رياضية

عاجل.. الإتحاد السوداني لكرة القدم يوقف الكاردينال لمدة عامين..يغرم الهلال والأمل 10 ألف جنيه..ويهدد الهلال بتجميد نشاطه حال انسحابه مرة أخري


اجتمعت عصر الأحد اللجنة المنظمة للإتحاد السوداني لكرة القدم برئاسة الأستاذ مجدي شمس الدين واتخذت عدداً من القرارات الهامة والتي نقلتها بعض صفحات مواقع التواصل الاجتماعي.

حيث أعلن ﻣﺠﺪﻱ ﺷﻤﺲ ﺍﻟﺪﻳﻦ عن ﺍﻟﻌﻘﻮﺑﺎﺕ ﻣﻦ ﺧﻼﻝ ﻣﺆﺗﻤﺮ ﺻﺤﻔﻲ وجاءت كالأتي:

أولاً ﺍﻟﻤﺸﺎﺭﻛﺔ في ﺍﻟﻤﻬﺮﺟﺎﻥ:
ﻏﺮﺍﻣﺔ ﻣﺎﻟﻴﺔ 50 ﺍﻟﻒ ﺟﻨﻴﻪ ﻭﺛﻼﺛﺔ ﻣﺒﺎﺭﻳﺎﺕ
ﺧﺎﺭﺝ ﺍﻻﺭﺽ ﻟﻜﻞ ﻣﻦ ﺍﻟﻬﻼﻝ ﻭﺍﻻﻣﻞ ﻟﻠﻤﺸﺎﺭﻛﺔ ﻓﻲ ﻣﻬﺮﺟﺎﻥ ﺍﻟﻬﻼﻝ ﻣﻦ ﺩﻭﻥ ﺍﺫﻥ ﺍﻻﺗﺤﺎﺩ ﺍﻟﻌﺎﻡ.
ثانيا ﺍﻻﻧﺴﺤﺎﺏ:
ﺍﻟﻬﻼﻝ .. ﺍﻻﻣﻞ .. ﺍﻟﻤﻴﺮﻏﻨﻲ .. غرامة ﻣﺎﻟﻴﺔ
10 ألف ﺟﻨﻴﻪ ﻟﻜﻞ ﻣﺒﺎﺭﺍﺓ ﺗﺨﻠﻔﻮا ﻋﻦ ﺣﻀﻮﺭﻫﺎ ﻭ ﺍﻋﺘﺒﺎﺭﻫﻢ ﻣﻬﺰﻭﻣﻴﻦ 2 ﺻﻔﺮ .
ﻭ إذا ﺗﺨﻠﻒ ﺍﻟﻬﻼﻝ ﻋﻦ ﻣﺒﺎﺭﺍﺗﻪ ﺍﻟﻘﺎﺩمة ﺳﻴﺠﻤﺪ ﻧﺸﺎﻃﺔ ﻭ ﻳﺤﻮﻝ ﻟﻤﺠﻠﺲ ﺍﻻﺩﺍﺭﺓ .

ثالثاً: إيقاف ﺍﻟﻜﺎﺭﺩﻳﻨﺎﻝ رئيس نادي الهلال عامين ﻋﻦ ﻣﺰﺍﻭﻟﺔ ﺃﻱ ﻧﺸﺎﻁ ﺭﻳﺎﺿﻲ ﺑﺴﺒﺐ ﺍلإﺳﺎﺀﺍﺕ التي ﻭﺟﻬﻬﺎ ﻟﻘﺎﺩة ﺍﻻﺗﺤﺎﺩ ﺍﻟﻌﺎﻡ.

ﺭﻓﺾ ﺷﻜﻮﻯ ﺍﻟﺮﺍﺑﻄﺔ ﻛﻮﺳﺘﻲ ﻭ ﺍﻋﺘﻤﺎﺩ ﻫﺒﻮﻃﻪ ﺭﺳﻤﻴﺎ ﻟﻠﺪﺭﺟﺔ ﺍﻻﻭﻟﻰ ﺑﺮﻓﻘﺔ ﺍلميرغني ﻛﺴﻼ .
ﻫﻼﻝ ﻛﺎﺩﻭﻗﻰ ﻭ ﺍﻻﻣﻞ ﻋﻄﺒﺮﺓ ﻳﻠﻌﺒﺎﻥ
ﺍﻟﺴﻨﺘﺮﻟﻴﻖ ﻣﻊ ﺍﻻﻧﺪﻳﺔ ﺍﻟﻤﻨﺘﻈﺮﺓ ﻣﻦ التأهيلي ﻳﻮﻣﻲ 13 ﻭ 18 ﻧﻮﻓﻤﺒﺮ.

 

ياسين الشيخ _ الخرطوم

 

النيلين


‫14 تعليقات

  1. الاتحاد العام بدقة اخر مسمار في نعش الرياضة السودانية وتجميد نشاط الهلال يعني تجميد نشاط الرياضة ومبروك عليكم الكاس ياقادة الاتحاد المريخي الهوي والهوية

  2. دا كلام صاح و المفروض تكون القرارات أقوي من كدا… والكردينال جاهل و لا يستاهل اداره الهلال لكن السودانيين بمجدوا القروش وليس الأشخاص عشان كدا طلع في الكفر

    1. صاح بمجدوا القروش ذي ما مجدتوها إنتو مع العارف عزو مستريح

  3. اتحاد فاشل يديره الصُيَّع والصعاليك …. هي بقت على الهلال الانقاذ دمرت البلد كلها ، ابتداء من التعليم والصحة واخيراً الرياضة ……………… أتت اليها بوزير لم نسمع به من قبل ، لا خبرة في الكورة ولا خبرة في العلم ، ولا لا ولا ولا ……………….. منعول ابو الرياضة البتحكموا فيها رباطة

  4. الكاردينال ما يستاهل رئاسة نادي الهلال اصلا لانو زول جاهل وعوير رئيس النادي لازم يكون زول متزن ورصين ما يطلق الاساءات والبزاءة ساكت كدة وانا اول يوم سمعت كلامو قلت خلاص دى نهاية الكاردنال وهو اصلا ماكان لاقي سبب يمكن مخصوص عمل كدة عشان يعفوهو من الرئاسة جائز

  5. إتحاد فاشل وظااااااالم وكل الدلائل تشير بتحيزه للمريخ

  6. على جماهير الهلال عدم السكوت والسكون لهذه الفوضى والخروج مباشرة تجاه مقر الاتحاد الهزيل وازالة هذا المقر الفاسد بمن فيه وعدم الرضوخ لقرارات مزمز الحاقد .

  7. يا اخي بلا لمة نحن منتظرين قرارات قوية تزلزل عرش فريقي القمة تعملوها كلها غرامات إتحاد جعان و قبلها فاشل . قبل كم سنة قررتوا حرمان المربخ من الكأس لموسمين و تراجعتم برضو الان سوف تتراجعون

  8. أقول للكاردينال :

    يعيش الفتي في دهره وهو جاهلٌ *** ويَكْدِ المرءُ في فنّهِ وهو عالمُ
    ولو كانت الأمــور تسير على الحِجا *** هُلِكنَ إذن عن جهلهنّ البِهائمُ

    إذا اعتقدَ الكاردينالُ يوماً أنّ المهابة بالمال تُنالُ ، فالكرامةُ أقوى عند الشُّرفاءِ أن تُنالُ
    كيف تصبوُ لمعالي والينا جمالُ بِالصِّراخ والعُوالِ، فذاكَ جَمالٌ وحُسنُ مظهرٍ وهيبةٍ وجمالٍ

  9. يجب أن تكون القرارات متزنة وحكيمة لكي لا تضر بالكرة السودانية ولا ينبغي أن تكون نابعة عن عناد ومكابرة ، أجلسوا مع إدارة الهلال وحكماء الهلال وشوفوا الحل المناسب معهم بعقلانية وبعد نقاشات هادئة وأساليب راقية، الهلال له مكانة كبيرة وشعبية عريضة وأي إضرار تلحق به نابع عن تهور وغرور سيكون لها مردود لا يحمد عقباه، فنرجو من الجميع التعقل والعمل للصالح العام ” لا ضرر ولا ضرارا “

  10. والله حسب شوفي للكورة السودانية، يعني الحديث عنها في الجرائد أكثر من الكورة ذاتها، بعدين كونوا واقعيين وما تخدعوا أنفسكم لأن الحاصل دا الدافوري في الحلة أحسن منه بكثير… والله لو سمعتوا كلامي تلغوا حاجة اسمها كورة وبعدين الاستادات دي محتلة مواقع كبيرة وجميلة واقترح طالما النجيلة موجودة يتم تحويلها لمتنزهات مفتوحة للشعب السوداني الغلبان دا، وتكون بدون رسوم دخول وبلاش من حركات الجبهجية اللي حتى هواء الله دا عملوا ليه سور وباعوه للغلابة ….. وسيبونا من الدوري وقف والكاردينال بتاع مصنع البيرة وقفوهو والعارف عزه مستريح تنازل عن ديونه (كان وارثها من أبوه) ومش عارف بشة عرس وقلق ما جاه نوم ….. قال كورة قال

  11. يعني نفهم من كدا .. أنو الهلال الموسم القادم .. ح يلعب مع الشجر والبرنس في (لليق) … لأنو إنسحب … وكدا …

  12. من هو مجدى شمس الدين ومعتصم جعفر ومحمد سيد احمد على جماهير الهلال زلزلة الارض تحت اقدامهم وحاربوهم فى كل تحركاتهم ومضايقتهم ليعرفوا قدرهم هم اصلاا قمة الفساد وزادهم العارف عزو فسادا جميعا مرتزقة مال ولا يعرفون قدر الهلال وعلى وزىر الشباب والرياضه ووالى الخرطوم ان يتحملوا النتايج طالما سمحوا للفساد ان يستشرى حتى فى كرة القدم ولم تصدر المفضويه قرارها بعدم شرعية كل قرارات الاتحاد المفصله بفلوس جمال الوالى واين انت يا جلكوما صمتا ليه والقانون فى يدك لالغاء هذا الموسم الكله فساد

    وعلى الهلال اجراء تمارينه فى يوم مبايات الممتاز ليعرف كل واحد حجمه ودخل تمارين الهلال تؤسس اتحاد كرة باكمله وخلى معتصم جعفر امول اندية الممتاز من شركته التى اسسها بالفساد كلو فساد فى فساد