زواج سوداناس

فيديو لص بيت (العزابة).. التعذيب بالغسيل والعصا.. بعد فيديو الشطة



شارك الموضوع :

معالجة الخطأ بخطأ أفدح منه ينزلق بالمجتمع في هاوية سحيقة (أجمل الناجين فيها يحمل خنجراً) كما يقول الشاعر..
مقطع فيديو مؤسف ومحزن ينتشر تداوله على موقع التواصل الاجتماعي (فيسبوك) في اليومين الماضيين.. لص ليلي وقع في قبضة ساكني المنزل الذي حاول الدخول فيه وهو منزل عزاب كما نفهم من الحوار الفظ الذي كان يدور بين اللص وأصحاب المنزل.. حوار العصا والتعذيب الجسدي واللفظي وأخذ الحق باليد..

وفي المقطع يظهر اللص المقبوض عليه وهو يقوم بقضاء عقوبة قررها أصحاب المنزل الذين جمعوا أمامه كل ملابسهم المتسخة وطلبوا منه غسلها ثم قاموا بتصويره أثناء عملية إذلاله وضربه بالعصا أثناء غسله للملابس ثم أخذ تعهدات منه بأن لا يقترب مرة أخرى من منزل يسكنه أبناء قبيلة بعينها على طريقة (تاني بتجي بيت سكانه من القبيلة الفلانية؟) فيجيب بلا.. ثم يعاد عليه السؤال بصيغ مختلفة تسمح لهم بتكرار ضربه بتلك العصا التي يحملها أحدهم .
محاولة أخذ العدالة باليد تجسد أزمة قاتلة ومدمرة في مجتمعنا، وأخذ العدالة باسم القبيلة واسم العنصر جريمة لا تقل حجماً عن جريمة السارق الذي يتسلل الى بيوت الناس ليلا ً أو نهاراً.

بل هي أس المشكلات التي تعيشها بلادنا، فالعصا التي حملها سكان بيت (العزابة) في وجه اللص الذي تسلل إلى بيتهم، وتنفيذهم بيدهم العقوبة التي تشفي غليلهم يعادل هذا الفعل فعل كل من اعتقد أنه هو أو قبيلته أو منطقته تعرضت لظلم أو ضياع حقوق في الخدمات أو السلطة أو الثروة هنا أو هناك ثم قرر أن يسترد هذه الحقوق بالبندقية فتكون النتيجة انتقاله من خانة المظلوم إلى خانة الظالم الذي يستحق المحاكمة على تجاوزه للقانون.
لن ينصلح حال بلادنا ما لم نحتكم في كل قضايانا إلى القانون.. لن ينصلح حالنا مادامت العبارات الأقرب إلى ألسنتنا حين نتعرض الى الظلم والاعتداء من أي أحد هي تلك العبارات التي تفيد بوعيدنا وتهديدنا بنيل حقنا بأيدينا.

حتى ثقافة التهديد الحميم في (ونستنا العادية) في الكثير من الأحيان نجدها تستخدم عبارات تحمل معاني عالية السقف ومكثفة الغلظة حتى مع أبنائنا مثل (لو ما سمعت الكلام بجي بكسر ليك راسك دا).. (لو قمت عليك بضبحك) لاحظوا حجم الفعل وسقف العقوبة..
أخطر ما في تفاعلات المشاهدين لفيديو لص بيت العزاب وتعليقاتهم عليه أن ما فعله هؤلاء جعل معظم من شاهدوا هذا المقطع يتعاطفون بالكامل مع اللص الذي تحول من جانٍ إلى ضحية..

فيديو لص بيت العزاب يجسد واقعاً خطيراً ويعبر عن ردة حضارية كبيرة في مجتمع عنوانه المروءة والشهامة وتاريخه دورساً في العدالة ومكارم الأخلاق.

شوكة كرامة
لا تنازل عن حلايب وشلاتين.

بقلم: جمال علي حسن
صحيفة اليوم التالي – الأربعاء 4 نوفمبر

شارك الموضوع :

تعليقات الفيسبوك

تعليقات


34 التعليقات

إنتقل إلى نموذج التعليقات

      1. 1
        محمد

        دا الحاصل في السودان الحرامي بيضرب وضحايا الحراميه ياخذوا القانون بيدهم ما حصر علي قبيله معينه كما قال الكاتب وانا شاهدت الفديو
        فقط الزمن اتغير في تصوير وتوثيق لأي حدث في هذا الزمان

        الرد
      2. 2
        استرالي مغبون

        حليلك بتسرق سفنجة وملاية
        وغيرك بيسرق خروف السماية
        تصدق في واحد بيسرق ولاية
        ضعف السلطة وتطبيق القانون هو الزي يؤ دي الى ما نراه
        طيب لو البيت ما بيت عذابة وفيهو نساء وحراير آمنين داخل منازلهم ليدخل عليهم لص بعد منتصف الليل غالبا الصورة ستكون عكس ما شاهدنا
        حلايب سودانية

        الرد
      3. 3
        الواضح

        كأنكم عاوزين تقولوا لأنو السياسيين فاسدين نسيب الحرامية يسرقوا بيوتنا ونرحب بهم . اخذ القانون باليد خطأ ولكن عندما يدخل لص لبيتك وتحاول مقاومته الا يقتلك ؟ وكم مرة قتل اللص صاحب المنزل دون ان نسمع هذه الاصوات النائحة

        الرد
        1. 3.1
          الراصد

          تحية للواضح من الراصد …ده الكلاااااااااااااااااااااااااااام.

          الرد
      4. 4
        abomohamed

        لاادري ماسر التعاطف المفاجئ مع السارقين… علي الرغم من ان هذا السارق كان يمكن ان يتسبب في قتل نفس بريئة ليسرق …فالمتهجم علي المنزل غالبا مايكون مسلحا … من حق اي شخص ان يدافع عن منزله وعرضه.. باي وسيلة…

        الرد
      5. 5
        محمدأحمد

        يا أخوانا صبحكم الله بالخير والبركة .. شكرا للأخ الصحفي الذي طلب لا تنازل عن حلاييب وشاتيلا هو في تنازل أكثر من كدا ، أما حكاية الحرامي يا أخوانا في العالم كله مافي حرامية بيجو نص الليل يتلبوا في البيوت والناس نيام دا غباء فادح يعني الحرامي يا سرق وفلت ويا طلع سكين قتل زول وأما ناس البيت أو الحلة قبضوه يعني دي ما أظن تكون سرقة دي هنبتة الزول بيدخل بيتك وإنت نائم مع أولادك أو بمعنى أصح زوجتك هل هذه سرقة أم تعدي على الشرف والأرض والمال … نرجو من علماء السودان الإفتاء في هذا الموضوع لأننا والله نعيش في هلع وأولادنا في هلع ونوم مافي والناس شغالة وبرضو تقولوا ديل حرامية … والله المستعان

        الرد
        1. 5.1
          Nureldin

          كلام صحيح 100% – نط البيوت والسرق لا اوجد الا فى السودان- واحد نط داخل بيتك يستاهل القتل و الشطة قليلة عله- للبيوت حرمات.

          الرد
      6. 6
        بلحه

        لا كده كويس خلوه يغسل الهدوم ويكويها كمان مافي مشكله بس الشطه حرام …اتخيلو واحد من العزابه ديل قاعد ليه عشره سنه شقال وبلم في قريشاتو علشان يمشي البلد ويعرس ويعمل ليه غرفة جالوص تلمو هو ومرتو اتخيل يجي الحرامي ده بكل بساطه ويشيل تحويشة العمر ويهرب يااخي والله حرام عليه ويستاهل الضرب وغسيل الملابس وبعدين يسلموه الشرطه لكن موضوع الشطه والقتل ده حرام وما بجوز ….هو اصلا عبيط يجي بيت عزابه كويس ما عملو فيهو حاجه تانيه ههههه

        الرد
      7. 7
        فضل الله بله

        كلنا الظلم يتشكل جوانا بس في اشكال مختلفه اول هذا الظلم تقع في كلمة هذا لا تشبه عاداتنا بكدا تكونوا كذبتم وظلمتم عندنا كبير المرافق العامه ظالم كبير القبيله ظالم كبير المنطقة ظالم كبير الحي ظالم السياسي ظالم المناضل ظالم الشيخ العالم متكبر ظالم كبير البيت ظالم كبير العمر ظالم ده من جه من جه اخرئ الكاتب والعامل والفراش والبايع والمشتري والسائق والسواق والبياع وسيد الدكان وبتاع المزرعه وعارض البضاعه في الطريق بختصار نحن ظلم متحرك يومي لا ما رحم ربي اجزم ممكن تتحرك من من اقصئ شمال البلد لحدي اقصئ الجنوب ون غربها لي شرقها تقدر تسجل الناس الكويسن في اربه ورقه فلسكاب وما بتتملي ما تخاف ما تجوا تهاجموا ساي اول حاجه اول حاجه البناء الاصلي كان قبل الاستقلال ايو انا بحب الانجلسز ما وطني وداير اي عشره منكم يحملوني لاي حدود و يجلدوني ويطردوني بس انتو تقولوا سرق وقتل لا شوفوا نفسكم وانتو بتاكلوا كيف بتلبسوا كيف بتركبوا المواصلات كيف بتتعاملوا في البنوك والصرافات والصراف الالئ كيف بتعملوا في في عمل الشركات والمؤسساتكيف يعني بختصار اي عمل جماعي جد تجد الظلم سيد الحركة وانشاءالله انا اكون مريض نفسي حتئ لا يكون احساسي ده موجود في غيري والله المستعان ارجعوا وصححوا قبل ما تتلاشوا

        الرد
      8. 8
        الراصد

        الناس تخلي الحمار وتمسك البردعة !! ده حراااااااااااااااااااااااااااامي !!

        الرد
      9. 9
        فارس عبدالرحمن

        حرامى يستاهل اكتر من كدا ياريت كل واحد يقبض على حرامى ياخذ حقه بيده لان البوليس هو حامى الحرامية

        الرد
      10. 10
        shawali

        والله البكتبو يدافعوا عن الحرامية ديل ماعندهم موضوع … المفروض يهاجمو القانون الغير رادع لأنو لو الناس سلمو الحرامي بيتحبس ليه كم يوم كدا وبعد داك يطلع يواصل سرقتو … عشان كدة الناس بقت تألف عقوبات براها … لازم عشان تنتهي السرقة في المجتمع يتطبق شرع الله (والسارق والسارقة فاقطعوا أيديهما جزاء بما كسبا نكالا من الله والله عزيز حكيم) (ووالذي نفسي بيده لو أن فاطمة بنت محمد سرقت لقطع محمد يدها) والبداية بحرامية المال العام… وهسي للقاعد يجعجع دا غسيل الهدوم والضرب أهون ولا قطع اليد …

        الرد
      11. 11
        نادر

        دى لو فى قوانين اصلا فى البلد دى…انزل الشارع واسال ,هل يوجد قوانين فى هذا البلد الجميل…..

        الرد
      12. 12
        العيون السوداء

        دا كلام صح حرامي قبضوه يخلوه يمشي ساي ما ممكن وحتي لو سلموه الشرطة حيفكو برضو عشان كدا لازم وضرورى يخلوه يغسل هدوم البيت كل وحق الجيران كمان لو في طريقة .والقبيلة دي ماممكن تغلط في زول ساكت

        الرد
      13. 13
        حازم

        حقا لأمركم عجيب , أي قانون الذي تتحدثون عنه وجهاز الشرطه من أفسد أجهزة الدوله إذ قلنا مرارا وتكرارا ان بعض العسكر نفسهم يتقاسمون المسروق مع اللص وبالشواهد لو عاوزين.
        ما هي الظروق التي تعطي اللصوص الحق في انتهاك حرمة بيوت الناس ؟
        حرامي الغسيل وقع في يد شباب رحيمين جدا لم يأذوه …. تفرجنا ع الفيدو لا تضخمو الموضوع .
        شوية ملابس ختوها ليه في طشت وقاعد في بمبر معزز مكرم الى أن انتهى من الغسيل . مع التعهد بعدم المجيئ ثانية.
        مش أفضل من بوليس وجرجره وحاجات تانية؟
        بوقوفكم مع اللصوص بتدوهم الدافع أنهم يضروا الناس أكثر وأكثر ….

        الرد
      14. 14
        عمدة

        عشان نتكلم على علم ونعلق ببينة ارجو ان يعطينا احدكم رابط الفيديو، وله الشكر

        الرد
      15. 15
        حازم

        ابحث في الفيس اكتب حرامي الشطه حرامي الشطه الاساسي شالوه لكن بتلقى واحد عواليق قدامو غسيل وشوف الحوار عادي جدا يلوحولو بالعصا و زول هبشو ما في

        الرد
      16. 16
        عابد

        ليس تاييدا لفعل غير لايق بالاسلام واهله لكن اقول لكم قصة حدثت لص سرق ثلاثة جوالات او موبايلات وتم القبض عليه واقتيد الى قسم الشرطة بعد يومين تشوف الحرامي يقدل في الشارع الناس تسوي شنو الزول قال ليهو ورب الكعبة انا تاني م بعرف قانون لو لميت فيك الله اعلم يحصل ليك شنو وخلاه دي حالة انا ببصم عليها حصلت . والامثال الواقعية كثيرة انا بعرفها لو لا مخافة الله في قتل النفس زمان كان مات الالاف لكن هذا الحرامي مستعد يقتلك يتخلص منك وين القانون هنا والله ولد خريج هندسة قتل بسبب مبلغ 3الف والمبلغ بعد تعثر وجدته لغرض يحضر بيهو اخيه ضرب ضرب الموت قبل ايام ثلاثة مليار جنيه خنق وضرب صاحبها بل ابنه وضعت السكين على عنقه وهؤلاء الحرامية لديهم مخدرات اين دور الشرطة يقومون بسكب وتسميم الجو انت لو ربنا قدر وصحيت لا تستطيع التركيز . الشيء الاخطر من السرقة البيوت عورات زول ينط فوق عرضك تسوي شنو نحن لدينا تقصير كبير من دور القانون ومنفذي القانون سبب سرقة مواصلات ماشي الحال وان كانت عيب بس ما زي زول ينط ليك في بيتك

        الرد
      17. 17
        كايدهم

        اولا اخي كاتب القصة اقول لك لقد سرقت ماقاله الغير من سنوات فهذه القصة حدثت لمجموعة من العذابة وانا اعرفها كانت تسكن في السجانة بجوار السوق .. وحدثت في اوائل السبعينات رحم الله من مات واطال عمر من بقي منهم
        الشيء الثاني وهو المهم :
        لماذا يلجأ الناس لتعذيب الحرامي او الزائر الليلي ان وقع في قبضتهم.؟؟. انه عدم الحكم الرادع والاجحاف في حق اصحاب المنازل يقبض على الحرامي ويسلم للشرطة وتاني يوم تذهب للمحكمة ويسالك القاضي ( الزول دا شال شنو من بيتك ، تقوله يا مولانا انا قبضته قبل يشيل.. يقولك يعني ماشال حاجة ولا عندك حاجة عنده تقول له نعم .. يقول خلاص اذهب انت ماعندك حق معاه والباقي حق النظام العام فيحكم باربع وعشرين ساعة او 48 ساعة سجن مع حساب ما امضاه في الحجز .. بالله عليكم حكم زي دا ليه ما يخلي تاني يرجع ويسرق ويقتل حتى ..
        اقسم بالله حدثت مثل هذه القصة معي حيث دخل حرامي نصف الليل البيت وشعرت بفتح الباب الخارجي بقوة هرولت للباب فوجدته مفمتوحا وصحي اخي ايضا تسائلنا من يكون قد فتح الباب ،، فاذا بنا نسمع صراخ واحدة من الجزء العائلي وتصرخ الحرامي اسرعنا اليها وسالناها اين هو فاشارت الى المطبخ فوجدت شابا متكئا على البوتجاز ويخفي يده خلف ظهره .. تسارع الينا الجيران بالصراخ وتجمع كل اهل الحي ..فوخذته بخشبة في منتصفه فرفع يديه وعلمت انهما فارغاتان ولا يحمل سلاحا فقفز احد الاخوان طرحه ارضا اشبع ضربا وركلا وبصقا .. واذكر اتى نظامي وقتها يعمل في الجيش اتى بحزامه وبالحديدة اشبعه ضربا .. اوقفنا الضرب وقمنا بتقييده وحملناه الى الشرطة وحين الوصول وجدنا الضابط من ابنائنا فسالني مالكم قلنا له كذا وكذا وقال وين هو فذهب اليه وساله انت دخلت بيت الجماعة ديل قال نعم فاعطاه كفا عجبني شديد ..
        قال بكرة تمشوا المحكمة عشان تايدوا البلاغ . وفعلا تغيبت انا واخواني وذهبنا للمحكمة وجلسنا الى الساعة 12 وجات عربة الشرطة ولم تحضر المتهم .. وطلبوا منا الحضور غدا .. وتغيبنا لليوم الثاني وفي تمام الساعة العاشرة جاءت العربة تحمل المتهم وادخل للمخكمة وانتظرنا نحن خارجا ونودي على اخي الاكبر والذي باسمه يؤجر المنزل ,, ساله قضاة المحكمة انت فلان نعم . ما علاقتك بالمتهم استغرب وقالهم علاقة شنو الزول دا دخل بيتي وكان عايز يسرق .. ساله القاضي اها سرق شنو .قال له ماسرق حاجة لانه قبضناه قبل يدخل الغرف .. وبعدين .. بعدين يا مولانا سلمناه الشرطة وقالوا تعالوا هنا… يعني هسي ما عندك حاجة عنده .. لا يا مولانا .. خلاص اتنتفضل شكرا ليك ..بعد نص ساعة نودي على اخي مرة اخرى وكان النطق بالحكم .. والله والله كما ذكرت لكم سابقا في المقدمة ..
        تفتكروا لو بكرة جاني حرامي حاعمل ليه شنو ..
        نحن لا ننادي بتطبيق القانون يدويا او انزال العقوبات كيفما نشاء ولكن يجب ان يكون قانون الجريمة مشددا حيث يعتبر اي شخص دخل الى منزلك عنوة او خلسة جريمة لا تقل عقوبتها عن خمس سنوات سجن وهذا يمكن ان يردع الحرامية شوية ..
        ام انزال العقوبات باليد فهو من القديم يقوم بها االاهالي وهناك .. مثال تلك المنطقة التي اشتهرت ان تقبض على الحرامي وتربطه بحجر وترميه في النيل لا من شاف ولا من سمع ..
        واذكر واقعة ان مجموعة من العذاب مسكوا حرامي فاحتاروا فيما يفعلون به فاستل احدهم سكينته وقطع له اذانه وفكاهو في الشارع وهو يصرخ ..
        وكثيرة ولو لا تقنية التصوير بالجوال لما اتعرف سر هذا الذي ربما غيرت قصته اشياء كثيرة ,, لكن هؤلاء القوم بلهاء كيف بهم يسلمونه للشرطة بعد ما ارتكبوا من هذا العمل الشنيع كان حري بهم ان يفكوه في الشارع بعد مافعلوا فعلتهم هذه ولن يجرؤ علي فتح بلاغ ولن يعرف من فعل به .. ولكن يبدوا انهم حمقاء

        الرد
      18. 18
        المحايد

        كان قريب لنا طويل القامة وجسمه فارع وكان يريد ان يدخل الى مستشفى الخرطوم واراد ان يقطع تذكرة دخول سمع الناس تنادي حرامي حرامي وبعدها نزلوا في الحرامي ضرب شديد و الحرامي من شدة الضرب صار يصرخ و يسترجوهم ان يكفوا عن الضرب فما كان من قريبنا الا ان تصدى لهم يا اخوانا انتم ما عندكم رحمة و الحاجة التانية تاخذوا القانون بأيديكم الحرامي ده سلموه الشرطة و خلوا القانون يأخذ مجراه فتحدث له احد الجمهور قال له أنت عارف الحرامي ده نشل مين فتش جيبك شوف جزلانك في و لا مافي قريبنا تحثث جيبه لم يجد جزلانه قال له الرجل ده جزلانك الحرامي نشلك انت فما كان من قريبنا الا ان خلع مركوبه ووقع في الحرامي ضرب و الناس يضحكوا

        الرد
      19. 19
        متابع

        من يتسور بيوت الناس ويرهبهم وربما يسبب لهم جراح أو يقتل فيهم من يقتل ليس لصا بل هو إرهابي وأظن أن عقوبته حد الحرابة
        الحرابة لغة : هي من حارب يحارب فهو محارب من الحرب والحرب انسلب الرجل ماله حربه يحربه اذا اخذ ماله والحرب نهب مال الانسان وتركه لا شئ له والحارب المشلح اي الغاصب الناهب الذي يعري الناس ثيابهم واسم الحرابة اخذ من نص القرآن الكريم وهو ما جاء في سورة المائدة لبيان عقوبة المحاربين قال تعالي ( انما جزاؤا الذين يحاربون الله ورسولة ويسعون في الارض فسادا ان يقتلوا او يصلبوا ) ومحاربة الله تعالى من باب المجاز لا الحقيقة لاستحالة محاربته سبحانه وتعالى والذين يحاربون الله ورسوله هنا هم الذين يخرجون مجاهدين لقوتهم باظهار السلاح وقطع الطريق على الناس لسلب اموالهم وقتلهم فهم اناس محاربون لغير الله من الناس وقوله تعالى ( ذلك بانهم شاقوا الله ورسوله ) ويحتمل ان يكون المعنى يحاربون اولياء الله ورسوله وقوله تعالى (ان الذين يحادون الله ورسوله) اي يؤذون اولياء الله وذهب الحنفية الى ان الحرابة قطع الطريق وهي الخروج على المارة لاخذ المال وقطع الطريق عندهم يكون من جماعة حيث يجتمعون على المارة ويحمي بعضهم بعضا ويتناصرون الى ما قصدوا اليه واما حكم الحرابة فهي تعد من الكبائر بل من افحش الكبائر واشدها لما فيها من اعتداء على الانفس والاموال بل على امن المجتمع كله ولهذا كان المحارب اي قاطع الطريق محاربا لله ورسوله كما جاءت الاية الكريمة (انما جزاؤا من يحاربون الله ورسوله ويسعون في الارض فسادا ان يقتلوا او يصلبوا او تقطع ايديهم وارجلهم من خلاف او ينفوا من الارض ذلك لهم خزي في الدنيا ولهم في الآخرة عذاب عظيم وقال جمهور الفقهاء من الحنفية والمالكية والشافعية أن الآية الكريمة تتضمن اربعة جرائم وهي : 1 جريمة اخذ المال 2 جريمة القتل 3 جريمة القتل واخذ المال 4 جريمة التخويف اخافة السبيل فقط دون قتل او اخذ مال فهذه اربعة جرائم لكل جريمة منها عقوبة تناسبها ومن شروط اقامة حد الحرابة : شروط المحارب : 1العقل والبلوغ 2ان يكون المحارب ممن له قوة ومنعة سواء كان منفردا او جماعة لهم قوة ومنعة وهناك شروط للمكان الذي تحدث فيه جريمة الحرابة : 1ان يكون في دار الاسلام 2ان يكون خارج المصر وبما لا يقل عن مسيرة سفر و جزاء قطاع الطرق او المحاربين كما نصت عليه الآية الكريمة 1 القتل 2 الصلب تغليظا عليه ويجوز قتله بلا صلب وقطع يده اليمنى ورجله اليسرى وايضا يجوز صلبه حيا ثم قتله وقال الشافعي ان المحارب يقتل ويصلب بدون قطع اما احمد فاوجب قتل المحارب وصلبه وقطع الايدي والارجل واحتج بقتل المحارب وصلبه ان قتل واخذ مال حيث ان جبريل عليه السلام نزل بالحد فيهم ان من قتل واخذ المال قتل وصلب ومن قتل ولم ياخذ المال قتل ومن اخذ المال ولم يقتل قطعت يده ورجله من خلاف

        الرد
      20. 20
        قلب الاسد

        احسن مافى الموضوع لا تنازل عن حلايب او شلاتين……..الحرامى اقتلوة بلا هوادة ولا للالفاظ العنصرية

        الرد
      21. 21
        زول سااااي

        بتم ليكم الحكايه
        الشباب القبضو حرامي الغسيل (عوض تبتا) ديل من قريتنا عددهم اكتر من 7 اشخاص. والكلام ده حصل قبل شهرين
        وديل شباب صغار وكلهم طلبه جامعات .والقصه انو الحرامي لقي الباب مفتوح ودخل البيت
        وشال لابتوب و2 موبايل وصحنين, وهو طالع مرره من الجيران شافتو ,كوركت للشباب
        والحرامي جري , والشباب قبضو بعد ما مشطوا الحي,
        مسكوا الحرامي وغسل ملابس اكتر من الكميه الظاهره ف الفيديو
        وأدوهو فطور وسفه صعوط.
        بعد ما انتهي من الغسيل , ف جزء من الشباب قالوا نفكو
        وجزء قالو نسلموا للشرطه , الاختلاف بيناتهم كان شديد وقربت تحصل مضاربه(علي حسب افاده زول الفيديو)
        ف نهايه سلمو للشرطه.
        بالمناسبه الشباب ديل مصورين صور سلفي مع الحرامي عوض تبتا , حفظا علي سلامتهم ما بنشر الصوره

        الرد
      22. 22
        haider ali omer

        ما هذا الدفاع الغبى عن اللصوص الذين ينتهكون الحرمات والاعراض
        ان جزاء هؤلاء هو القتل يا ايها الكاتب

        الرد
      23. 23
        abdalla

        شوفو ناس اقسام الشرطة بيعاملوا الحرامي البي يسلموهم ليه كيف بعدين تعالوا اتفاصحوا
        البلد اتملا عنصريه بعد اهل الشمال والوسط يتعنصروا تنتقدوهم!!!!!!!

        الرد
      24. 24
        fffff

        السلام عليكم اخواني الاعزاء شكرا للكاتب لكن احب اوضح للناس انه القانون غير ناصف وانا شاهد عيان لاكثر من سرقة في مدينة رفاعة واقل سرقة ب 50000الف جنيه اولا :
        1-الشرطة لاترفع اي بصمة مع العلم بالحرامية
        2-يطلق سراح المتهم بضمان ليس بكفالة.
        3-تعزر الشرطة لعدم الامكانيات .
        4- والاغرب يكون هناك شاهد عيان.
        5-وفي بعض الاحيان اعتراف قضائى.
        ولا يسترد الحق وهذا صنع هذه
        الظواهر وسترون العجب في السنين القادمة.

        الرد
      25. 25
        عثمان

        فعلا اللص و حرامي الليل الذي يروع اهل بيت امنين في منزلهم يجب ان يفعل به اي شي ( ينضرب – تقطع اذنه – أو يده ) العقاب يكون وقتي لانه لا توجد عقوبه رادعة في بلادنا اي حرامي يدخل السجن اليوم وبكره تجده في مكان اخر .

        حسبنا الله و نعم الوكيل

        الرد
      26. 26
        حسن

        كدي با اخوانا استهدوا بالله
        اسي لو خيروا الحرامي ده بين غسيل و شطه و قطع يد
        هو ليييي نفسو بختار الاوائل ههههههه

        الشعب الدوساني متعاطف جدا والله
        حتي مع الحرامي
        يا بختك يا حرامي

        الرد
      27. 27
        صهيب

        لكن هناك حرامية يأتون مسلحين و اكثر من واحد لسرقة المنزل و يختارون منزلا اصحابه مكون من اسرة صغيرة و يعلم الحرامية بان لديهم بعض الاموال بالمنزل سواء تحويلة من الخارج او بيع ارض او منزل ، ان انه مغترب اتى لقاء اجازته و عمل بعض الاعنال، عندما ياتي هولاء اللصوص فهم يدخلون المنزل بطريقة يكون درسوها مسبقا و غالبا تكون بواسطة عامل صيانة بالمنزل او عاملة النظافة ، و فجأة و صاحب المنزل و هو في احلامه يجد نفسه وسط هؤلاء المسلحين داخل غرفة نومه ، احيانا يتركه اللصوص بعد ان ينالوا المبالغ و الدهب ان وجد تحت تهديد السلاح و لكن هناك بعض الحرامية يقومون بقتله و اغتصاب زوجته و بناته ان كانن في طور البلوغ (لدي مثالين لشخصين تركوهم الحرامية بعد ان اعطاهم كل ما عنده و ايضا شخصين آخرين تم قتل رب المنزل و اغتصاب الزوجة و آخر اغتصاب الزوجة و البنت، البلاغات مسجلة لدى الشرطة) ، فهل يسمح للص ان يخرج حيا ان دخل منزلا و هو مسلح او غير مسلح.

        الرد
      28. 28
        عمدة

        اقول للأخ فضل الله بلة،انت لست مريضا نفسيا ولكنك تحس بالمعاناة الكلية وليست المجتزأة!
        نعم الظلم في كل اوجه الحياة،وحتى تأويل اقوال الآخرين على غير قصدهم فيه ظلم كبير، والكتابة فيما لاتعلم فيه ظلم لمن يعلم،وتبخيس الناس أشياءهم ظلم،ومهاجمة أي رأي لمجرد أنه مخالف لك،ظلم،وعندما تعجز عن أخذ حقك وتهاجم من اخذ حقه،لمجرد انك عجزت،ظلم،وهكذا كثير من الظلم والظلامات في حياتنا ولكننا نبحث في أخطاء غيرنا وننسى اونتناسى أخطاءنا وهذا ظلم للنفس!
        ربنا قال في الحديث القدسي:’يا بني آدم إني حرمت الظلم على نفسي وجعلته بينكم محرما فلا تظالموا..’
        وفي القرآن الكريم:”ولا يجرمنكم شنآن قوم على ألا تعدلوا،اعدلوا هو أقرب للتقوى..”
        وقال الحبيب’صلى الله عليه وسلم’:”…وكما تدين تدان،والديان لايموت”،
        ولكن ليس عندنا مبدأ محاسبة النفس،ولكننا جاادون لغيرنا!!!
        ولك التحية الاخ فضل الله بلة.

        الرد
      29. 29
        haider ali omer

        اقتلوا اى لص يدخل الى منازلكموالا فانه سيقتلك وينتهك حرمتك
        تسلحو بكل انواع الاسلحه للدفاع عن انفسكم لانه لا يوجد امن فى البلد
        من يدافع عن منتهكى الحرمات فهو ديوث

        الرد
      30. 30
        كماشه

        أي واحد يقف في صف الحرامي دا أهبل وعبيط ,وأي واحد يقف مع من يكب الشطه والجلد للحرامي دا غبي وبليد ، وأي واحد يلم للحرامي غسيل البيت والجيران ويخليهو يكنس البيت وفي النهايه يفطروا ويقهوجه وكمان شاى وسفه وسجاره ويسلمه للبوليس دا يكون زول صنديد.

        الرد
      31. 31
        سودانى مغبووووون

        على بالقسم حرامى يتلب لى في بيت ,, لو بقى شيطان رجيم الا تمرقو كرعينو … فكونا بلا وهم معاكم .. فجاءة اتمليتو انسانيه وتدين وسودنه … الحرامى حرامى … استسهل يسرقنى .. جازف بحياتو ..

        الواحد ميتين اهلو يطلع .. يستكتر في نفسو ويلم فيها جنيه وجنيهين … سنين وراء سنين … ويجى واحد تافه مايسوى اتنين تعريفه يمد يدو – على الماشى – يتناولها ويفوت ..

        الرد
      32. 32
        من انتم ؟؟؟؟

        انا شاهد عيان

        حصل في منطقة بحري / الحاج يوسف ان لص تسلل لي منزل اسره صغيرة مكونة من اب وزوجتة الابن الاكبر 8 سنة والاصغر 4 سنة , عندما حس الاب بحركة غير طبيعية في الغرفة قام ونهض من السرير وتحرك في اتجاه الداخل ليتأكد من الحركة داخل المنزل اثناء ماهو ذاهب اذا بالحرامي يدفعه الي الخارج ويلحق به في ساحة المنزل امام زوجته ودارت المعركة ونهض الاطفال من النوم بصوت العراك وبدات الزوجه تصرخ بأعلاه صوتها طالبة النجده , وقام الحرامي بأستخراح سكين و ذبح الزوج ( من الوريد للوريد ) امام زوجته وابنائة ولاذا بالفرار من امام اعينهم ,
        الان الزوجة رجعت البلد للعيش مع اهلها وتربية ابنائها ولم تتزوج بعد حتي الان هي واولادها في حالة نفسية صعبة شديد ومازالت هي وابنائها يطلقون صرخات الاستغاثة في منامهم لدرجة استيقظ الجيران

        من المسؤل ؟؟؟

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *