سياسية

الكودة: اقسم بالله، لا املك قطعة ارض ولا بيت ولا سيارة في السودان، افكر في عدم العودة لاوربا ولكني احتار اين اسكن


قال المعارض السوداني رئيس حزب الوسط المقيم بسويسرا الدكتور يوسف الكودة: بعد ان غادرت تنظيم انصار السنة هل تصدقون ان :

(الشيخ مصطفي احمد ناجي الي ان توفاه الله كان يسكن بالحلة الجديدة في منزل معروش بالزنك باسم انصار السنة
والشيخ ابوزيد محمد حمزة في بيت مؤجر لزوجتة الثانية واخر من طوب بالجالوص باسم الجماعة للاولي كلاهما بالثورة الحارة الخامسة
والشيخ العلم الكبير الهدية رئيس الجماعة الي ان مات لا يملك قطعة ارض فضلا عن منزل خاص ، فقد قضي كل عمره ما بين منزل زوجته ام اولاده بالمسالمة ام درمان وبنته الوحيده نعمة بالمهندسين
هؤلاء هم شيوخ انصار السنة فجئني بمثلهم من السياسيين الان).

وأضاف الكودة قائلاً (انا اقسم بالله، رئيس لحزب لا املك قطعة ارض ولا دار ولا سيارة في السودان ولا بيت ، افكر مليا في عدم العودة لاوربا ولكني احتار اين اسكن).

الخرطوم/معتصم السر/النيلين


‫15 تعليقات

  1. ومن نهب من جيلهم الآن يتوسد التراب اختر مصيرك من الآن . رحم الله الجميع

  2. أجّّر ليك بيت الناس كلها مؤجرة يعني ماسبب ليك … إنت زول دكتور قدم في الجامعات السعودية بشيلوك

  3. ايه يعنى السواد الأعظم من السودانيين ماعندهم ، يعنى مشكلتك قطعة ولا بيت عشان كدا معارض؟؟؟ اارجع أروبا يازول

  4. انت كدي اشتغل اول حاجة بدل العطلة حقتك دي واجر فى الجبل وللا والجخيص الايجارات ريخيييصة

  5. بسيطه اشتغل وزير مع ناس الحكومه في يومين ح يكون عندك 10 عمارات و10 سيارات غير اليورو والدولارات والريالات

  6. أوّل سيّارة ليموزين استأجرتها في حياتي عام 2004 سيّارة كورية تتبع ليوسف الكودة !
    وكان بيته في محطة الغالي!

  7. يا الشيخ لو رجعت اوربا يعني حيكون عندك ملك (انت كنت في الحكومة سنوات عمرك قضيتها اعرس) ونسيت تعمل ليك بيت ياويك في سنين الغبراء (الشيوخ الذين ذهبوا ربنا يرحمهم)

  8. نفهم انك زي الهدية وأبوزيد ومصطفى ناجي
    انت شغال ليك قريب أربعين سنة وكنت أستاذ ومدير معهد الكلاكلة وقيادي في أنصار السنة وإعلامي ومحامي لو ما عندك بيت المشكلة فيك انت زمنك كلو عايش على أنصار السنة ياجروا ليك في النهاية عملت انك احسن منهم وأفهم
    بعدين انت ما تنستر ليه كاشف حالك زول في عمرك مفروض اولادك يكونوا اشتغلوا وما عليك إلا تلزم بيتك لكن عندك وهم في رأسك انك تحكم السودان

  9. أنكر يوسف الكودة ان له تنسيق بينه وبين الجبهة الثورية بل شارك بقوة معهم اجتماعاتهم وتحركاتهم وايضاً له تنسيق مع الحركاتة المسلحة وشارك في عدة مؤتمرات في زيورخ قوي المعرضة في الخارج وكان بناشد بفصل الدين عن الدولة وينادي للعلمانية ولما ذهب الي السودان للحوار قال ليست له تحالفات مع الحركات المسلحة والجبهة الثورية عندنا فديهات وصور تؤكد ذلك ذهب للسودان لكي يتقاسم ماتبقي من فتات السودان مع المؤتمر الوطني والآن يدعي انه لا يملك دار ولا سيارة انا عن نفسي لا اصدق ذلك

  10. أسكن بالإيجار زي ما خلق الله ساكنة بالإيجار ، 99% من السودانيين لا يملكون منزل ولا سيارة ؟ وأنت واحد منهم واللا شنو ؟ أم هذا إستجداء للحكومة ليعطوك منزل ” شحدة عديل يعني؟؟؟؟؟؟؟؟ “

  11. اصلا انت كنت ساكن وين قبل ما تمشي اوروبا وكنت عايش كيف ارجع محل ما كنت ساكن وعيش كما كنت تعيش

  12. طيب يعني الغريب شنو بعدين انت عزومك لمؤتمر فارغ الشكيه والشحده الكتيره دي شنو اصلك داير تحل مشكلة السودان

  13. الراجل صادق .. قال في السودان … أفهموها بقي .. يعني ممكن القاهرة ماليزيا زيورخ … كان يقول في الدنيا كووولها ما عندي بيت هههههههه شفتو رجال الدين وشفتنتم