زواج سوداناس

وزير المالية يطلب من البرلمان رفع الدعم عن المواد البترولية والكهرباء



شارك الموضوع :

طالب وزير المالية والاقتصاد الوطني “بدر الدين محمود” برفع الدعم عن القمح والمواد البترولية والكهرباء، وقال أمام البرلمان أمس: (الشعب السوداني يستهلك أكثر مما ينتج، ويستورد أكثر مما يصدر) واستعجل الوزير الدولة في تنفيذ سياسة رفع الدعم باستغلال فرصة انخفاض السلع عالمياً، ونبه بأن سياسة رفع الدعم أقرها البرلمان بالتدرج في السابق، مشدداً على ضرورة التخلص بسرعة من دعم الاستهلاك والسلع وتحويله إلى دعم الشرائح الضعيفة وزيادة المرتبات ومعالجة عجز الموازنة. وأكد “بدر الدين” أن الحكومة تمكنت من الحفاظ على الاقتصاد من الانهيار عقب الانفصال، وحث الوزير نواب البرلمان على قيادة حملة في دوائرهم لزيادة الإنتاج والإنتاجية لتحسين مستوى المعيشة والتحول من أمة مستهلكة إلى منتجة.
وفي غضون ذلك، حذر برلمانيون من رفع الدعم عن السلع الأساسية وحملوا الدولة ووزراء القطاع الاقتصادي مسؤولية تدهور الاقتصاد، وأقروا بتراجع هيبة الدولة بسبب الأوضاع الاقتصادية، مطالبين الحكومة بتخفيض الصرف الإداري. واقترحت “أماني السماني” إلغاء وزارات الإعلام والثقافة والسياحة والرياضة ودمجها في وزارة واحدة، وتحويل الوزراء إلى مديري إدارات، وقالت: (زي ما المواطن استحمل يشتري بصلة واحدة بـ5 جنيه هم عليهم يتحملوا). بينما طالب البرلماني “الهجا فضل المولى” الحزب الحاكم المؤتمر الوطني بمعالجة الوضع المعيشي للمواطنين، وقال: (الناس صبروا على الإنقاذ ولا بد من معالجة جذرية). وقال العضو “عبد الرحيم حسن”: (الحياة المعيشية بقت صعبة حتى علينا وعلى الوزراء)، وأضاف: (حلة الملاح هزمتنا)، منتقداً بيانات الوزراء وقال إنها عبارة عن مؤشرات دون معالجات.

المجهر السياسي

شارك الموضوع :

تعليقات الفيسبوك

تعليقات


13 التعليقات

إنتقل إلى نموذج التعليقات

      1. 1
        rhmanahmed62

        يا اهل الاقتصاد هل الحل في رفع الدعم؟ هل سيتعافي الاقتصاد؟ لا ولن يتعافي .. الحل فيكم انتم يااهل الاقتصاد تذهبوا كلكم اكرر كلكم وياتوا رجال يفهموا في الاقتصاد اكرر يفهموا حتي يجدوا الحل للاقتصاد وان كان موجووود ويريحوا المواطن الغلبان الشقيان المسكبن ..الله يكون في عونك يا ايها المواطن السودانى الصابر الفريد في خصالك الحميدة.

        الرد
      2. 2
        محمد احمد

        اصحاب المليارات المنهوبه والمأخوزه من غير وجه حق ولا مؤهلات لا يتأثرون من رفع الدعم اوعدم رفعه لانهم اساسا امموا مستقبلهم ومستقبل ابناءهم بل ومستقبل ابناء ابناءهم وبالعمله الصعبه بل وخارج البلد فى بنوك ماليزيا ودبى وعموم الخليج يشهد عليهم …..اذا كنت لا تستطيع ان تحل مشكله واحده طوال فتره خدمتك وتقوم بصرف مرتب وزير بالدوله وجميع مخصصات الوزير وغير مخصصات الوزير فاعلم هذا ليس الا فشل فى شخصك فلا تلوم الشعب الغير منتج. فما فائده الانتاج اذا كانت الدوله من غير توفير مقومات الانتاج تفرض عليك اكثر من نصف الانتاج ضريبه فعلى اى انتاج تتحدث يا سعاده المستهلك وما هو انتاجك فى وزاره فشلت لمده خمسه وعشرين سنه ان تتحكم فى سعر قفه الملاح زى ما قال بقيه الوزراءفاى وزير انت واى وزراء انتم الا تستحون من صرف مرتباتكم وبدلاتكم وتجارتكم وانتم ربان سفينه فى قاع البحر وتلتحفون ستره النجاه وانابيب الغطس والشعب يغرق يغرق يغرق يا سعاده وزير الدوله الفاشله….

        الرد
      3. 3
        محمد احمد

        والله يا ناس الانقاذ غطستوا حجر البلد فى هاويه داخل محيط لا يعلم به الا رب العباد …يا ناس الزول الفشل حقوا يعترف بفشله اولا ويتقدم باستقالته ويعتزر للشعب السودانى الغلبان ….بدل النبز بالبارد .وبطلوا الشغله دى وحاولوا رجعونا للمحل اللقيتونا فيهوا قبال ما تنقذونا ..

        الرد
      4. 4
        دارجي وفصيح

        السيد الوزير انا شخصيا لم ادرس اقتصاد ولا اي شي يتعلق بالامور الماليه ولكن رأي شخصي تدهور الاقتصاد اعترفت به وهو نحن شعب مستهلك أكثر مما ننتج ورفع الدعم عن ليس بالحل وإنما هروووووب من الواقع المفترض أن يكون وهو في وقتنا الحالي بنسبه للتضخم وتدهور الاقتصاد اعتقد أهم مناصب تهم البلد وتنهض بها هي وزاره الصناعة والتجارة والاستثمار والصحه والتعليم وآخرها وزاره الماليه
        بالدارجي كده ماممكن شعب بيستورد كل احتياجاته من خارج السودان وعايزين اقتصادنا يتصلح معقوله وزير التجاره عليه إلغاء جميع الاتفاقيات التجاريه المتعلقه باستيراد أشياء ثانويه تكلف البلد كل دولار السوق الاسود معقوله نستورد لبان ماربيلا مثلا بآلاف الدولارات لييييه ومعجنات وحلويات وأشياء تافهه بملاييييين الدولارات معقوله فوزير التجاره عليه إيقاف هذه المهازل وفورا إيقاف استيراد اي شي كمالي وادخلو السوبر ماركت وشوفو الشعب السوداني بشتري شنو كلو مستورد نأكل السم نحنا لو صنفنا السودان بقائمة مايستورد ونايم في العسل فنحن أفضل حتى من سويسرا لانه سويسرا ليس لها الجراءة في استيراد شي من خارج البلد لانه كلو إنتاج محلي
        وزير الصناعة عليه السعي في توطين كل مانحتاجه من الخارج والاهتمام بتوظيف عماله منتجه لانه كل حاملي الشهادات من الشباب يا سافر يا سايق ركشه
        وزير الاستثمار عليه دعوه كل من نشتري منه منتج اليوم لينقل مصنعه إلى السودان وحنكسب مواطن يشتري بعمله محليه وتوظيف عماله وتاني الدولار لا من السوق الاسود ولا الأبيض زول يسأل منه مافي
        وماتشبكونا نحنا محاصرين وأمريكا نحنا من حاصرنا أنفسنا ونحن من ننتج في الفشل كل يوم ونحن للذكرى فقط أصحاب أطول نهر وأكثر أرض خصوبه ولسه حكومتنا بتتكلم عن 7+7 و 50+70 والنتيجه كما هو متوقع سنرزح من فشل إلى فشل وليس لنا حق في نهضه
        وعن موضوع دمج الوزارات وربي كلمه وزير كتيره في الوقت الحالي على وطن اسمو جمهوريه السودان معقوله بلد فيها وزراء اتحاديين ووزراء ولائيين ووزراء دوله انا محتار وزراء الدوله ديل وزراء دوله تانيه يعني ولا القصه شنو
        بلدنا مامحتاح كل هذا الكم من الوزراء ولا لكلمه وزير اصلا مدير كفايه جدا لشخص عايز يخدم بلده

        الرد
        1. 4.1
          هيثم

          ما هم العلمونا البيتزا، هسه بقت ليهم حارة؟!!!
          كلامك معقول والله يا دارجي، بالذات حتة يفتحوا مصانع انتاج وتواكيل انتاج جوه البلد، وأضيف إنه بدل ما نمشي نجيب مستثمر من بره لمشروع يجي ويطلع بأرباحه (والأمثلة كثيرة) نشجع الراس مال الداخلي يعمله بداله.

          الرد
      5. 5
        ابو القنفد

        من هم الشرائح الضعيفة وكيف تدعمهم الدولة ؟!

        الرد
      6. 6
        ابو ايثار

        نوافق علي رفع الدعم عن كل شي حتي نقطع حيل هذه الحكومة الفاشلة والنظام الفاشل. و نشوف بعد كدى ح يعملوا شنو…الخوف يقولوا ادعمونا

        الرد
      7. 7
        ابو القنفد

        نحن حاليا ندعمهم
        اصلا لا يوجد دعم
        بل بالعكس
        يتربحون من كل شيئ هؤلاء الخونة

        الرد
      8. 8
        ود البورت

        رفع الدعم عن الكهرباء معناه ان يباع الكيلواط ساعه بحوالي 850 قرشاً،،،
        هل يستطيع المواطن ؟؟؟؟

        الرد
        1. 8.1
          atbarawi

          لا يهم يستطيع المواطن ام لا – المهم ان تدفع اذا اردت الكهرباء – والغريبة ذاك الوزير يهدد بقطع الكهرباء وهذا يهدد برفع الدعم – والشعب بين الوزيرين – والدولة صراحة اصبحت فاشلة كما قال الجنوبيون انها فعلا دولة فاشلة – الاسلاميين شلة غير مرغوب فيها في كل الدول والآن اتصح لنا لماذا يقاتلونهم –

          الرد
      9. 9
        ابوعشة

        يا سيادة وزير المالية..قبل عامين تم رفع الدعم بحجة ان سعر برميل النفط 100 دولار..والان سعر البرميل 40 دولار..فهل ما زلتم تدعمون النفط..؟..انتم تكذبون..

        الرد
      10. 10
        احمد

        نحن كعاملين بالدوله نويد الرفع التام للدعم حتي نعيش زينا وزي الناس ماممكن زول بيبيع طعميه او بيغسل عربات او بييع تسالي دخلو يكون اكتر من موظف في الدرجه الاولي ده كلام والله ما جاي نهائي
        البلد فيها اكتر من تلاته مليون اجنبي ديل ذنبنا نحنا شنو ندعمهم في اكلهم وشرابهم
        وفيها اكتر من خمسه مليون مغترب يبيعو عملتهم الحره في السوق الاسود ويستمتعو بالدعم
        التجار الواحد يبيع ليك الحاجه باغلي الاسعار ويتعلل بان الدولار زايد
        وينسي انه مستمتع بالوقود المدعوم والسكر و الرغيف
        والغاز
        عشان كده ننادي برفع الدعم وزيادة المرتبات رفع كامل

        الرد
      11. 11
        قلبي على بلدي

        والله الحاجه المحيراني يقول ليك المنافقين من ناس الحكومة نرفع الدعم هو وينو الدعم دا ما شايفين اي دعم البلد الاسعار كل يوم في زيادة والبلد اغلى من الدول الاوروبية بتقولوا نرفع الدعم طيب لو رفعتوا الدعم ح يحصل شنو في البلد والشعب والله تاني الشعي السوداني الا يخطف اللقمة منك في الشارع … حكومة مفلسة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *