زواج سوداناس

40 ألف مغفل بتابعوا صفحة تهاني عوض.. برافو عليكم طلعتونا مغفلين ومغفلات وانا واحد منهم !



شارك الموضوع :

بالمنطق كدا يعني معقول ناس جهاز الامن بدعموا حملات شباب شارع الحوادث عشان يخترقوا صفوف المعارضة والناشطين؟! ناس الامن بعملوا ترويج للتعريف بالسياحة في السودان؟ ناس الامن بعملوا نداء ومناشدة لجمع التبرعات للمرضى بالمستشفيات؟ ناس جهاز الأمن بعملوا اعلانات لصالح شباب شارع الحوادث لما يكون في أدوية منقذة للحياة معدومة في البلد وبطلبوا من المغتربين شراء الأدوية أو جمع التبرعات وتسليمها لمناديب شارع الحوادث بالامارات والسعودية والناس بسرعة بتفاعلوا مع النداء وبيتشروا الدواء ويصل للمحتاجين خلال ايام بل ساعات !

ناس جهاز الامن بنشروا اخبار الفساد والمفسدين لتعرية المؤتمر الوطني؟ ناس جهاز الامن بكتبوا قصص قصيرة تحكي عن الفقر في الارياف ؟ ناس جهاز الامن بنشروا الاخبار السارة عن ابداعات وانجازات السودانيين بالخارج ؟! ناس جهاز الأمن بنشروا نكات لادخال السرور في نفوس السودانيين الزهجانين!

ناس جهاز الامن بعملوا اعلانات عن الناس التايهين واهلهم بفتشوا عليهم ؟ ناس جهاز الامن بكتبوا عن الخريف وآثار الخريف والفيضانات لحظة بلحظة؟! والله لو ديل ناس الامن البعملوا كد كتر خيرهم .. انتوا كدا بالطريقة دي اثبتوا انو جهاز امن الكيزان اذكى جهاز وناسو احسن ناس وأفهم ناس.

وكمان اثبتوا انو في 40 ألف مغفل بتابعوا صفحة تهاني عوض وبيعتمدوا على صفحتها كمصدر اساسي وصادق للاخبار .. برافو عليكم طلعتونا مغفلين ومغفلات وانا واحد منهم !

طبعا انتو كدا بترسخوا لثقافة التشكيك في الناشطين والناشطات .. وكدا بتقدموا خدمة مجانية للأمن وبتعملوا احباط للناس البحلموا بالتغيير ..وبتصنعوا بطولات وهمية كأنكم اكتشفتوا الذرة لما تشككوا في احدى الناشطات أو احد النشطاء .

برافو عليكم يا حيدر اخترت اقصر الطرق للشهرة والانتشار بالتشكيك في الناشطين والناشطات ..ومبرووووك مقدما باكر صفحتك حتكون الصفحة رقم واحد في الفيسبوك.

رد من الكاتب: خالد النوراني

على مقال :حيدر عبد العاطي الحزامي

هل تهاني عوض رجل؟ قصة عماد ابو شيبة تعود من جديد وتشعل فيسبوك

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *