زواج سوداناس

توقعات بتعيين أحمد هارون والياً للخرطوم وعبد الرحيم وزيراً بالرئاسة



شارك الموضوع :

علمت (اليوم التالي) من مصادرها، أن مرسوما جمهوريا سيصدر خلال اليومين المقبلين، بتعيين عبدالرحيم محمد حسين، والي الخرطوم، وزيرا لرئاسة الجمهورية، بدلا من المرحوم صلاح ونسي، وتوقعت المصادر أن يصدر مرسوم جمهوري آخر يقضي بتعيين أحمد هارون، والي ولاية شمال كردفان، واليا للخرطوم.

اليوم التالي

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        ود الحاج

        يعني بالواضح كدا صديق الرئيس ما قدر عليها وقال يا أخي شوق لينا طريقة نتخارج بها. الحمد لله اتفكينا من الاسم وسلسلة الألقاب الطويلة التي تسبق عبد الرحيم.

        الرد
      2. 2
        محمد عبدالوهاب

        مستحيل زول يصدق الكلام ده.
        يا جماعة السجم ده ما قاعد في الحكومة دي ليهو دشليون سنة ، سره شنو غير الخراب !!!!!!! ياخي تصريحاته بتاعت القتل ديك رأيكم فيها شنو ، بتاعت قتل الاسري !!!! ياخ خليك من الحرب ، هذا الملقب بالإداري الم يفشل في اي منصب !!!
        ياخي خليك من السجم ده ، السجم كل الحكومة و كل سجم سياسي في البلد دي ، غير ما غطسوا حجرنا سووا شنو .
        انت يا جماعة ما حاسين البلد ماشه علي شنو ، الدولار بي ١١ ، الأساسيات مافي ، المنطقة كلها حروب ، نص البلد مليان مليشيات ، الدولة نفسها لتحولت لمليشيات ،
        عمليا لا يوجد اقتصاد في السودان ، هجرة بصورة رهيبة للعقول و الخبراء و الشباب ، يعني في احسن الظروف البلد دي لو في ليها أمل ، احسن ناس ما قاعدين عشان يساعدوا !!!
        ياخ كلام الناس عن السودانيين صح و الله ، دم بارد و عدم احساس . ياجماعة الناس ديل سجم ، ياخ الوالي الحسه ده ، تتذكروا اول ما مسك الوظيفة قال شنو ، قال الولاية مافيها أراضي نبيعها !!!!! يا جماعة الناس ديل ما ينفعوا يمسكوا دكان الحلة ، و الله الناس دي فشلة فشلة ، انا ما عندي اي علاقة بالسياسة ، لكن جد اذا في اي أمل انتهي

        و المؤلم ، الغبي اي الغبي الاسمو بشة ، بيعين الناس ديل علي انهم أصحابه ، ياخ لو ما مصدقين ، اي واحد بيعرف ناس في قيادات الوطني يسألهم عن رؤيتهم للوضع ، اي زول عارف انو البلد ماشه لي الوقوع ، و في اللحظة دي ، كل المفاوضات علي انه كيف قيادات الوطني يتخارجوا من دون مشاكل ، و اي سجم رماد حكومة تجي و لا اي تمثيل سياسي جديد ما يحصلح البلد

        البلد بقت ماف ، الفرق الوحيد بيننا و بين ليبيا في اللحظة دي ( غير اننا مفلسين طبعاً ) ، انه احنا ما بدينا نقتل في بعض . اصحوا يا جماعة . اصحوا ، ياخ بشة ده هو زاتو عارف انو لو خلاص ربنا أكرموا تاني اربعة خمسة سنين ، اللهم الا لو فاكر انو ممكن يعمل زي ببوتفليقة ، في اللحظة دي و الله انا ما عارف أقول شنو ،
        جد جد قمة عدم الاهتمام و لا هو بس عشان البلد معزولة من كم و عشرين سنة ، يعني جد ما عارف هل في ناس لسع مقتنعة بي قيادات الحكومة .
        يا جماعة اقلاها الزول ده كان والي في كردفان ، عمل شنو . شفتو المدارس الجابوها في الجزيرة ، شفتو ترتيبنا في التعليم !!! حتقول البلد مفلسة ، و الفلس ام البلد منو ، وين قروش البترول ، ياخي ما دايرين ألهوت دوق و لا زفت بتاع البشير دايرين نجوع بس رجع كرامتنا ، خليهو يرجع التعليم ، يرجع هيبة الاستاذ و الدكتور ، خليهو يرجع الناس تزرع بدل ما يجروا وراء وهم الافندية و الاغتراب و الذل في الخليج
        و الله تحرقوا الدم
        قال هارون قال
        يارب ورينا اليوم النشوف فيهو عرمان و بشة و هارون و الترابي و اي واحد شارك في الحرب و الفساد و السرقة يتحاكم بي يد الكفار ، لانو في ميزان الدنيا دي و ميزان العدل الكفار احسن منكم – حق ربنا بيخلصوا منكم بعدين
        بالله اي سوداني بيصدق شغل المؤامرة و العقوبات ، ياخ ما ايران دي فيها عقوبات ، روسيا ما عليها عقوبات ، كيف مسيطرين !!! كيف بس قولوا كيف !!!
        لأ و كمان بشة بي سمسر بالسودان في حرب اليمن ، اي عاقل عارف أنوا احنا شاركنا سمسرة و لا كرامة و لا حاجة و لا تقول اسلام و لا كلام فارغ – شفت باكستان عملت شنو
        و لعلمكم حرب اليمن لتحولت قبائل و شمال و جنوب – يعني غباء و تخلف و امرنا بقي ما بيدنا و بقينا زي تجار المخدرات الاجرتهم الامارات عشان يحاربوا في اليمن

        الرد
      3. 3
        أحمد النور

        أرجو أن تعيد الحكومة التفكير وتحسن التدبير وتترك أحمد هارون ليكمل نجاحاته التى لا تخطئها الا عين بها رمد ، ما ان ترى الحكومة نجاحا الا وفكرت فى الخرطوم باعتبار أنها العاصمة وووووو ،أليست شمال كردفان ولاية سودانية؟ ما الذى يجعل ولاية الخرطوم تستحق أحمد هارون وولاية شمال كردفان لا تستحقه؟ لقد عانت شمال كردفان طوييييييلا وان لها أن تنهض وقد لعبت دور فأر المعمل كثيرا، أتركوها لهارون فلا نريد غيرة ، فوالله لا أعرفه ولا يعرفنى ولا أمت له بصلة ،ولكنى عرفت انجازاته.

        الرد
      4. 4
        دار حامد

        يا اخي محمد عبدالوهاب انتي بتتكلم علي اي مبدئي او من اي زمن او ليك كم سنة برة من السودان اذا كنت بتتكلم علي هارون انولا يصلح للخرطوم واليا لعذم انجازاتة زور شمال كردفان وستعرف انجازاتة او جنوب كردفان لعلمك انا لا اعيش في السودان كثيرا لكن حسب علمي من احسن الولاة هم هارون ويلا وناس وطنين وبحبو العمل واللة واللة وناس ايدهم نظيفة شوف صقور بن كوز ماذا فعلت بالمال العام يا لة ثراء فاحش بلا مصدر معلوم انت خليك في ليبيتك دا واكل ليك مكرونة وتم نومك لمن تصحي حتعرف من هو هارون اما اذا كنت بتتكلم من ناحية عنصرية علي اساس جهوي انة من الغرب يمكن اقول ليك قذ اصيبت وشكرا ليك

        الرد
        1. 4.1
          يوسف البشير

          صدقت أخي من دار حامد فالإنجاز هو الحكم د. ايلا جعل البحر الأحمر ولاية تزخر باللمسات الجمالية مما جعلها قبلة للسواح عالميا

          وداخليا وبها خدمات صحية وتعليمية وغيرها لاينكرها إلا جحود والآن يصلح في الجزيرة ومشروعها الذي يعتبر شريان الاقتصاد للوطن

          أما مولانا أحمد هارون فأينما حل فهو خير وبركة .

          أهم ولايتين في السودان هما الخرطوم واجهة الوطن وولاية كل السودانيين وأحمد هارون هو الأنسب. وكذلك الجزيرة فأيضا ولاية كل

          السودانيين ويوجد بها أكبر مشروع زراعي في أفريقيا و كان يجب أن يكون الحاكم من خارج الولاية حتى لايكون استغلال من قبيلته

          وغيرها والدكتور إيلا حل بالصلاح والإصلاح لأهلنا واجتث الفساد والآن جعل ود مدني دوحة وخدمات وجماليات عجز أبناء الولاية عن

          توفيرها لأهلهم. فهنيئا لأهلنا بالجزيرة بالرجل العملي النضيف الدكتور محمد طاهر إيلا وهنيئا لأهلنا في الخرطوم بمولانا أحمد محمد هارون ونتمنى لهما التوفيق .

          الرد
      5. 5
        محمد الامام على

        ما كفاهو ما كفاهو العذاب الهو فيهو

        الرد
      6. 6
        يوسف البشير

        فعلا كان المتوقع من الوهلة الأولى لتوزيع الولاة ! فالخرطوم تحتاج لقانوني وليس عسكري فمولانا أحمد هارون بما عرف به من ديناميكا وذكاء فهو الشخص المناسب لحكم الخرطوم فمرحبا به ونتمنى له التوفيق ولأهلنا وافر الصحة ونعيم الخدمات.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *