أبرز العناوينسياسية

توقعات بتعيين أحمد هارون والياً للخرطوم وعبد الرحيم وزيراً بالرئاسة


علمت (اليوم التالي) من مصادرها، أن مرسوما جمهوريا سيصدر خلال اليومين المقبلين، بتعيين عبدالرحيم محمد حسين، والي الخرطوم، وزيرا لرئاسة الجمهورية، بدلا من المرحوم صلاح ونسي، وتوقعت المصادر أن يصدر مرسوم جمهوري آخر يقضي بتعيين أحمد هارون، والي ولاية شمال كردفان، واليا للخرطوم

اليوم التالي


‫10 تعليقات

  1. يتنقلون
    حين يدركون ان طفلي
    لاينام ………….
    بين الضريح والملهي
    وان ازقة حارتنا تملك اكثر من شمس
    تغرب احداها …………
    والاخري تسكن بهو المقهي
    لاتستاجر صبحا……………
    او لمعانا من قمر حجري
    اوشك ان ينجو من سهو زراعيها…….

  2. إختيـار موفق مع إنهـا جاءت متأخرة مولانا أحمد هارون شخصيـة محبوبـة وقويـة لها نظره عامـة يحبه الجميع وخاصة منطقته
    أتمنى من الناس أن لا تحكم على القول و والإنتماء فهو شخصيـةيحب الوطن وهو للوطن أتمنى أن له التـوفيق وأن يعطيه الله البطانة الصالحة التـي تعينـه على القيادة والنهـوض بالولايـة للأحسـن ،،
    فقدنا شخصيـة قياديـة لهـا دور فعال ومن الطبيعي أن يخلفة شخصيـة قياديـة تعطي أكثر من من سبقـوه أتمنى لها التوفيق ،،
    الوطن يسع الجميـع وللجميـع على الإنسـان البعد عن الصعبيـة والجهـويـة وحب التعـارض على النـاس لا نحكم على الناس قبل أن تعاشرهم وتأكل معهم الملح والملاح والله من وراء القصد ،،

  3. مرحباً به وندعوا الله ان يكتب له النجاح و التوفيق إدارة ولاية الخرطوم تعني إدارة السودان
    ربنا يعينك يا احمد هارون

  4. ***لا تعليق
    ***نسأل الله الستر والعفو والعافية والغنى واليقين لأهل السودان ، وفوضنا أمرنا لله

  5. ستكون هناك مواجهات دامية في ملفات الاراضي التي يطمع بها الكيظان ويريدون اغتصابها من اهالي الخرطوم
    اتوقع يجيبوا حمدتى ان لم ينجح هارون في المهمة

  6. إختيار مناسب واتوقع ان ينجح ويحدث اضافة لولاية الخرطوم ونسال الله. التوفيق لة

  7. يا جماعة ، كده الناس المعلقة انو الخبر ده خبر كويس ، عليكم الله قولوا لي أنكم اهلو . لانو مستحيل زول يصدق الكلام ده .

    يا جماعة السجم ده ما قاعد في الحكومة دي ليهو دشليون سنة ، سره شنو غير الخراب !!!!!!! ياخي تصريحاته بتاعت القتل ديك رأيكم فيها شنو ، بتاعت قتل الاسري !!!! ياخ خليك من الحرب ، هذا الملقب بالإداري الم يفشل في اي منصب !!!

    ياخي خليك من السجم ده ، السجم كل الحكومة و كل سجم سياسي في البلد دي ، غير ما عذبوا حجرنا سووا شنو .

    انت يا جماعة ما حاسين البلد ماشه علي شنو ، الدولار بي ١١ ، الأساسيات مافي ، المنطقة كلها حروب ، نص البلد مليان مليشيات ، الدولة نفسها لتحولت لمليشيات ،

    عمليا لا يوجد اقتصاد في السودان ، هجرة بصورة رهيبة للعقول و الخبراء و الشباب ، يعني في احسن الظروف البلد دي لو في ليها أمل ، احسن ناس ما قاعدين عشان يساعدوا !!!

    ياخ كلام الناس عن السودانيين صح و الله ، دم بارد و عدم احساس . ياجماعة الناس ديل سجم ، ياخ الوالي الحسه ده ، تتذكروا اول ما مسك الوظيفة قال شنو ، قال الولاية مافيها أراضي نبيعها !!!!! يا جماعة الناس ديل ما ينفعوا في يمسكوا دكان الحلة ، و الله الناس دي فشلة فشلة ، انا ما عندي اي علاقة بالسياسة ، لكن جد اذا في اي أمل انتهي

    و المؤلم ، الغبي اي الغبي الاسمو بشة ، بيعين الماس ديل علي انهم أصحابه ، ياخ لو ما مصدقين ، اي واحد بيعرف ناس في قيادات الوطني يسألهم عن رؤيتهم للوضع ، اي زول عارف انو البلد ماشه لي الوقوع ، و في اللحظة دي ، كل المفاوضات علي انه كيف قيادات الوطني يتخارجوا من دون مشاكل ، و اي سجم رماد حكومة تجي و لا اي تمثيل سياسي جديد ما يحصلح البلد

    البلد بقت ماف ، الفرق الوحيد بيننا و بين ليبيا في اللحظة دي ( غير اننا مفلسين طبعاً ) ، انه احنا ما بدينا نقتل في بعض . اصحوا يا جماعة . اصحوا ، ياخ الأيمن بشة ده هو زاتو عارف انو لو خلاص ربنا أكرموا تاني اربعة خمسة سنين ، اللهم الا لو فاكر انو ممكن يعمل زي ببوتفليقة ، في اللحظة دي و الله انا ما عارف أقول شنو ،

    جد جد قمة عدم الاهتمام و لا هو بس عشان البلد معزولة من كم و عشرين سنة ، يعني جد ما عارف هل في ناس لسع مقتنعة بي قيادات الحكومة .

    يا جماعة اقلاها الزول ده كان والي في كردفان ، عمل شنو . شفتو المدارس الجابوها في الجزيرة ، شفتو ترتيبنا في التعليم !!! حتقول البلد مفلسة ، و الفلس ام البلد منو ، وين قروش البترول ، ياخي ما دايرين ألهوت دوق و لا زفت بتاع البشير ، خليهو يرجع التعليم ، يرجع هيبة الاستاذ و الدكتور ، خليهو يرجع الناس تزرع بدل ما يجروا وراء وهم الافندية و الاغتراب و الذل في الخليج

    و الله تحرقوا الدم

    قال هارون قال

    يارب ورينا اليوم النشوف فيهو عرمان و بشة و هارون و الترابي و اي واحد شارك في الحرب و الفساد و السرقة يتحاكم بي يد الكفار ، لانو في ميزان الدنيا دي و ميزان العدل الكفار احسن منكم – حق ربنا بيخلصوا منكم بعدين

    بالله اي سوداني بيصدق شغل المؤامرة و العقوبات ، ياخ ما ايران دي فيها عقوبات ، روسيا ما عليها عقوبات ، كيف مسيطرين !!! كيف بس قولوا كيف !!!

    لأ و كمان بشة بي سمسر بالسودان في حرب اليمن ، اي عاقل عارف أنوا احنا شاركنا سمسرة و لا كرامة و لا حاجة و لا تقول اسلام و لا كلام فارغ – شفت باكستان عملت شنو

    و لعلمكم حرب اليمن لتحولت قبائل و شمال و جنوب – يعني غباء و تخلف و امرنا بقي ما بيدنا و بقينا زي تجار المخدرات الاجرتهم الامارات عشان يحاربوا في اليمن

  8. والله تعيين مولانا احمد هارون اختيار موفق شخصية قيادية تصلح لولاية الخرطوم