زواج سوداناس

مصرع مواطن وإصابة (2) أجانب إثر حادث مروري


شارك الموضوع :

لقى مواطن مصرعه وأصيب شخصان آخران إثر حادث مروري وقع بين عربة ” كليك ” وأخرى ماركة ” أكسنت ” بطريق عطبرة بربر ، وتعود أسباب الحادث طبقا للمصادر إلى التخطئ الخاطئ من قبل سائق العربة ” الكليك ” والذي حاول تخطئ عربة أمامه ليدخل في المسار المعاكس ، ووقع الحادث الذي راح ضحيته سائق العربة الكليك وأصيب شخصان كانا على متن العربة الأكسنت وتبين أنهما أجانب ينتمون لدولة الفلبين ويعملان بشركة أسمنت بربر وطبقا لإفادات شهود عيان فإنه تلاحظ إن سائقي المركبات الملاكي درجوا على القيادة بإهمال وطيش دون مراعاة للقواعد المرورية بذلك الطريق ، ولفت شهود العيان إلى أن طريق عطبرة بربر تقع على جانبيه عدد من القرى مما يتطلب الحيطة والحذر من قبل سائقي المركبات .

صحيفة السوداني

شارك الموضوع :

تعليقات الفيسبوك

تعليقات


1 التعليقات

      1. 1
        hatem

        الشارع نفسه وبمساره الواحد الحالي ده يعتبر اكبر جريمة في حق المواطنين
        ياكان يعملوهو مسارين او مايعملوهو احسن
        على الاقل زمان ماكان في الموت البجملة ده رغم وعورة الطريق واستهلاك العربات
        ده طريق بائس وخطير جدا والقيادة فيهو كلها مخاطرة وضرب من الجنون
        بعدين الناس في الطرق دي بتتخطى حسب فهمها وتقديرها
        والله في ناس سايقين عربات وبيهدروا اوراح الابرياء
        الكاروو ابو حمار ده مامؤهلين انهم يسوقوهو
        سيبك من عربية بتمشي بالسرعة المهولة دي وتهلك ارواح ناس ابرياء
        هسه ناس الاكسنت ديل ذنبهم شنو يموتوا بلاش كده ؟
        بس عشان سايق الكليك زول جاهل ومغفل ومابيعرف يقدر المسافة البتمرقوا من العربات الجاية من الجهة المقابلة
        عشان سوء تقدير الزول ده و مخه الزنخ يموتوا الناس كده بلاش ؟ والمسؤل منو ؟
        السائق الاروش ده ولا الحكومة العملت الطريق المقصلة ده
        لازم يتعمل مسارين لهذه الطرق الاربعة وعاجلا والا احسن يوقفوا الحركة فيها
        او يخلوها لاتجاه واحد فقط رايح او جاي
        والاتجاه التاني العربات الفيهو تنزل التراب او يعملوا ليهم ردمية مؤقته لحدي ماالشارع يتسفلت
        طرق الموت الزؤام اربعة

        1/ طريق التحدي
        2/ طريق الخرطوم مدني
        3/ طريق شريان الشمال
        4 / طريق الخرطوم كوستي الابيض

        ياناس الحكومة حرام عليكم الناس البتموت كل يوم بلاش دي
        حرام وانتم تنهبون مال الشعب وتسرقونه كل يوم بمايعادل مايسفلت واطة السودان دي كلها مش شويرع ظلط
        عليكم الله المابيقدركم تعملوا مسار تاني للطرق دي شنو ؟؟
        خافوا الله في المواطن البموت بلاش ده كل يوم ده
        لان ماحصدته هذه الطرق الاربعة يعادل الناس الماتت في الحروب العبثية بتاعة البلد الهامل الاسمو السودان

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *