زواج سوداناس

البنك المركزي سنحاكم تجار العملة والمهربين بالخيانة العظمى



شارك الموضوع :

أعلن البنك المركزي، انزعاجه من التصاعد المتوالي لسعر الدولار، في وقت كشف فيه عن عقوبات صارمة للحد من ارتفاعه، وقال عبد الرحمن حسن عبد الرحمن، مدير البنك المركزي، في حوار مع (اليوم التالي) إن إدارته منزعجة من توالي ارتفاع أسعار الدولار، كاشفا عن إجراءات مهمة وصارمة للحد منه، موضحا أن البنك يعمل على ضمان عدم مشاركة المصارف في تغذية تجارة العملة، بتسهيل الإجراءات للمصدرين ووصول قيمة الصادرات، فضلا عن مساع مع وزارة العدل لتقوية القوانين وسن تشريعات أقوى وأشد صرامة لتعزيز العقوبات. ودعا مدير البنك المركزي إلى عقوبة تصل للمحاكمة بتهمة الخيانة العظمى لمن يعملون بالتهريب وتجارة العملة والتزوير، كاشفا عن ضبط مزورين يحملون مليوناً و(800) ألف دولار مزيفة في حادثة واحدة، كما كشف عن اتجاه وشيك لتشريعات جديدة تحد من تجارة العملة والتهريب.

اليوم التالي

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        هيثم

        اذا سألنا محافظ البنك المركزى سؤال شخصي والسؤال بقول ياسعاده اذا عندك دولارات حتصرفا من البنوك بي 6 جنيه ولا من الشارع جمب البنوك بي 11 وجاوب اجابة فيها قسم . السؤال التاني موجه لي سفراء السودان بالخارج مرتباتكم بتحولوها السوق الرسمي عبر البنوك ولا بتحولوها ف الشارع في السوق الموازي

        الرد
        1. 1.1
          الحلو

          هيثم الكيزان بخافو من اسئلتك دي ودي اسئلة من كل سوداني بتطاردم لانم هم البرفعو السعر بجشعهم

          الرد
      2. 2
        ابو القنفد

        هل سيطبق هذا القانون على تجار العملة من المؤتمر الوطني والكيزان الرتب الكبيرة في القوات الحكومية واقاربهم ؟ لان معظم تجار العملة الكبار من هءه الشرائح وكل الناس تعرفهم وتتعامل معهم نسبة للتحويلات من امريكا والخليج واوربا تتم عن طريق ارسال المبلغ امانة داخل مظروف في العادة ولا يوجد عاقل يرضى بسعر البنك وتجار العملة بريئون من صعود سعر الدولار ولن الذنب ذنب الكيزان والعساكر الذين دمروا الاقتصاد بفسادهم وممارساتهم الاجرامية من سرقة ورشوة وظلم وكذلك الكيزان والعساكر في السودان ربنا نزع منهم الحياء والبركة لذلك هم نحس

        الرد
      3. 3
        هيثم

        إذا اردت ان تطاع فأمر بالمستطاع

        الرد
      4. 4
        ابو محمد

        يالسيد مدير البنك المركزي السلام عليكم ورحمة الله دي مصالح ناس كبار.المهم الأيام دي علاقتكم مع الخليج والسعودية لبن علي عسل نسق مع البنوك المركزية في كلت الدولتين لان تجار العمله والصرافات شغاله عينك يا تاجر بنعطيهم عمله حره بنستلم في السودان بالجنيه.ونحن عارفين الكلام ده غلط وانتم غتلتم فينا الوطنيه.احسموا هذا العبس ح نحول بالصوره الرسمية ولكم الشكر

        الرد
      5. 5
        واحد كدا

        كدى حسع الدولار ما بتقدرو عليهو جيبو لينا غااااأاز

        الرد
      6. 6
        سودانى مغبووووون

        ساهم الانزعاج الذى ابداه البنك المركزى قبل يومين في انخفاض سعر الدولار اليوم ليصل الى 5.5 جنيه في السوق الاسود ( اقصد الموازى ) .. يعنى اقل من البنوك وبكده اى واحد حايبيع بره البنك هو الخسران .. ولانامت اعين التشاشه والدهماء ..

        الرد
      7. 7
        ريفا

        اولا أوقفوا الفروض الملياريه للوزراء ومدراء البنوك وكبار الموظفين فى الماليه لأنهم هم بنفس هذه القروض يتاجرون فى العمله وكل المذكورين لديهم عماله فى الشارع لبيع وشراء العمله يعنى تجار العمله لم يأتوا من السماء يا أخونا هم ما ذكرناهم هنا ولا تصدعوا رأسنا بكلام لا يتعدى كونه تنظير وجبر خاطر وأنتم عارفين من هم تجار العمله وانت واحد منهم يا سيد يا محافظ البنك المركزى

        الرد
      8. 8
        wadalbkri

        إذا هنالك محاكمة بالخيانة العظمي طبقوها على سارقي المال العام أولاً وأنتم تعرفونهم جيداً وكل يوم طالعين لينا بقولنتين لحماية المفسدين مثل فقه السترة والتحلل والقروض الحسنة بالمليارات

        الرد
      9. 9
        ابو خالد الدمام

        كاشفا عن إجراءات مهمة وصارمة للحد منه،…

        اتحداك ان تطبق هذه الاجراءات على ارض الواقع … يا حبيبنا الموضع اكبر منك يا حبيبنا …. البنك المركزي رفض للمراجع العام ان يضلعه على كل المستندات لانكم عارفين انكم متورطون في اختلاسات كبيرة جدا ..وإلا فقل لنا لماذا رفضتم تقديم الاوراق والمستندات للمراجع العام …؟؟؟؟؟؟

        الرد
      10. 10
        مرتضى السر

        السيد ابو خالد هو المراجع العام الحاجات القاعد يشكف عنها فى محاكمة حصلت فى قضية ياخ المراجع العام ده زاااااتو عاوز ليهو مراجع خاص وانا شخصياً اعرف مسئول ورئيس قطاع كامل فى ديوان المراجع العام مدان فى قضية فساد واضح ولم يتخذ ضدة اى شى ومازال يمارس نصبة اسف عملة . والسلام

        الرد
      11. 11
        عوض الماذون

        انا شايف الحكومة بتشجع على شراء الدولار بالسوق الاسود .. مثال انا مغترب ببسافر اجازة واقطع تذكرة ذهاب واياب بالريال السعودى تحصل لى ظروف واحضر للخطوط لكى امدد التذكرة يطلبوا من ان ادفع بالدولار ويرفضوا الدفع بالريال السعودى . البنك يرفض تسليمى دولارات بالسعر الرسمى عشان اقطع التذكرة . اسال موظف الخطوط اقول لى اطلع بره تجد ناس ببيعوا العملة اشترى عشان تمشى نفسك وغير كدة مابتقدر تسافر . ماذا اعمل فى هذه الحالة . تسال ناس الخطوط اقول ليك هذا قرار من الحكومة بان يشترى كل مغترب التذكرة بالدولار

        الرد
      12. 12
        م.محمد نجم الدين

        لا تعليق
        البحر السنةدى مازاد بس الدولار طلع نيابة عنه
        انا وصلت السعودية العام 2008 بس كنت بحول عبر الصرافات الريال كان فى الصرافة ب600ج وفى السوق الموازى 620 ج لكن كل المغتربين كان بحولوا عبر البنوك والصرافات

        أسال انفسكم يا مسؤولين لماذا كل هذا؟؟؟؟؟؟؟؟؟؟؟؟؟؟

        الرد
      13. 13
        أحمد

        السواي ماحداث هذا محافظ فاشل بدل ان يحارب ارتفاع اسعار الدولار بسياسات وضوابط مالية يهدد ويتوعد باتخاذ اجراءات صارمة تجاه تجار العملة .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *