منوعات

بالصور.. تعرف علي المذيعة السودانية (زوبا) نجمة تلفزيون الفجيرة ..والتي سحرت الخليجين قبل السودانيين بإطلالتها الجميلة


نجحت المذيعة السودانية زوبا فاروق الشامي في لفت أنظار متابعي قناة الفجيرة والتي تعمل فيها منذ فترة ليست بالطويلة.

وكذلك نجحت زوبا في خطف الأضواء داخل مواقع التواصل الاجتماعي بإطلالتها التي وصفت بالرائعة والجميلة.

المذيعة الشابة والتي تقيم بدولة الإمارات العربية المتحدة وجدت اهتمام متعاظم في الفترة الأخيرة وخصوصاً بعد اللقاء الذي أجرته مع العالم السوداني محمد عثمان بلولة في برنامج صباح الفجيرة يوم الثلاثاء 1/12/2015 حول الابتكارات و النجاحات بمناسبة أسبوع الإمارات للابتكار.

تعليقات رواد مواقع التواصل جاءت مشيدة ومبشرة للمذيعة الشابة والتي توقع لها الكثيرون بمستقبل باهر.

موقع النيلين رصد عدد من التعليقات المكتوبة علي بعض الصفحات المهتمة بأخبار النجوم والمشاهير.

ومن المفارقات الغريبة أن بعض الخليجين قد شاركوا في إبداء رائهم حول الظهور الطيب للمذيعة السودانية زوبا.

حيث علق فهد الخويلد وكتب (التحية للشعب السوداني وللإعلاميين السودانيين هذه المذيعة سيكون لها مستقبل كبير إن شاء الله).

كذلك كتب مصباح أبو محمد(دائماً ما نري وجوه نيرة ومشرقة من السودان التحية لزوبا).

بينما كتب علي عثمان من السودان (عليك الله تعالي السودان وفكينا من اشباه المذيعات ديل.. انتي انسانة فاهمة وجميلة ومثقفة).

زوبا

زوبا2

زوبا3

ياسين الشيخ _ الخرطوم

 

النيلين

 


‫23 تعليقات

    1. هو صحي والله وين هناية دي طولنا ما شفناها راكبة ليها مرفعين

    1. نص الكيلو دا ياهو الزيت ذاااااته يا أمين، بعدين البنت يعني ما بطالة

  1. وين الاطلاله الساحره … ماشايف سحر .. لكن الدايرنو بتوصلوهو الزاط .. والمابننو بتوصفو ليه غلط

  2. بالله عليكم يا ناس النيلين : الكلام ده فايدتو شنو للقارئ عشان تنشروه بالبنط العريض ؟؟؟

    إحترموا عقول الناس وجيبوا ليكم حاجة تنفع الناس !!!!!!!!! ملينا من مواضيعكم الهايفة …

    حسبي الله ونعم الوكيل .

    1. وانت بتدخل تقراهو لشنو ما دام هايف؟ الموقع مليان اخبار في شتى المجالات. خذ ما ينفعك

  3. سحرت الخليجيين قبل السودانيين
    يازول والله الناس ديل عندهم شي في العالم مافي

    بالجنبة بتعرف البطاطس المسلوقة

  4. الحمدلله ما طلعتوها قاجره وما عندها والي…. زي ما عملتو مع بت ياسين

  5. انتو ياناس النيلين بتاخدو علي تلميع المزيعات كم والفنانين كم شغالين خطابات وكسارين ثلج ودقمسات زي سكرتاريات الوزارات

  6. الى بعض المعلقين من اخواننا اتقوا الله فى انفسكم وفيما تكتبون من كلمات فإن الله سوف يحاسبكم على كل حرف
    يقول الحبيب المصطفى عليه الصلاة والسلام:
    “إن الرجل ليتكلم بالكلمة لا يرى بها بإسا يهوى بها سبعين خريفا فى النار”
    فانتبهوا إلى ما تقوله السنتكم وما تخطه اقلامكم واياديكم

  7. مرحبا بكل المتواجدين … سعيده لوجود مقال لي بموقع النيلين .. و اتشكر هذا الموقع المميز … وأكيد الشكر لصاحب المقال و الصحفي ياسين الشيخ … لكل شخص له حرية الاراء … ولكن اتمني ان يكون الكل عون لما هم في مهمه رساله خارج البلاد … وكلنا تجمعنا كلمة السودان …. دعونا نتعامل بحب الخير لبعضنا ودعم بعضنا … مع تحياتي زينب فاروق (زوبا ) ….

    1. شكرا لك\ أيتها المتواضعة
      ومن تواضع لله رفعه

      ما أجمل بساطتك ….هذه البساطة هي تأشيرة مرورك لقلوب الناس

      بساطة من غير فرقعات بالونية سخيفة

      لك التحية مع أمنياتي لك بالتقدم في مسيرتك

  8. الله يطريه بالخير استاذنا فاروق الشامي كان صعب في تعامله مع تلاميذه حصته كانت حصة الخوف والرعب

  9. والله الخشلعه الفي السودان في الامارات مافي خلونا بالله من الحقد الماليكم يبت انتي ناجحه والدليل الكلام البنتقدك والله يوفقك واوعي تجي السو دان

  10. البنيه فيها انوثه طاغيه لكن برضو رفيده احلا منها