بابكر سلك

أنطونيو مالو.. عيبوهو لي؟!


> المتتبع لإبداعات غرزه في هذا الموسم
> لا ينكر دور انطونيو الكبير في مسيرة الابداع
> فالرجل اشطر معد بدني
> واظننا لاحظنا لياقة اولادنا في المقابلات الافريقيه
> والرجل مصدر مهم جدا لمعلوماتنا عن الفرق التي نقابلها افريقيا
> والرجل يقوم باعباء كثيره تساعد والده على تقديم جهده بهدوء وراحة بال
> فعندما سافر برهان لسيكافا ليأتينا بدراسة لعزام
> اتي الينا بملعومات راعي الضأن في الخلا عارفها
> ولكن انطونيو بتكليف من غرزه كان قد اعد ملفاً تفصيلياً عن عزام وهو في امدرمان.
> انطونيو ما ساهل
> ولا هين
> وبالتعاقد مع غرزه مع اشتراط ابعاد انطونيو
> بنكون زي الاشترينا بوكس هايلوكس
> واشترطنا علي البائع ان يشيل المكنه بتاعت البوكس
> يعني البودي ده دايرين نربط فيهو مكنة نوبيرا ولا شنو؟
> الاعداد البدني مكنات النوبيرا ما بتجر بكسيهو يا ناس
> الاعداد البدني اهم مقومات النجاح في الملعب
> اتمنى ان يفكر مجلسنا في هذه النقطة
> فشكل المريخ الافريقي هذا الموسم
> لن تقبل الجماهير باقل منه في الموسم القادم يا ونسي
> المهم
> البرلمان جهه تشريعيه
> ولا اظن ان جهة تشريعيه تخالف التشريعات والقوانين واللوائح
> ختوا في بطونكم بطيخه صيفي
> المهم
> قالوا سوبر مان في السودان
> الوطواط جايينا متين يا ربي؟
> ايها الناس
> غرزه لعب موسم كامل بي طلطاشر لاعب بس
> تحت ضغط مباريات محليه مضغوطه بين مباريات افريقيه
> جهزوا للرجل كشف مجهبز
> ارفعوا سقف اللاعبين الي عشرين لاعب جاهز ان شاء الله
> واستمتعوا بموسم رائع روعة شطارة غرزه
> والكاش يا ونسي بقلل النقاش
> والشفافيه بتلملم الناس حول الكيان
> والكيان محتاج وقوفنا معاً ما محتاج لي كيمان
> يبقي الشفافيه امان
> ايها الناس
> علينا بقبول الرأي الآخر
> نحترمه لو كنا نحترم رأينا
> ونسمعه للآخر
> يمكن نجد فيهو كلمة واحده مفيده
> العضويه يا هواري
> العضويه ام رأس ما العضويه بالرأس يا ناس
> ايها الناس
> مكابر من ينكر أي دور يقوم به انسان في الحياه
> ان كنا نستنكر ما بدر من همت
> الا اننا لا ننكر على الرجل جهوده التي قام بها طيلة سنوات
> والتلويح بالاستقاله عند الاختلاف يتعارض مع ديمقراطية المريخ يا ناس
> وسعوا الصدور
> وكبروا العقول
> فالمريخ يحتاجنا جميعا
> لا لإقصاء اي مريخي مهما كان السبب
> تعالوا نتلملم عشان نغير الحال في برنامج الرياضه بالقومي
> خلونا نشتغل من اجل الكيان
> موش نشتغل بدون ما نقصد ضد الكيان
> ايها الناس
> فيلم الموسم
> سوبر مان في البرلمان
> تحب تتفرج يا رمضان؟!
> الفيلم البعدو بات مان خلي ام درمان
> ده بكون رهييييب
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> النسوان ديل مصرات يحيرن فينا
> واحدات يتجوهلن يا والينا
> مباريات الموضه ولا شغالات بينا
> قلنا خرف مبكر الم بهن وراحت علينا
> يتحكحكن طول اليوم ويلطخن وشوشهن بي تموينا
> زبادي وبن وبيض وشاي اسود وسمنه في الوش ملطخات وتونه وسخينه
> لكن الاكتر من كده يا والينا
> لما يتكلمن عن البيت والعربيه واي حاجه لدينا
> الواحده تقول بيتنا وعمارتنا وعربيتنا
> ولما يجن للدهب تقول دهبي يا والينا
> متنمي واحده تقول دهبنا امان مسقبلنا الفضل لينا
> في البيت يقسمن معانا وفي الدهب ما بقسمن لينا
سلك كهربا
ننساك كيف والكلب اكتشف انو دبلتو باعتها الكلبه وزادت بيها الخاتم.. ورااااقد يهز في ضنبو
والى لقاء.
سلك


‫2 تعليقات

  1. يافضل الله لانطمع في صحافة (فاضلة) لكن يعقل أن يكون قدر الفضل بهذا السلوك؟