زواج سوداناس

تعد الصفقة الأكبر في تاريخ الكرة السودانية..الهلال يدخل علي الخط ويعرض 4 مليار جنيه علي أمير دفاع المريخ والمنتخب



شارك الموضوع :

تداولت بعض الصفحات والمنتديات المهتمة بأخبار نادي الهلال السوداني خبراً يحوي مفاوضة الهلال لمدافع غريمه التقليدي المريخ أمير كمال والذي ينتهي عقده مع ناديه بنهاية الموسم الحالي.

حيث كشفت هذه الصفحات والناشطة علي مواقع التواصل الاجتماعي أن إدارة النادي الأزرق جاهزة لدفع مبلغ 4 ملايين جنيه سوداني أي ما يعادل 4 مليارات بالعملة القديمة علي أمير دفاع المريخ والمنتخب الوطني.

وفي الوقت الذي جلست فيه إدارة المريخ الجديدة مع المدافع الشاب توطئة لإعادة قيده فأن القروبات الهلالية أكدت علي أن أمير كمال أصبح قريباً من ارتداء الفانلة الزرقاء.

الصحف الحمراء طمأنت جماهير النادي ببقاء أمير المدافعين مع فريقه وتوقيعه لعقد جديد بعد جلوسه مع إدارة الفريق بقيادة الرئيس الأسبق جمال الوالي والذي حسم أمر تجديد أمير كمال والقائد راجي عبد العاطي.

وقد طالبت جماهير الهلال عبر مواقع التواصل إدارة فريقها بضم أمير كمال لكشوفات النادي وذلك لتعويض الضربة التي تلقاها النادي الأزرق من المريخ بعد أن قام بضم لاعبه بكري المدينة مطلع الموسم الحالي.

 

ياسين الشيخ _ الخرطوم

 

النيلين

 

 

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        محمد ابراهيم السنوسي

        عافي منك يا الجعلي

        والله بعد كده باقي ليك تادب فقط الاتحاد العام وخاصة ود سيد احمد ده العامل نفسو عالم قانون
        ولقى ادارة الاتحاد كلها خارج السودان فاصبح الرئيس بالانابة لمدة 3 يوم

        وبالنسبة للمريخ عدوك سهروا ولا مناموا

        الرد
      2. 2
        هلالابى

        اناشد ادارة الهلال ان يلعب الفريق مباراتى الدورى والكاس ضد المريخ وبعد الفوز انشاء الله نرفض استلام الكاسين ونعلن مواصلة تجميد النشاط حتى يرحل الاتحاد وكده ناكد ان القضية قضية وطن واصلاح وليس انسحاب فقط

        الرد
        1. 2.1
          خلوها مستوره

          انت بتحلم عاوز تهزم الزعيم هو انت هربته خوفا من مقابلة الزعيم لانو انت ماعندك قضيه العندهم قضيه ناس كادوقلى هم بيلعبو وناس عطبره انت غشيتم ابقى قابلنى يارشاشه هو انت سموك رشاشه ليه امشى اسال كردنه كان تلقى عندو اجابه مد رجلك على قدر لحافك يارشاشه يا سبب مشاكل الرياضه فى السودان

          الرد
      3. 3
        صالح احمد صالح

        رشاشه ياجاهل للانه برش الاهداف بالحمله وليس هزيمه فى عقر الدار واللجوء للتزوير لاسترداد النقاط … اها ناس القضارف قالو فى تزوير …والفيفا ستطرد اسامه عطا المنان ومجدى شمس الدين … والمفوضيه قالت لجنة الاستئنافات غير شرعيه … يعن فساد يزكم الانوف بالله عاوزين كمامات ….. وياامير كمال ما اغشوك …. 4 مليار دى مستقبلك ومستقبل اسرتك … اذا ادوك 4 مليار مبروك عليهم … والقصه كلها احتراف … ماشفت هيثم صطفى وعمر بخيت لبسوا فنيلة المريخ … تفتكر السبب شنو غير الفلوس …

        الرد
      4. 4
        أمير الشمال

        4 مليار و الموسم الماضي بكري قابض مثلها من الوالي و ده كلوا بس عشان الهلاريخ يفوزوا علي الأهلي و الخرطوم و النسور .. و يستهدفوا الأميرة السمراء الأخيرة دي فقط عبر الصحف الرياضية ,,,,,,,,,,, إرزااااااااق ,,,,,

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *