زواج سوداناس

لو كان أخد مجراهو كان إتكوك براهو


شارك الموضوع :

> الجهات الامنيه عندنا تفخر بتأمين الموقف والمريخ يلعب ضد الهضاب الزيمبابوي…. والخرطوم تطارد في فلول التمرد
> وتفخر باستتباب الأمن والسودان يستضيف فاصلة مصر والجزائر في اجواء متوتره في البلدين وفي بلدنا المستضيفه للفاصله
> وتفخر باستتباب الامن في المهرجان القاطعو كردنه من راسو يوم الانسحاب بالتعاون مع الامل
> وتفخر بأن الامن مستتب والاهله لم يذوقوا طعم الفوز على المريخ منذ قدوم كردنه
> وتفخر باستتباب الامن عندما اعلنت الحكومه عن زيادة في سعر الوقود ورفع الدعم التدريجي
> وتفخر باستتباب الامن فخراً شديداً
> والبرلمان يصفق لقرارات رفع الدعم عن الجماهير
> الامن عندنا مستتب
> لاننا شعب منضبط لسنا بالدمويين
> وجهات امنيه بتلك القوة لا اعتقد ان امر تأمين مباراه طرفها غائب صعبه عليها
> لا اعتقد
> لدرجة اني اشك في صدور القرار رغم انو اصبح واقعاً
> واعاد القرار لذاكرتي ايام السكر زاد
> الناس اتضجرت شديد
> لكن الأمن كان مستتباً
> ولما الموضوع «قلقل» الناس
> كل المسؤولين في الدولة قالوا ما عارفين قرار زيادة سعر السكر صدر من منو
> ولا عارفين صدر لصالح منو
> ولا عارفين الاصدرو منو
> ولا عارفين صدر لي شنو
> لكن الامن كان مستتباً وظل مستتباً
> لذا تجدوني مستغرباً عن الالغاء للمباراه
> بس نحمد الله ان الامر تأجيل وليس الغاء كما ورد في القرار
> ايها الناس
> عندنا كاس نشيلو ونفوت
> لسنا طرفاً في القضيه طالما نقاطنا في جيبنا وكاسنا في دولابنا
> وكتير قلنا ياخد مجراهو
> لو اخد مجراهو ما كان في زول دفع التمن معاهو
> قول اسي بالقانون تم استثناء الهلال من العقوبات
> امل عطبره موقفو كيف؟؟؟
> قول استثنينا امل عطبره
> نيل شندي دخلو شنو؟؟؟
> قول استثنينا نيل شندي
> الضمان شنو نهضة ربك ما تجينا ناطه؟؟؟
> قول استثنينا نهضة ربك
> الميرغني البخليهو يقبل بالهبوط شنو؟؟؟
> قول استثنينا الميرغني
> امير بحري ذنبو شنو؟؟؟
> قول استثنينا الامير البحراوي
> رابطة كوستي تنزل ليه؟؟؟
> طيب مريخ نيالا الدخلو شنو؟؟؟؟
> ايها الناس
> بدل الجوطه دي كلها
> كان ياخد مجراهو ويتكوك براهو
> المهم
> صاحبي هلالابي لذيذ جداً
> قلت ليهو عازمنك احتفال الممتاز
> قال لي تشيلوا كاسكم وتمشوا بدون احتفال
> قلت ليهو ليه بدون احتفال ليه ؟؟
> قال لي نحنا ما جايين
> قلت ليهو وانتو الفنان؟!
> ايها الناس
> حكمه قالها الشيخ فرح ود تكتوك
> اذا الصدق ما نجاك الكذب ما بنجيك
> ياخد مجراهو بشفافيه متناهيه
> ومشكله مافي
> لكن بيني وبينكم
> يجب على القانون ان ينص على شروط واجبة التوافر لدى من يريد ان يقود نادياً رياضياً
> ضروري الحته دي
> المهم
> امر التسجيلات عندنا بدأ يشككنا في قدرة المجلس الماليه
> افصح يا ونسي
> فجماهير المريخ اعتادت على ان هم التسجيلات ينزل منها في اليوم الاول للتسجيل
> ما اتعودنا على جهجهة لسه وبعدين واحتمال دي
> انه الامتحان الاول يا سيدي رئيس المريخ
> المرحله حرجه
> ودايره ليها زول صنديد
> ونذكر أن لجنة تسيير الهلال
> في ظروف زي دي
> واصعب من دي
> حلت ديون بمليارات
> وسجلت لاعبين بمليارات اخرى
> الحاصل شنو يا ونسي؟؟؟
> كومك هناك ما كبير ولا شنو؟؟
> ايها الناس
> الى الآن الحكاية ما بتخصنا
> ولا تمسنا
> عندنا كاس وحق بالتتويج بالكاس على عاتق الاتحاد والشركه الراعيه
> نشيل كاسنا متوجين
> ونقفل دي بي طينه ودي بي عجينه
> عجينه دقيق فيني دبل زيرو
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الشتا داخل علينا
> والعيش الخفيف ده ما بدفينا
> والقراصه دايره دقيق قمح او فينا
> العصيده لو بي فتريتا ما بتحوق لينا
> والقراصه دايره دمعة ضان او زقني او سمنة بهيمه سمينه
> اها يا والينا
> تأجلوا الشتا شويه ولا يا حكومة تدعمينا؟!
سلك كهربا
ننساك كيف والكلب نااااايم عافصو مالك؟؟
وإلى لقاء.
سلك

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *