فيديو: سوداني من مدينة”الحاج يوسف” يبدع في صناعة الاسلحة النارية في منزله، يثير دهشة رواد فيسبوك
اثار مقطع فيديو لمواطن سوداني من مدينة “الحاج يوسف” إحدي ضواحي العاصمة السودانية الخرطوم ضجة واسعة على صفحات التواصل الإجتماعي، حيث يظهر من خلاله المواطن السوداني “ادم محمد” في حوار مع قناة الشروق الفضائية وهو يستعرض أنواع من الأسلحة النارية يقوم بتصنيعها داخل منزله.
وقد تعاطف الكثير مع “أدم” وهو يذرف الدموع أهات حباً في وطنه السودان ويقدم شرح مبسط لأنواع الأسلحة التي قام بتطويرها في منزله ويبدئ إستعداده لتدريب الشباب وتعليمهم فنون الصناعة، وينمنى أدم مقابلة وزير الدفاع السوداني أو قائد الجيش.
وهذه نماذج من التعليقات على الفيديو في صفحة موقع النيلين على فيسبوك.
Aladdin Altohamy
دموع حب الوطن والغيرة عليه تكفي ان تتوج وتحفزه الدولة
ودموعك غالية يا آدم يامبدع
حفظك الله لو في بلد تانية كان حافظوا عليك واعتبروك ثروة قومية
تستورد الأسلحة ب مليارات الدولارات
وهاهو آدم كنز قابع في الحاج يوسف
نسال الله ان يحفظك ويسدد خطاك
Hameid Sebair Sebair
حب مابعدو حب للوطن تسلم البطن الجابتك سير وعين الله ترعااااك وبقول يتمنى يقابل وزير الدفاع والقائد العام للقوات المسلحة هم من المفترض يصلوك فى مكانك يافارس ياوطنى يااااابوالرجال
Mohammed Beejo
السودان قاتل المواهب اها يا عمر البشير ماتكرم الزول ده واتبناه ولا عشان بتاع الساعة كرمه اوباما لله درك ياوطن
Wilson Uguak
آدم حمدي محمد آبوه، هو فعلاً كأخي الأكبر واناكنت صديق لاخيه الأصغر جمعة حمدي منذ الصغر وله من الإخوة والاخوات هو مولود لأب كان يعمل في البوليس حتي تقاعد وهو من قبيلة البقارة في السودان والام من جنوب السودان ، و مهما كتبت عن آدم فلن اوفي هذا الرجل حقه لأول مرة عرفت انه عبقري ومبدع وخلاق عندما صنع جهاز البوتوجاز وقام بإخراج الغاز من فضلات الحمير ( البراز) (الزبالة ) بعد تخميرها لمدة من الزمن او ايام في إِنَّاء وقام بتوصيلها بواسطة ( خرطوش ) خرطوم بلاستيكي الي الجهاز وأشعله وهذا هو القليل جداً عن هذا الرجل الهادي الطبع!!.
يزف الدموع اهات حباً من اجل هذا الوطن الذي أحببناه جميعاً
مواطن سوداني #من_منطقة_الحاج_يوسف_ يبدع في اختراع الأسلحة النارية ..!
يستحق 10000 #لايك و #سير
Posted by موقع النيلين on Thursday, December 3, 2015
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الحمدلله في الآونة الأخيرة خرجنا من عباءة المستعمر،
وتمردنا على تحجيمه لأفكارنا وعقولنا بأن كل شيئ يصنعه الخواجة فقط!
ومقولة ‘والله الخواجة دا ما فضل ليهو إلا الروح الما صنعها’!
كثيييير من الإبداعات والإبتكارات خرجت من صميم عقول هذا الشعب المبدع والرائد في كل شيئ،كل شيئ♥
إنعتقنا فكريا مما غرسه فينا الإستعمار بأننا لا نصلح إلا للعبودية والإنقياد! ﻻنه عرف قدرنا فسعى لتدميرنا !
يجب التكفل التام بهذا بكل مايحتاجه هذا الرجل القامة،
وهل ننعتق أيضا سياسيا من التبعية المذلة؟؟؟
الحمدلله في الآونة الأخيرة خرجنا من عباءة المستعمر،
وتمردنا على تحجيمه لأفكارنا وعقولنا بأن كل شيئ يصنعه الخواجة فقط!
ومقولة ‘والله الخواجة دا ما فضل ليهو إلا الروح الما صنعها’!
كثيييير من الإبداعات والإبتكارات خرجت من صميم عقول هذا الشعب المبدع والرائد في كل شيئ،كل شيئ♥
إنعتقنا فكريا مما غرسه فينا الإستعمار بأننا لا نصلح إلا للعبودية والإنقياد! ﻻنه عرف قدرنا فسعى لتدميرنا !
يجب التكفل التام بكل مايحتاجه هذا الرجل القامة،
وهل ننعتق أيضا سياسيا من التبعية المذلة؟؟؟
أهلي الغبش الطيبين
ما فضين ليك الجماعة همهم كله حقهم كم لك الله ياسودان .
قالو لن نذل ولن نهان ولن نطيع الامريكان …. حاليا يستجدو الوساطات لكي ترض عنهم امريكا حتى يبقوا في سدة الحكم لايهمهم السودان ولا المواطن كلهم تجار همهم الاموال التي يجنوها.
ومن ناحية ثانية أي الناحية الامنية ومدى الفوضى يتم تصنيع السلاح في الاحياء السكنية اكيد تمت تجربته . أين الامن أم انهم يضيقون على المواطن حين يحتج ويطالب بحقوقه ، والسلاح يصنع في الحاج يوسف ولا وجود للحكومة . أكيد هذا السلاح للبيع من هو الزبون الذي يشتريه ؟؟؟؟؟؟؟؟؟؟؟؟؟؟؟
انت اهبل وغبي يا ابادي
abady كلامو صح يا الجعلى
دة ماكنه التصنيع الحربى ما المناطق السكنية
لاتنتقدوا الرجل من ناحية عاطفية ، كلامه صحيح مائة بالمائة هذا ليس اختراع يخدم عامة الناس أنه سلاح واستخدام السلاح يكون في مجالات محددة وبضوابط وقوانين تحكمه اذ ليس من المعقول ان يتم صناعته في ورشة دون رقابة الاجهزة الامنية فهذه صناعة خطيرة تتوقف عليها ارواح الناس وعندما نصل لسلامة الناس وارواحهم يجب ان يكون هنالك ضبط وقوانين تحمي الناس من فوضى السلاح .
تصحيح
دة مكانه التصنيع الحربى وليس المناطق السكنية
على هيئة التصنيع الحربي استيعاب هذا المبدع لفتح المجال له للابداع
من هم زبائنه ؟ هل ممكن يكون فيهم ناس الحركات المسلحة ؟؟ طيب انا لو عايز اشتري فهل هو على طول يبيع لي ام عايز شروط معينة ؟ الرجل موهبة مافي كلام . بس الحكاية دي فيها خطورة على الناس . ربما يجيهو واحد مجرم ويشتري منو رشاش رشاشين .
كرموه كما كرم احمد بتاع امريكا ولي منتظرين اكرمه من بره وبعدين تحاكوهم
يجب اولا التاكد منه و هذا يتطلب استيعابه مع عدم اطلاعه علي اسرار التصنيع الحربي في مصانعنا
ممكن يكون مجرد جاسوس و ماسوره يصعب التكهن بما ينتج عنها .
عفويتنا وراء دمار و ذهاب كل الجنوب و غيره في الطريق و ذلك بسبب حكومه هشه البنيه السياسيه
و العقليه لاناس من اتحاد جامعة الخرطوم لرئاسة جمهورية السودان
اولا: امكانيه تصنيع سلاح يقذف اي نوع من الطلقات او المقزوفات ليس بالصعب.
بل الصعب هو اختبار كفاءه الاله الحربيه من قوه قذف والتحمل وتوازن وسرعه الاداء.
المواطن السوداني اعلاه صنع الاّله من مواد عاديه وموجوده في السوق وحتما لا تصلح لتصنيع سلاح.
هنالك عده اشياء مهمه منها:
1-نوع المعدن (لكل جزء من السلاح مواصقات محدده)
2- جهاز الارتداد الذي يفعل قوه ضرب الطلقات (من الفترض ان يكون بقوه محدده)
3- جهاز التبريد للاسلحه الاوتوماتيكيه (لاطاله زمن استخدام السلاح والتقليل من الحراره الناتجه من الباورد)
4- توازن السلاح الداخلي لتقليل سرعه الارتداد
واشياء اخري دفيفه للغايه وليست سهله علي شخص هاوي لا يملك ادني اجهزه للاختبار.
عشان كده وببساطه,, تكنولوجيا السلاح محتكره لدي دول معيينه , وجوده السلاح ودقته تتفاوت من دوله لاخري.
يا ريت العاطفه ما تسرقنا ونتكلم كلام ساي وغير موزون.
ملحوظه: تصنيع السلاح الناري جريمه يعاقب عليها القانون المحلي والدولي.
وانا استغرب في الجهه الاعلاميه العملت اللقاء ده وكمان بتناشد الحكومه عشان تتبني الزول الهاوي المسكين ده.
في حين انو الزول ده ح يخش في تحقيقات ما انزا الله بها من سلطان.
الله يشوفك يا راجل يا طيب ويسلمك من المجرمين والحمكومه
هذ لن يفيد الناس فى شئ كنا نتمنى ان يكون مثلا اختراعا فى مجال اعادة تدوير والتخلص من النفايات او مكافحة البعوض فى الاحياء
ولكن سلاح مافيش
الخال ادم حمدي اتمن له النجاح