار فى اليوم لكن الان لو تعمل اكثر من 12 ساعة لو عملت 50 او 75 تكون انت بطل .لكن فى النهاية الارزاق والاعمار بيد الله وربنا يوفقك ويحفظك واسرتك

  11. يااخوانا انا عندى اولاد خالتى شغالين هناك ليهم عشره سنين وامورهم ماشه تمام وبيجو كل سنه السودان وبتحكى لى خالتى كانت زارتهم هناك وقالت فى تكاتف شديد مع بعضهم البعض وفى رمضان بيفطروا جماعه وبيصلوا التراويح والتهجد يعنى احسن من ناس هنا وربنا يوفق الجميع

  12. يا جماعة كبروا عقولكم شوية الأمريكان ابين عيون خضر ديل اي حاجة بعملوها بفهم وتخطيط لمصلحتهم هم ما عينهم على الناس الكبار يشتغلو ولا يقعدو عطالة هم عينهم على الأطفال عاوزين يسرقوهم منكم ويربهم ويستفيدو منهم فى المستقبل لكن مجتمعهم الفاسد ده تأثيره قوي جدا.نصيحة مني ما تبيعوا ليهم أولادكم.

  13. امريكا فيها ايجابيات و فيها سلبيات بخصوص البنات الله يخليهم ليك و يحفظهم عندنا مدارس اسلاميه ممكن يدرسو فيها بجانب المنهج الامريكي بيدرسو تربيه اسلاميه و لغه عربيه …. ما منهن خوف من الناحيه دي حتي الثانوي العالي
    لكن في وجهة نظري اعمل ليهم الجنسيه اولا و بعدين شوف ما تراه مناسب لهم البقاء في امريكا ام الرجوع للسودان
    انا شخصيا اولادي في السودان لكن كلهم اتولدو هنا و هسع نسو امريكا و ما اظن يفارقو السودان تاني
    المهم الف مبروك ليك و حظا وافرا في امريكا
    و اخير كلامي ليك اقبض في درب الله قوي و حافظ علي صلواتك يحفظك الله

  14. للذين يرافقون اسرهم احذروا واحذروا من صدمة الانفتاح واحذروا واحذروا من يضيع ابناؤكم مقابل الهجرة والمتعة بالحياة الفانية ..
    حكي لي احدهم انه ذهب الى امريكا وهو يكاد يطير من الفرح واستقر وادخل اولاده وبناته المدارس واستمرت حياته عادية الى عدد من السنوات.. ولكن اذا به يفاجأ يوما باتصال من جهة مدنية وافادته انها منظمة حماية الطفولة او هكذا اسمها وانه مطلوب للحضور امامها .. وذهب فاذا به يجد ان ابنه قد اشتكاه لانه يعنفه ويعامله معاملة قاسية( حسب قوله)في حين ان الاب يمارس دوره التربوي كسوداني يحافظ على القيم .زومنها الغضب في اهمال الصلاة ..
    ولم تستمر الايام هكذا بل تفاجأ يوما ان هناك شخصا غريبا في بيته وهو شاب امريكي وسال الزوجة من هذا وماذا يفعل فقالت له اسأل بنتك .. اشتاط غضبا ونادي البنت في غرفة منفصلة وسالها من هذا فاجابت وبكل بجاحة انه البوي فريند حقي ..كاد ان يغمى على الرجل كماذكر .ز وخرج وهو لا يكاد يرى ما امامه ..
    ولم يتكلم مع احد طيلة اسبوع .ويفاجئهم يوما انهم مسافرون لحضور زواج اخيه .. ويربط احزمة الامتعة وسافر الرجل الى السودان وبرفقة كل الاسرة .. وبعد عبور الجوازات والخروج في الساحة
    في اذا به يمزق الجوازات ويقول لبنته سافري بكرة للبوي فريند وخليه ينفعك .. ومازال الرجل يعيش في ستر بين اسرته في السودان

        1. بلحيل والله يربطوه ناس الشرطة و يسلموه لك شكاغو في لحظات وكلهم شكر تشرط جواز امريكي ملعبة هي

  15. هل ضاق السودان بأهله للدرجة التى تجعل فوز اجد باللوترى كمن بشر بالجنة…..اقول للاخ ربنا يحفظك وكريماتك هؤلاء فيما انت مقدم عليه….

  16. بالله …..أمريكا حته و احدة…. ي حظك……..بس انت عارف الراجيك……..ي لهوي….. دي حاجة ما بتنقالش على قولة اخوانا المصريين

  17. يا جماعة سيبوا الحسد ..كلكم حتفرحوا باللوتري اذا توفر الحظ ليكم…..الزول مبروك ليه و ربنا يوفقه……العبادة ليس في السودان او الدول العربية يمكن الانسان يمارس عباداته بكل انضباط خارج السودان الاعتقاد و الدين قضية شخصية و ليس كل نساء امريكا دعاة دعارة و ليست كل نساء المجتمعات الاسلامية ملتزمات. بعداك العبادة في السودان حتى الان لم تمنع من زيادة اطفال المايقوما مجهولي الابوين. و لم تمنع بيع الاراضي و تزوير الورق ولن تمنع من سوق المواسير و تجارة الكسرة و لن تمنع من غش في الامتحانات و التوظيف عبر الواسطة وابتزاز بنات الناس بالعلاقات قبل التوظيف واكل مال الدولة و توظيف الزكاة كعلاوات للمعتمدين و الوزراء و الجهوية و القبلية و التصنيف العرقي…و لن ولن …اذا الدين مسئولية شخصية و اخلاق المجتمعات الغربية احيانا افضل من المجتمعات العربية الاسلامية. انا اشتغلت 11 سنة مع الاجانب من الدول الغربية و سنتين في السودان فقط لكن المشاكل و التهديدات و الابتزاز و الظلم والاضطهاد في السنتين اكثر من 11 سنة. اذا السلوك الفردي هو ما يجعلك ملتزم بالدين وليس السكن مع السودانين.

  18. يا أخوانا الراجل اتمنوا ليه التوفيق وربنا يحفظو يمكن حظو يكون كويس ، ما فى داعى لتبخيس الأشياء وتثبيط الهمم .

    1. ربنا يوفقه ويصلح حاله بس نحن بنحث الدولة الناس التي لم تحس بسبب هجرة الناس هذه اهانه للوطن وطن طارد لا علاج لا تعليم

  19. هههههه
    ناس حاقده
    مالكم وماله
    حظو طيب الله اداه
    كلهم تلقاهم مقدمين للوترى – احسن ليه يعلم اسرته – الجين والاخلاق فى تربيته بس
    اسع عليكم الله البحصل فى السودان هين
    ما دار المايقوما اتملت
    استر الناس ربنا يستركم
    تموا له التوفيق والسداد
    قال البوى قريند – بوزك التملي شطه

  20. الجماعة الفرحانين يمشوا أمريكا هذه هي أمريكا ممكن رضيع يطلق عليك النار ممكن عجوز هرم يفعلها قابلت شخص كان عنده فشل كلوي سألته عن السبب قال كان في أمريكا و معه شقيقه و أتى واحد أمريكي سأل أخاه عن شخص في الشقة المجاورة لهم لم تعجبه إجابة أخيه ما كان منه إلا أن افرغ المسدس في رأس أخيه و صاحبنا أغمي عليه و عندما أفاق حدث له الفشل الكلوي هذه ارض الأحلام.

  21. ١- نفسي عارف التعليقات السالبة دا لشنو
    ٢- الراجل عنده طموحات و احلام عاوز يحققها
    ٣- الكل يعلم ان الحياة حظوظ و امريكا ارض الأحلام و الحرية و الديمقراطية مهما كانت و بلد العلم و التكنولوجيا بمعني افضل من السودان بمليون مرة او اكثر اذا خلو الراجل يمشي و يجرب حظه احتمال يتأقلم مع المجتمع الامريكي و يكون من الناجحين بغض النظر عن مستقبل أولاده او بناته. و بعدين المستقبل في امريكا ممكن يكون افضل. في زول عارف مستقبله هيكون كيف في السودان ؟
    ٤- أحسن تبطلو الحقد و الحسادة
    ٥- مبروك يا اخي و نتمني لك حياة سعيد و ربنا يحقق طموحاتك و أحلامك و يدينا العافية جميعا.
    ٦- مرحب بك في امريكا الشمالية و الحياة الجديدة بعيدا عن المنافقين و الفاسدين و الدجالين و قتلي الأرواح البريئة.

  22. مبروك عليك الاقامه الدائمه فهي الوسيله المثلي للهجره !!! ولكن اعلم بان للهجره شروط شرعيه واخري دنيويه وثالثه اسريه اجتماعيه , وبدون تتطفل عليك بالاتي:
    *كل المهاجرين من العالم الثالث يعملون في مجال الخدمات !!! وهي كلمه مهذبه لاحدث انواع الاستغلال في مجتمع راسمالي خشن وهي بطبيعتها قاتله للوقت والانسان !!! ابتلعت واستهلكت كثير من السودابين بل واغتالتهم يد للغدر اخرهم شاب تكلمت عنه النيلين يرحمه الله, لذلك عليك عدم الدخول فيها الا لوقت قصير ,هناك مراكز تدريب مهني لبعض المهن والحرف(نجاره سباكه الخ…كثيره متعدده )عليك الالتحاق ببرامجها فورا وبعد التخرج والتدريب العملي تقوم بانشاء مؤسسه خاصه للعمل في السوق الحر,ستبدأ صغيرا وتنموا سريعا لان السوق كبير والتنافس حر وهذه طبيعه واليات مجتمعك الجديد.متمعك الجديد.
    *وضع برنامج طويل المدي لنيل دراسات Phd لك ولزوجتك واطفالك والاهتمام به لانه بعد تحسين مستوي المعيشه فان حسنه الغرب في العلم بعد الصحه وال.مال.
    *تكون الهحره بنيه الدعوه والعلم وتحسين المعيشه والتمسك بحبل الله داخل الاسره ومجتمع الاقليات المسلمه .
    *التصاق جميع افراد الاسره بالمساجد والمدارس الاسلاميه.
    *الالتزام بشروط عقد الاقامه والقانون ,وافضل الدعوه بالتي هي احسن والقدوه في السلوك الحسن والمعاملات الصادقه!!! واعلم بان المال مال الله والارض ارض الله يرثهما لمن يشاء من عباده.
    والله اعلم ون راء القصد.. ودنبق.

  23. ربما يتحقق حلمك يا اخى وتنعم بحياة هانئة وتمتلى جيوبك بالدولارات …ولكن تاكد ان هذا الامر سيكون على حساب امور اخرى ستظهر لك لاحقا وربما لن تستطيع معالجتها لو انفقت كل دولارتك التى اكتسبتها ..هاجر يا اخى ولكن ليس لامريكا او الدول الاوربية امامك الخليج باكملة

  24. مبروك اخونا العزيز باللوتري… واتمنى لك تحقيق احلامك وا تربي بناتك وعيالك احسن تربية وان تعلمهم احسن تعليم.
    اقول لكل المعلقين على الموضوع او على الفرصة للراجل الطيب (كما ظاهر بالصورة) صحيح كلكم تتكلمون عن تجارب مررتم بها بامريكا وسببت لكم صدمة كبيرة لما لاقيتموهو هناك من تغير في العادات وطريقة التربية وكيف قابلتم من المآسي من اخلاقيات لم ترضونها مع ابنائكم وبناتكم .ولكن مايجبر الناس لمثل هذا النزوح إن صح التعبير لايقل مشقة وعناء وظلم للناس هنا في السودان والله انا اعلم اشخاص ذاقو مرارة القسوة والظلم في السودان لدرجة انهم مرغمون لقبول اي عرض يخرجهم من السودان .فقط عليكم ان تضعو هذه الاشياء التى لاتقبل وانت في بلدك وبين اهلك .ولكن صحيح الذهاب لايقل معاناه عن الثبات على القيم والاخلاق في اميركا .على هذا الشاب ان يقبل بكل شيئ ذكره الاخوة المجربون لهذا الطريق وازيد عليهم ، انك سوف تنقطع تمامآ عن البلد وناسا واهلك وجيرانك بطرقة لاتتصورها وهذا يحدث بعد خمس سنين او سبعة بالكتير. عمومآ لك تمنياتي بالتوفيق .

  25. بطلو الحسد يا جماعة ربنا يوفقو ان شاء الله. في كمية من السودانيين ولله الحمد نجحو نجاح ممتاز مدراء بنوك وشركات ماتنطرو السودانيين الما طموحيين هن البتكلو وبنومو وم بتطورو ودي مشكلة الهجرة ممكن المتعلم والجاهل يسافرو المهم ممكن لو اجتهدته تحقق طموحك .

  26. سااافر ساي…. الله معك.
    خد الجنسية وتعال الخليج عشان يحترموك .
    ديل ما يجو الا كده … بالجزمة بتاعت مايكل جوردان.