زواج سوداناس

لص يقع ضحية مجموعة متفلتة بعد سرقته منزلاً بشرق النيل


حرامي لص

شارك الموضوع :

وقع لص في قبضة مجموعة متفلتة كانت تترصده لحظة تسوره منزلا تمكن من سرقة هواتف منه وأوسعته ضربا ونهبت منه المسروقات وتركته على الأرض فاقدا للوعي وكشفت مصادر أن الشرطة تلقت بلاغا من اللص أفاد فيه بأن مجموعة اعترضت طريقه أثناء عودته لمنطقته في شرق النيل واعتدت عليه بالضرب حتى أفقدته الوعي وألحقت به الأذى الجسيم وتمكنت من نهب أجهزة موبايلات وفروا هاربين وبدوره أرشد إلى أحد المتهمين توصلت إليه الشرطة وألقت القبض عليه وبالتحري معه أرشد إلى شركائه في الجريمة وكشفوا خلال التحقيقات أنهم كانوا يجلسون في الشارع العام وشاهدوا الشاكي يتسور منزلا وفوجئوا به عند خروجه من المنزل يحمل أجهزة موبايلات في يده وداهموه وسقط على الأرض مما تسبب في إصابته ووجهت إليهم النيابة التهمة عند اكتمال التحريات.

اليوم التالي

شارك الموضوع :

تعليقات الفيسبوك

تعليقات


16 التعليقات

إنتقل إلى نموذج التعليقات

      1. 1
        hatem

        ههههههههههههههههههه
        اقسم بالله واكاد اجزم أنه الكلام ده مابيحصل الا في بلدنا العجيبة دي ..
        الحرامي مشى فتح بلاغ في الجماعة الحرامية السرقوهو ههههههههههههه
        والله الحرامي ده مفتح وعارف أن الشرطة السودانية حتنصفو وحتجيب ليهو حقو ..
        لانه زول مغبون و لانه في حرامية تانيين اعترضوهو وماخلوهو يمارس مهنته في جو صحي ومعافى
        بعدين الحرامي كيف يدقوهو والاداهم الحق منو انهم يقلعوا حقو منو ههههههههههههههههه
        حقو ياتو ههههههههههههههه انا بقترح انه اي حرامي لاوزم يطلع تصريح من الحكومة عشان يقدر يمارس المهنة لانها ماطلقيبة ساي كل من هب ودب يجي يشتغل حرامي ويقلع حق الناس هههههههههه الحرامي القلعوهو ده اكييد عنده تصريح بدليل انه مشى اشتكى للبوليس الاداهو التصريح والناس القلعوا ديل لازم يتردعوا زي الناس لانهم بيمارسوا في المهنة بدون اصول ولاتصاريح وده تعدى جائر على الامن والسلطات واصول المهن الحره ههههههههه
        غايتو قوة عين الحرامية دي جاية من الشرطة السودانية لانها هي من تسهل للصوص السرقة وده ماغريب اذا كانت الحكومة نفسها حكومة لصوص وحرامية وبتسرق المال العام وتتحلل المابيخلي الحرامي ده يمشي يفتح بلاغ شنو ؟؟؟ وهو اي الحرامي عارف انه اصحاب الكار الحرامية الكبار حينصفوهو ومابعيد يرجعوا ليهو الموبايلات وياخدو عنوانو في ام صفقا عراض لامن اهل المسروقات يجو يشتكوا والا فهي حلال عليهو هههههههه
        غايتو ياسودان فيك محن وعجايب لم ولن تتكرر ولن ترد علينا في اي بلد تاني
        دي زي حرامي الشطة المشى فتح بلاع ههههههههه
        أي نعم حركة الشطة دي ما اخلاقية لكن كون الحرامي يتجرأ ويمش للبوليس بي كرعينو
        ويعترف بانه حرامي نطاط حيط وبيسرق الناس ولايخاف لامن شرطة لا من قانون دي قمة المسخرة هههه
        عاشت الشرطة السودانية نصيرة الحرامية واللصوص
        وعاش القانون السوداني احسن قانون لانه بيسهل للناس تتبادل المنافع والماعندو يشيل من العندو وبي كده تكون بلدنا احسن بلد خخخخخخخخخخ

        الرد
      2. 2
        hatem

        والمجموعة المتفلتة دي متفلته من شنو ؟؟
        من القانون السوداني ههههههههههههه
        والعرفها متفلته منو ؟؟
        وعلى ياتو اساس الناس عرفوها انها هي متفلته ؟؟
        هو التفلت دي هامل ساي كده عشان اي واحد يجي يتفلت على كيفو ههههههه
        والله السودان ده الذ بلد في الدنيا دي كلها
        فيه تسرق وتنهب والقانون يحميك بل ويحاسب من يعترض طريقك او ينهبك ويقلع حقك
        وممكن كمان تتحلل وعادي تاني يوم تجي تتضرع في الحلة
        وتمرق الكتير الانت مدكنو عيني عينك ولافي اي زول حيقدر يقول ليك تلت التلاتة كم هههههههههههه
        احبك ياسودان
        وبلدنا نعلي شانا ياناس

        الرد
      3. 3
        hatem

        انا بقترح اعادة صياغة القانون الجنائي السوداني من اول وجديد ولازم كل الحرامية الصغار قبل الكبار
        يكون عندهم حصانة وحماية من التغول عليهم بعدين الحرامية الصغار ديل حقهم مهضوم
        ماياهو ده حرامية المؤتمر الوطني بينهنوا عادي حق الناس وبيتحللوا
        البيمنع الحرامية الصغار نطاطين الحيط وزوار الليل انهم يتحللو شنو
        ويجب عدم التعرض لهم او التعدي عليهم وقلع حقوقهم ومكتسباتهم
        لازم يكون في عدالة في توزيع الحصص الحرامية الصغار لازم يقدمو مذكرة احتجاجية واعتصام
        ويطالبوا بالمساواه مع حرامية المؤتمر الوطني وماكفاية حكاية التساهل في اقسام الشرطة دي
        لانه في بعض المواطنين بدوا يتطاولوا على الحرامية ويسبلو مكتساباتهم زي الحصل ده
        او كمان يدقوهم ويعملوا ليهم الشطة وده قمة الانتهازية والتطاول على قانون البلد

        الرد
      4. 4
        د. غريب الدارين

        والتقى جيل البطولات بجيل التضحيات
        وأبدا ما هنت يا سوداننا يوما علينا

        رحم الله وردي

        الرد
      5. 5
        عمدة

        هاها،وقع في شر أعماله!

        الرد
      6. 6
        ﺯﻋﻠﺎﺍﺍﺍﺍﺍﺍﺍﺍﻥ شديييييييييد

        ﻭﺍﻟﻠﻪ ﺗﻌﻠﻴﻘﺎﺕ ﻛﻠﻬﺎ ﻣﻨﻂﻘﻴﺔ و ﻣﺎ ﺧﻠﻴﺘﻮ ﺣﺎﺟﺔ ﻧﻘﻮﻟﻬﺎ . . ﺷﺮ ﺍﻟﺒﻠﻴﺔ ﻣﺎ ﻳﻀﺤﻚ ﻫﻨﺎ . . ﻟﺺ ﻳﻌﺘﺮﻑ ﺑﺎﻟﺴﺮﻗﺔ و ﻟﺎ ﻳﺤﺎﻛﻢ !!! و ﻳﺪﺧﻞ ﺑﻴﺖ و ﻳﻂﻠﻊ ﻋﻠﻰ ﻋﻮﺭﺍﺕ !! و ﻋﺎﺩﻱ ﻣﻤﻜﻦ ﺃﻱ ﺯﻭﻝ ﻳﺼﺒﺢ ﻣﺘﻬﻢ و ﻳﺪﺧﻞ ﺍﻟﺴﺠﻦ ﺑﺴﺒﺐ ﺗﻬﻤﺔ ﺍﻟﺄﻋﺘﺪﺍﺀ ﻋﻠﻰ ﻟﺺ ﺩﺍﺧﻞ ﻣﻨﺰﻟﻚ ﺃﺛﻨﺎﺀ ﺃﺩﺍﺀه ﻋﻤﻠﻪ و ﺗﻌﻂﻴﻞ ﻭﻇﻴﻔﺘﻪ !! ﻭﺍﻟﻠﻪ ﺳﺒﺤﺎﻥ ﺍﻟﻠﻪ ﺳﺒﺤﺎﻥ ﺍﻟﻠﻪ !!! ﺍﻟﻠﺺ ﻳﺼﺒﺢ ﺿﺤﻴﺔ و ﺍﻟﺬﻱ ﻳﺪﺍﻓﻊ ﻋﻦ ﻣﺎﻟﻪ و ﻋﺮﺿﻪ ﻫﻮ ﺍﻟﻤﺘﻬﻢ !! ﺍﻟﺮﺳﻮﻝ ﺻﻠﻰ ﺍﻟﻠﻪ ﻋﻠﻴﻪ و ﺳﻠﻢ ﻗﺎﻝ ﻟﻠﺮﺟﻞ ﺍﻟﺬﻱ ﺳﺄﻟﻪ ﻋﻦ ﺍﻟﺪﻓﺎﻉ ﻋﻦ ﻣﺎﻟﻪ و ﻋﺮﺿﻪ ﺃﻧﻪ ﻟﻮ ﻣﺎﺕ ﻓﻲ ﺍﻟﺠﻨﺔ !! و ﻟﻮ ﻗﺘﻞ ﺍﻟﻠﺺ ﺍﻟﻠﺺ ﻳﻤﺸﻲ ﺍﻟﻨﺎﺭ !!! و ﺣﺘﻰ ﺑﻠﺎد ﺍﻟﻐﺮﺏ ﺍﻟﻘﺎﻧﻮﻥ ﻣﻊ ﺳﻴﺪ ﺍﻟﺤﻖ !! و ﻫﻨﺎ
        ﻟﺎﺯﻡ ﺗﺠﻠﺲ ﻣﻊ ﺍﻟﻠﺺ ﻓﻲ ﻃﺎﻭﻟﺔ ﺣﻮﺍﺭ و ﺗﻘﻨﻌﻮ ﻳﻤﺮﻕ ﻣﻦ ﺑﻴﺘﻚ ﺑﺎﻟﺘﻲ ﻫﻰ ﺃﺣﺴﻦ و ﺗﺠﻴﺐ ﻟﻴﻬﻮ ﻣﻮﻳﺔ و ﺗﺪﻳﻬﻮ ﺍﻟﻔﻴﻬﺎ ﺍﻟﻨﺼﻴﺐ . . و ﺇﻟﺎ ﺻﺮﺕ ﻣﺘﻬﻢ !!!

        الرد
      7. 7
        haider ali omer

        ماذا قال المتنبى فى كافور الاخشيدى

        الرد
      8. 8
        atbara

        المهم رجعوا للحرامي موبايلاتو ولا لسع ??
        و صاحب الحق ما ظاهر في الصوره ليه؟؟

        الرد
      9. 9
        وطني السودان

        ههههههههههههه

        الرد
      10. 10
        التقدم وثقافة السخافة

        ايه رايكم لو نعمل لجنة 7+7 سبعة حرامية كبار + سبعة حرامية صغار ونشركهم في لجان الحوار عشان كل واحد اعرف حقه

        الرد
        1. 10.1
          زول

          ههههههههههههههههههههه

          الرد
      11. 11
        هريسه وهردبيسه

        المعنى حرامية المؤتمر الوطني عندهم تصريح بالسرقه عشان كده الشرطه بتعمل معاهم نايمه

        الرد
      12. 12
        عمدة

        حيدرعلي عمر هل أنت مسلم؟؟؟

        الرد
      13. 13
        عمدة

        1/حيدرعلي عمر هل أنت مسلم؟؟؟
        2/وهل أنت سوداني؟؟؟
        أشك أن تكون إجابتك ب”نعم” على السؤالين!

        الرد
      14. 14
        atbara

        يا عمده حيدر ده عنصري ساي . لو كان سوداني و يقصد افراد قبايل معينه في السودان فيكفيه حكومتنا هذه فكلهم حراميه و افرادها من كل الملل السودانيه

        الرد
      15. 15
        أبو الحسن مصطفى أحمد العقلى

        القانون عندنا بيحمى الحرامية .حرامى ينط فى بيتك ويهددك بالسلاح ان ضربته فالقانون لايحميك .وتوديهو الشرطة تانى يوم يجىء يقدل عينك عينك .ومنهم من يرسله بعض مريضى النفوس من الشرطة والمباحث ويخارجوه .بالنص طبعا .بلد اصبحت روكة .نسأل الله ان يغير هذا الوضع المزرى .ويأتى بمن يطبقون شرع الله وسيادة القانون .ولايخشون فى الحق لومة لائم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *