زواج سوداناس

سوداني حاليا في رحلة علاج بمصر: وجدت من المصريين.. الاحترام والتعامل الراقي وضابط الجمارك قال لي.. اتكل على الله



شارك الموضوع :

على خلفية تعرض السودانيين المَوجودين بمصر الى مُعاملة سيئة من قبل الشرطة والأمن الوطني وخاصة في مدينة القاهرة ونهب أموالهم بحجج لا يسندها عقل او منطق، كتب سوداني على فيسبوك على منشور وصورة متداولة لسوداني ذهب لعلاج ابنه في القاهرة فتم تعذيبه ونهبه، كاتب المنشور أدناه في رحلة علاج حالياً في مصر وقد تأكد محرر موقع “النيلين” من صدقية الحساب خصوصاً صاحبه طبيب معروف في الخرطوم، كتب

(اﻻخوة انا في القاهرة اﻻن ومعي الوالد والوالدة بغرض العلاج منذ اسبوع اتجول في الطرقات واﻻسواق والعيادات وعند وصولنا المطار ذهبت لضابط الجمارك واعلمته اني اريد اخطار جمركي بما احمل معي من دوﻻرات قال لي لو معاك اقل من عشرة الف دوﻻر مافي ﻻزمة واتكل على الله وروح والحمدلله اﻻمور ماشة تمام مافي شخص اتعرض لينا وﻻ سألنا بالجد لم نجد منهم اﻻ كل اﻻحترام والتعامل الراقي لم اسمع اي كلمة فارغة او نظرة استحقار من اي مصري نعيش مع سكان الحي كأننا منهم نشتري زينا زيهم تركب مواصلات زيهم على فكرة انا يادوب شفت المصريين عن قرب شعب في حالو ومعايشو نشيطين في شغلهم بحبو بلدهم منظمين جدا في كل حاجة في البنوك في المستشفيات كل شئ يمشي بنظام اﻻسعار موحدة كل شي بتشتريه عليو ديباجة بتمنو حتى حركة السيارات في الشارع كل زول عارف دربو ما شفت لي بوليس حركة بعيني الرجاء توضيح ملابسات القصة اعلاه عشان لو في فعلا مشاكل زي دي تتحل على المستوى الرسمي).

وقام المحرر لدواعي الخصوصية بحجب إسم الكاتب الا إذا رغب في ذلك يمكنه التعليق عبر نافذة تعليقات فيسبوك المدمجة مع الخبر.

الخرطوم/معتصم السر/النيلين

*الصورة المرفقة رمزية وهي لزيارة سابقة لرجل الاعمال السوداني “صابر الخندقاوي”يتفقد المرضى في احد مشافي مصر

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        الركز

        كلنا زرنا مصر في زمن مبارك وزمن مرسي وزمن السيسي. لم نتعرض لشيء. بل في آخر زيارة دفع لي رفيقي المصري القادم من السودان اجرة التاكسي من المطار ليعكس لي حسن معاملة السودانيين له. الجديد شنو ياناس.

        الرد
        1. 1.1
          صحراوي

          حاج الركز ما تشوف إنك وسعتها شوية !!! حكاية مصري دفع ليك دي أعد إخراجها بصورة يمكن تصديقها !!!!! طيب ساعت المصريين ديل طيبين وظريفين وحلوين كده البيقلع في قروش السودانيين ويضرب فيهم ديل منو؟ يا رب يكونوا “اسرائيليين” عايزين يخربوا العلاقة المتميزة (والضاربة بجذورها في أعماق التاريخ) واللا يكونوا “جن وشياطين” في شكل مصريين ؟ بطلوا “الطيبة ” الزايدة دي يا شباب

          الرد
      2. 2
        Mamoun

        الاتنين المعلقين انتو كذابين ومنافقين ! اذا كان الاستاذ ابراهيم عذالدين الأمين العام للجالية أكد على قناة النيل الازرق اكثر من ذلك من إجراءات قمعية وصلت لدرجة مداهمة شقق الأسر السودانية ، كذلك قتل ١٥ سوداني برصاص الأمن المصري الأسبوع السابق ، يجب ان تكون هنالك ردود افعال قوية اذا كانت الحكومة جبانة ولا تقوى على المجابهة فلتكن حملة شعبية ضد المصريين المقيمين في السودان ومن السودانيين المقيمين بمصر وذلك بتصفية أعمالهم هنالك وتحويل اموالهم لدول تحترم السوداني

        الرد
      3. 3
        آآآي

        الاخ صحراوي
        والاخmamoun
        لماذا تكذيب الآخرين فالكل مؤتمن على قوله
        كما صدقنا روايات المضايقات والترصد للسودانيين فلنصدق روايات حسن التعامل والاحترام
        فلكل رواية ظروفها وشخوصها وحقائقها والتي بالطبع تختلف عن الاخرى

        الرد
      4. 4
        ابو الليل

        والله يامعتصم انت بقيت غريب و ليه صورة الخدنقاوي ما تجيب ندى القلعة

        الرد
      5. 5
        هريسه وهردبيسه

        ده انحنا شاربين من نيل واحد …يا ابن النيل

        الرد
      6. 6
        الواضح

        دي السذاجة والعبط اللي بخليهم يضطهدونا . يا اخي انت ما صادفت معاملة سيئة دا ما بخليناا نتجاهل عشرات حالات الاستهداف للسودانيين . وبعدين ضابط الجمارك قاليك اتكل علي الله .طيب ما نحن عارفين دا القانون لكن حا يلاقيك واحد تاني يشيل الفي جيبك باعتبارك مخالف للقانون . وكونك عايش في حي مافي حدبضايقك برضو ظا شي طبيعي المصريين كمواطنين ما عندهم معانا مشكلة غير الاستعلاء والعنصرية احيانا لكن الرسميين هم المشكلة هم البنفذو سياسة الدولة للتضييق علي السودانيين

        الرد
      7. 7
        mutaz_bata@hotmail.com

        “العين بالعين والسن بالسن والبادي أظلم
        نحن لسنا اقل من غيرنا في شئ وخصوصا المصريين ولايوجد مايمنع المعامله بالمثل يجب علينا كشعب قبل الحكومه ان نجعل حياة المصري جحيما في السودان حتي يلجأ لحكومته طالبا المساعده وحريقه في الحريات الاربعه ماذا استفدنا منها وانا علم ان الكثير من التجار لهم باب رزق من التجاره بين البلدين ولكن لكن ( بل اسقني بالعز كأس الحنظل) علي الحكومه ان تترك التنازلات والخوف والتردد فلا يوجد ما نخسره بل سنستفيد من تقليل التوغل والتدخل المصري في السودان وان نقلل من اختراقاتهم الاستخباراتيه لنا
        معا لوقفه احتجاج امام كل سفاره مصريه في كل بلد ومعا لسحق اي حشره مصريه في السودان
        وكما تدين تدان والبادئ اظلم

        الرد
      8. 8
        ABDUL

        يعنى عشان سيادتك عاملوك كويس خلاص نطلع ليهم شهادة برا ءة !!!!
        قصتك هذه يادكتور بصرف النظر عن مصداقيتها اما دعاية رخيصة لاولاد بمبة وحكومتهم الرعناء أو استخفافا بما عاناه الضحايا السودانيين الذين غدر بهم بأخس طريقة حيث يمنحون التأشيرة وانتظارهم حتى يأتوا بأموالهم ثم ينقضوا عليهم , , , وتجى انت عايز تكلمنا على كرم الضيافة وحسن المعاملة ياراجل اختشى .

        الرد
      9. 9
        ابو الامبن

        هذه الحاله لا تنفي واقع تعرض السودانيين للمضايقه .. المعامله الطيبه التي عايشها صاحبنا هذا هي الوضع الذي من المفترض ان يكون طبيعي و حق من الحقوق لا يستوجب الاشاده.. و اثبات صحة فرضية محدده (حسن المعامله) يتطلب عدم وجود حاله واحده مضاده للفرضيه(سوء المعامله) ..اي لا يعتمد على عدد الحالات التي تعزز الفرضيه(حسن المعامله) … اسف على الفسلفة

        الرد
      10. 10
        د. محمد عثمان

        سلام عليكم
        كل شيء جائز وممكن!!!
        ولكن تمادي الجكومة الرسمية في إهانة الأجانب ببلدها وخاصة الزوار فهذا شيء جديد!!!
        وأنا مصدق كلام الجميع!!!
        انتهت الدبلوماسية الشعبية بل احتكرت!!! فالاحترام لفئة معينة؛ حتى لو كنت في حج بيت الله الحرام.

        الرد
      11. 11
        atbara

        اتمني ان يسدل الستار عن مصر بقطع جميع العلاقات السياسيه و التجاريه و الشعبيه و قفل الحدود معها و طرد طاقم سفارتها من الخرطوم وان يكتبو في جوازاتنا صالخ للسفر لكل دول العالم عدا مصر

        الرد
      12. 12
        عادل ابراهيم

        يجب علينا مقاطعة كل شيء مصري وكذلك يجب ان نعاملهم بالمثل لا احترام لا سلام لا كلام وحتى المطاعم المصرية يجب محاربتها
        وعدم تشغيل العمالة المصرية بلا نقاشة بلا سراميك بلا سباكة بلا بطيخ. العلاج يكون في الأردن او الهند
        وما دايرين معاهم لا حريات أربعة ولا حرية واحدة

        الرد
      13. 13
        واحد عندو أمل

        مصر والسودان خمسمائة هتة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *