زواج سوداناس

نافع علي نافع : حلايب سودانية ولو بنوا فيها أهرامات



شارك الموضوع :

سخر نافع علي نافع، القيادي في المؤتمر الوطني، الأمين العام لمجلس الأحزاب السياسية الأفريقية، من محاولة تمصير مثلث حلايب، وقال “حلايب سودانية وحا تظل سودانية لو بنوا فيها أهرامات ومسارح”، ووصف نافع ما جرى في مصر من استهداف للسودانيين بالأحداث المؤسفة، وأوضح أن تلك الأحداث أسهمت فيها بعض الأجهزة المصرية، والإعلام المصري، وأكد أن العلاقة مع مصر إستراتيجية ولكنه استدرك بأن “هذا لا يعني أن نغمض عيوننا عن الخطأ”.
وقال نافع إن ما حدث في المؤتمر الوطني والحكومة تغيير حقيقي، وأضاف “أي دعوة تحاول أن تحن لشخصيات من الماضي ردة وخصم على التجريب” وأكد أن علاقته بالرئيس لم تتأثر بما جرى، وأردف “وإنما زادت شوية” على حد تعبيره.
وحول مقترح الحكومة الانتقالية قال نافع “على الناس البتكلموا عن الحكومة الانتقالية يقعدوا في الواطة ويحددوا بالضبط قاصدين شنو”، مشيراً إلى أن “الحكومة الانتقالية المطروحة في الساحة حكومة تكونها الجبهة المنتصرة وتعمل على تصفية المؤسسات الموجودة، وهذه لن تحدث إطلاقاً”.
ودافع عن الحركة الإسلامية وقال إنها “عملت عملا كبيرا في مجال الدعوة والتكافل الاجتماعي، وحتى في مجال رتق النسيج السكاني”، ووصف مشروع الهجرة إلى الله بأنه من أكبر المشاريع التي طافت كل ولايات السودان ودعت إلى نبذ العنف وكسر العصبيات الجهوية والقبلية وحقن الدماء.

صحيفة اليوم التالي

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        الصريح

        جعجاع الانقاذ … هاديك حلايب امشى حررها اذا كنت راجل ..اسد على دارفور واهل دارفور والنيل الأزرق … ونعامه فى مواجهة المصريين والكلام ببلاش يانصاب ياضلالى …بلاش قلة ادب وجعجعه فى الفاضى …انت لحدى هسا ماقادر تخش كاودا التى هى داخل وطنك … اتمنى ان تذهب الى حلاليب ولو فى زيارة عشان المصريين يقصوا لسانك الطويل القذر هذا ويكون الشعب السودانى ارتاح منك ومن وساختك النتنه ياقذر .

        الرد
        1. 1.1
          Osman

          نافع دا عنده جنسية امريكيه……………..يعني ضهره محمي …………….الله يكون في عون السودان

          الرد
      2. 2
        شاهد

        أرجو تقول نفس الكلام للاحباش الاوغاد المحتلين لارض بني شنقول وقمبيلا والمتمه المدفون فيها جدك المك نمر والقلابات التي ابلي فيها بابوعنجه وابوقرجه وجزو رقاب الاحباش بملكهم والآن يقطمون ٢ مليون فدان من الفشقه
        كل هذه الاراضي سودانيه بشعبها احتلوها الاحباش ويبنون عليها سد الخراب المعروف بسد النهضه لخنق السودان وابتزازه بالماء قول الكلام دا بس ديل أراضي سودانيه وخلي الباقي لأهل هذه المناطق يحررونها بأنفسهم بس هم دايرين اعلان سوداني شعبي او رسمي دي اراضينا شوفو أهل المنطقه بسوو شنو في ابي حبيش ولو قارنت بني شنقول بحلايب كمقارنة الذهب بالملح رغم أنها كلها أراضي سودانيه عزيزات علينا

        الرد
      3. 3
        bakri

        الله عليك يا حبيب والديك

        الرد
      4. 4
        كماشه

        يا سلام عليك يا نافع يا خطير كلامك دايماً سخن وبرفع ضغط وسكري الجماعه الجعجاعة بدون طحن؟

        الرد
      5. 5
        صابر

        المصريين دخلوا حلايب خلسه وجبن وكانت الحرب المفروضه علينا في الجنوب ودارفور والنيل الأزرق على أشدها وبدل مساعدتنا طعنونا في الظهر بكل جبن وهذا طبعهم ولكن أحفاد عثمان دقنه موجودون وطبعا هم ماسحين تاريخ وبقول ليهم اسألوا الانجليز عن ( الفزي وزي ) وقد خلدهم الشاعر الانجليزي , لو بيعرفوا يقروا ولا أظن .

        الرد
      6. 6
        Aboahmed

        طيب لما كنت في الحكومه ليه ماقلت كلامك ده….حلايب دي احتلوها امس ..ولا اول امس..
        حلايب محتله ليها 19 سنه …
        من 1996م محتله ويادوب صحيت انت من نومك وبديت تجعجع…

        الرد
      7. 7
        عمدة

        أنسى موضوع الإهرامات!
        لكن متى إحتلتها مصر؟
        ومن فرط فيها يا نافع؟

        الرد
      8. 8
        atbara

        كلام جميل من نافع حتي ولو جاء متاخرا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *