زواج سوداناس

برلمانيون يحملون الشعب السوداني مسؤولية الفقر وتدهور الاقتصاد: العيب في الشعب المتراخي وغير الجاد



شارك الموضوع :

حمل نواب بالبرلمان الشعب مسؤولية الفقر وتدهور اقتصاد البلاد، وقالوا إن السودان ليس بلداً فقيراً، وإن اقتصاده من أقوى اقتصادات أفريقيا، ولكن تراخي الشعب وعدم جديته أدى لوصوله إلى هذه المرحلة.

وحمل النائب البرلماني عن حزب الأمة الفدرالي، طارق حمد الشيخ، الشعب السوداني مسؤولية تدهور الاقتصاد والمعاناة التي يعيشها نسبة لتراخيه وعدم جديته، وقال «منو القال ليكم العيب في اقتصاد البلاد العيب في الشعب المتراخي وغير الجاد».

من جانبه قال عضو البرلمان المستقل الطيب إبراهيم إن السودان ليس ببلد فقير، ولكن أفقره الشعب السوداني بسياساته. في السياق دعا النائب البرلماني، صلاح الدين عبد الله نواب البرلمان بالنزول إلى قواعدهم لتحريك الشارع العام من أجل الإسهام في تنفيذ سياسات الحكومة المطروحة.

البرلمان: صبري : اخر لحظة

شارك الموضوع :

تعليقات الفيسبوك

تعليقات


15 التعليقات

إنتقل إلى نموذج التعليقات

      1. 1
        محمد أحمد

        انتوا غير النوم و التصفيق عندكم شنو. معظم البرلمانيين ديل ما عارفين وظيفة البرلماني شنو!!

        الرد
      2. 2
        ابو ايثار

        انتو من الشعب دا ولا جايين من القمر

        الرد
      3. 3
        mohamed

        صدق هذا العلق.
        هذا هو البرلمان الحقيقى الذى يعرف هموم الشعب

        الرد
      4. 4
        المسكين

        أطالب بوقف البرلمان لمدة عام ، وتوزيع منصرفات ومرتبات البرلمانيين لحوادث الأطفال ولبناء مراكز صحية ومستشفيات ومدارس … وكان الفكرة نجحت ، نقوم نعمل تسريح نهائي للبرلمان و مبنى البرلمان نعمل فيهو مستشفى للمعاشيين الذين أعطوا وما أبقوا وأفنوا زهرة أعمارهم في خدمة البلد بكل صدق وتجرد ونكران ذات ولكن للأسف تنكرنا لهم وهضمنا حقوقهم وأبدلنا تضحياتهم الجسورة ، وقابلناها بالتحقير والذل والهوان ..

        الرد
      5. 5
        هريسه وهردبيسه

        وانتو من الشعب ده ولا من كوكب تاني ….

        لكن ممكن نقول اذا كان رب البيت بالدف ضارب فشيمة اهل البيت الرقص

        الرد
      6. 6
        محمد احمد

        ناس البرلمان ديل عايشين فى كوكب تانى جريهم كلوا وراء مخصصاتهم وبدلاتهم ومحركنهم نسوانهم من البيوت زى بتاع المطار داك …..الشعب خلوهوا وبطلوا تحكوا مشاكل الوزارات لى نسوانكم وخشوا بيوتكم رجال واطلعوا واجهوا الشعب ومشاكلوا رجال

        الرد
      7. 7
        نقاااي

        انا مزارع لو عايز ازرع الحواشة بالمنطق خلونا نتكلم
        اول حاجة عايز حرات وتقصيب ومسح ثم التيراب والزراعة ثم الموية ودا كلوا في خمسة فدان ثم بعد شربتين عايز السماد الملح واليوريا وعايز خمسة حشات ثم سبعة مويات سقاية ثم القطع والدقاقة وجزء القصب ولموا
        لو حسبت هذه التكلفة والبترميهوا في الارض ما بجيب حقه في الاخر الحواشة تطلع ليك 20 شوال بالميت ولو عندك شريك ح يشيل نصوا 10 شوالات
        خلينا في الشريك واحد اقول ليك لي تشارك اصلاً اقول ليك لان الحواشات اصبحت كل شريك ساكن بالقرب من الحواشات وعندوا 12 حمار وكم غنماية
        لمن ما تشارك ادخلوا حواشتك بي حميرهم هذه في غيابك ولو مشارك اقولوا زملائه دي حواشه فلان المنهم وفيهم ويتحاشون ادخال الحيوانات عليها
        ثم عند السقية الرابعة او الخامسة تنقطع الموية وتفتش في الترعة والكنار وتجيب بابور وما تحصل الموية الزرع يموت عطش على مدار 12 سنه الماضية الناس زهجت من الزراعة لعدم الموية وبالذات القمح ثم ياتوك ناس الزكاة ويشيلوا كل الشوالات وما يخلوا ليك قرضة ترجع بيها الى البيت ( الجريح – خدمات – كنانة والرهد — ألخ )
        الناس قنعت والقروش البرميها في الواطه احسن امشي السوق اشتري بيها قمح وله عيش حامد شاكر ولا وجع راس

        الرد
      8. 8
        احمد ماجد

        يا سلام عليكم يا ممثلين الشعب خلاص هذا التمثيل الامثل للشعب الذى فوض امره اليكم حتى تدافعوا له عن حقوقه وجئت يا حضرة البرلمانى وحملة الشعب فقر وتدهور الاقتصاد اشرح لنا كيف وبما تسبب الشعب فى تدهور الاقتصاد اتقوا الله فى عباد الله فى الشعب المغلوب على امره

        الرد
      9. 9
        habani

        برلمان الغفلة …

        والله الواحد ماعارف يضحك ولا يبكي

        حسبنا الله ونعم الوكيل

        الرد
      10. 10
        meen

        هههههههه عدم الشغله بتعمل كدا الزول لو سالو بتعمل شنو مابعرف عاملين ذي العاب العرايس كدا. هههههه دي اخرتها الشعب هو الملام الناس دي جايه من ويين

        الرد
      11. 11
        من انتم ؟؟؟؟

        هههههههههههههههههه
        الشعب السوداني مقصر هو الذي ادي لدتهور الاقتصاد وتفشي الفساد وتفشي الامراض وزيادة الدولار لي 9.5 وتدهور التعليم والصحة .
        خلاص بدلونا بشعب تاني او بعده ان اشاءالله

        الرد
      12. 12
        ع

        يا ايها البرلمانيون الغوا تشريعاتكم المكبلة للشعب وزيلوا تلك القيود وسنوا من القوانين ما يجعل الشعب ينطلق ثم من بعد ذلك اسألوه من الانتاج.

        الرد
      13. 13
        عارف وفاهم

        (( حمل نواب بالبرلمان الشعب مسؤولية الفقر وتدهور اقتصاد البلاد،))…..وإنتوا ما بتخجلوا على روحكم تصرفوا في الحوافز والعربات و وصلتوا للمرحلة دي على أكتاف الشعب ونُص الشعب ما لاقي علاج و ناس بتاكل وجبة واحدة في اليوم والمدارس نصفها منهارة مبانيها والطلبة ما لاقين كُتب ونصهم ما لاقين حق الفطور ,غنتوا ( تجُخوا) بالعربات البكاسي والصوالين المصروفة ليكم من مال الشعب ، عيب عليكم تقولوا كدا.
        (( وحمل النائب البرلماني عن حزب الأمة الفدرالي))……… وإنتوا بالذات يا ناس الأحزاب سبب فشل السودان في التقدم والإنطلاق من زمان لأنكم ( كل الأحزاب) كانت لما تمسك الحكم و(تتوهط وتِتحكّر) تفتش عن مصالحها وتفتش عن أموالها المُصادرة.
        (( النائب البرلماني عن حزب الأمة الفدرالي، طارق حمد الشيخ، الشعب السوداني مسؤولية تدهور الاقتصاد، وقال «منو القال ليكم العيب في اقتصاد البلاد العيب في الشعب المتراخي وغير الجاد»))…….والله العيب في برلمانات السودان من زمان ( إلا زمن محمد أحمد المحجوب) إنها برلمانات أراجوزات، وبرلمانات صِفِيقِة للحكومات توافق كلُ شيء تفرِضه الحكومات على الشعب.
        (( من جانبه قال عضو البرلمان المستقل الطيب إبراهيم إن السودان ليس ببلد فقير، ولكن أفقره الشعب السوداني بسياساته.))………. أول مرة نسمع إنه في شعب بيمشي سياساته على الحكومة من الشارع و أُمال النواب في البرلمانات بيعملوا شنو؟ ينوموا ويصفِقوا للحكومة لما تفرض قرارات ( مُجحِفة) في حق الشعب؟
        والغريبة الكلام ده يتصدر ليه نواب من غير المؤتمر الوطني، و سبحان الله.

        الرد
        1. 13.1
          عارف وفاهم

          طيّب يا أيها السادة النواب (ال….م) إذا كان الشعب السوداني هو السبب في تدهور إقتصاد السودان ، نسألكم وأمانة في ذّمتّكم تجاوبوا بصراحة و شجاعة:مشروع الجزيرة (العمود الفقري ) لإقتصاد البلد، هل كان الشعب هو السبب في تدهور المشروع؟ هل الشعب هو سبب تدهور الخطوط السودانية؟ وهل هو السبب في الخطوط البحرية السودانية؟ وهل هو السبب تدهور التعليم الحكومي؟ وهل هو المُتسبب في إنهيار سعر الجنيه السوداني لأسوأ مستوى ليه؟ حتى قرّب يتلاشى؟ أيها النواب يا إما تقولوا الحق أو نقِطونا بسكاتكم وخليكم زي من سبقكم بالنوم والتصفيق والتهليل على الفارغة والمليانة.

          الرد
      14. 14
        atbara

        الشعب السوداني ما عندو عوجه الحكومات و سياستها العشوائية هي السبب في تدهور الاقتصاد و البلد …. كل اعضاء البرلمان تنقصهم حاجه اسمها الوطنيه
        السودان من اغني دول العالم وليس افريقيا فقط لكن حكوماتنا ما عندها اي استراتيجية لاستغلال قدرات البلد و امكانياتها

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *