منوعات

الشاب السوداني “خليل يوسف”: اريد ان احجز تذكرتي في اقرب فرصة والسفر،امريكا انا قادم


” لم أدرك ان مغادرتي لولاية سنار للدراسة في الخرطوم سوف تكون نقطة تحول في حياتي. لا أحد في المنزل يصدق حصولي علي اللوتري، خاصة امي وابي غير مصدقين ان ابنهم سوف يذهب لارض الاحلام الولايات المتحدة. اريد ان احجز تذكرتي في اقرب فرصة والسفر، امريكا انا قادم”.
خليل يوسف
“Diversity Winner Readies for America”
“I did not know that leaving Sinnar state to study in Khartoum would be a turning point in my life. No one from my family believes I was selected for the Diversity visa, especially my parents. They cannot believe their son will be going to the United States-the land of dreams! I want to book my ticket at the earliest opportunity. America, I’m coming! ”
Khalil Yousef

صفحة السفارة على فيسبوك


‫24 تعليقات

    1. كيفنك آ اليانكي أخوي !
      يسهل علينا و عليهم … ح يدعم البلد بالدولارات بدل ما هو مستهلك !
      بس حكاية (أنا قادم) دي قوية شوية… (مايكل جوردون !!!)
      أخونا المعلق (شاهد) الموجود هناك قال ليهو تعال غسيل العدة رااااااقد.
      و زميلك المعلق ahmed قال ورهو درب ال food stamps .. !! مش احتمال الراجل بيستنكف الصدقات وعايز ياكل من ضراعه.
      علي العموم نتمنى له التوفيق .. ولكل مجتهد نصيب (يانصيب !!)

  1. طيب حبابك الف …لكن بالله ما تتخلع لما تشوف الحياة هنا على طبيعتها
    ولما تشوف انس النور والثعلب والكابلي وغيرهم هنا بجابدوا في حق الايجار ماتستغرب
    بس طبعا اخير ليك من بلدك …تعال حبابك الف

  2. مرحب بيك يا السناري بس بالله تعال بسودانيتك وعش في امريكا بسودانيتك بس بدون غفله وحدد اهدافك من البدايه وأبدا في تنفيذها واحذر الآتي المخدرات واالبارات والشلليه واعرف ان امريكا تبدأ بغسيل المواعين لغاية البيت البيض ما فيش حد في البيت الأبيض ما بدأها بغسيل المواعين او المراحيض فلا تفاجأ الحلم الامريكي يبدأ بهذا والزم المساجد لان اغلب من يذهبون علي المساجد هم من الذين اختاروا الله تعالي علي الشهوات فستجد من عينك علي كيف تسكن وكيف تدرس وكيف تعمل حتي تتأقلم علي البلد لان كل شي في امريكا مباح واعلم ان امريكا يباع فيها السلاح كما الملح في السودان الموت في امريكا كل ثانيه يقتل شخص علي الأقل ومازصاحب البتزا السوداني الذي قتل قريبا ببعيد فالفرص موجوده اذا اتبعت النصائح

    1. ما قاعدين نغسل عدة والحمد لله …وشغالين شغل نضيف ……مافي كلام زي دا…
      الشغل النظيف موجود

    2. للاسف التجمعات الدارفورية في ارض المنافي البعيدة غالبا ما تكون متكتلة ومعزولة…لاتترك لاحد فرصة الاندماج فيما تبقي من النسيج السوداني… وخليل شاء ام ابي سيسير علي الدرب…

  3. ربنا يوفقك.لكن خلي احلامك معقولة ماتحلم كتير عشان ماتجي تفاجأ بالوضع ادرس ادرس ادرس ثم ادرس خلي حلمك في التعليم لا في الدولار عشان لو قريت خمسه سنين انت في امن واما لو ريت وراء الدولار بعد 20 سنه حتكون في نفس المكان.ده من المجرب

  4. Everything happens for a reason
    السناري الف مبروك ِِ الله كان كاتب ليك رزق في امريكا بس نصيحه ليك و للجميع و بما فيهم نفسي امسك درب الله شديد يا زول … كن مع الله يكن معك .. اهتم بالتعليم و الشغل ملحوق

  5. أولاً الأمريكان لا يعترفوا بأي شهاده دراسية غير شهادتهم،، والشغل حارس أمن ،سائق ليموزين، غسيل صحون، مجالسة مريض، تحميل بلوكات ،توصيل طلبات، ولو تابعت البارات والمخدرات عينك ما تشوف إلا النور طلقه في الراس .

  6. أحسن ناس اللوتري بيغسلوا عدة بي فايدة .. الساعة بالشئ الفلاني ..
    هنا غسيل العدة ملح سااااكت .. بس الواحد المدام تحدر ليهو كدا .. جري علي المطبخ .. ههههههه كخخخخخخخ هههههوووو

  7. وصية ماتنسى تجيب معاك بطانية ولو امكن كرتونة
    كبيرة فاضية مطبقة لانو قبل غسيل العدة سوف تضطر
    للنوم فى الشارع .

  8. ما تفرح كتير .. هناك الصدمة بالفين .. بس اوع من البكاء والجرسة واياك تفكر تجي تاني لانك بعت السودان

  9. أتمنى لك التوفيق و النجاح و السداد أرمي كل أسباب الفشل في السودان وراء ظهرك و أعمل لتحقيق حلمك .

    الله يوفقك و يسدد خطاك .

  10. غسيل العدة بالحلال خير من عيشة تملأها المهانة فى وطنك الام بعدين ليه غسيل عدة ماااا امكن الراجل يبقي طموح وربنا يديهو من الواسع ويبقي علم من اعلام زمانو
    ادعى ليهو ربنا يوفقو ويديك زيو يا ملك

  11. ما احتمال السناري ده يحصل ليه واحدة ثرية تتعلق بيه و يتزوجها و تكون تجربته غير تجاربكم — و انتوا قاعدين تقلدوا بعض في المهن والاعمال – ما عرفنا اي الولايات يقصدها السناري و المضيفه شغال شنوا ؟؟؟ – مهنة والدك تقلدك — ربنا يوفقه –