رأي ومقالات

سوداني يهدد مدير مستشفى باللجوء لوزير الصحة المصري.. محاسبة المريض السودانى مثل المصري


قبل يومين بمستشفى القاهرة التخصصى مع احد الحالات لاجراء منظار قولون بتخفيض من احد ملائكة الرحمة فوجئت بان مبلغ التأمين كبير قياسا بتكلفة المنظار فدققت فى ايصال استلام النقدية فوجدت مكتوب على الايصال نقدى اجانب مما يعنى زيادة 50 بالمائة على الفاتورة

فرجعت للموظف وسالته هل السودانى اجنبي بمصر فاجاب السودانى على راسنا من فوق بس لوائح المستشفى بتحاسب اي جنسية غير مصرية باعتباره اجنبي فتعجبت جدا لانى تعاملت مع عشرات المستشفيات و كان المريض السودانى يعامل مثل المصري فاستنكرت الامر ورفضت دفع المبلغ مضاعف وسالته عن مكتب المدير لان هناك بروتوكول تعاون مشترك بين مصر والسودان على مستوى وزارة الصحة بين البلدين ينص على معاملة المرضي بمستشفيات البلدين باعتبارهم مواطنين فقابلت المدير وشرحت له الامر و اكدت له بانى اذا لم تحل المشكلة ساقابل وزير الصحة اليوم باعتبار ان المستشفى مخالفة لاتفاقية تم توقيعها بمتابعة رئاسة الجمهورية بين البلدين

الحمد لله فى نهاية الامر استجاب المدير ومضى على الايصال على انه نقدى مصريين و اكد على انه ابتداء من هذه الحالة سيتم محاسبة المريض السودانى مثل نظيره المصري علما بان هذا الامر كان مستمر منذ شهور رغم توقيع اتفاقية التعاون وبهذا انبه كل السودانيين بمصر الى التدقيق فى الفاتورة عند دخول مستشفى القاهرة التخصصى والتاكد ان الحساب ليس نقدى اجنبى لان هذا يعنى زيادة 50 بالمائة عن المصري واسف للاطالة واعاننا الله لما فيه الخير للبلاد والعباد
نقدي مصري
بقلم
راشد سيد اسماعيل


‫8 تعليقات

  1. السلام عليكم ورحمة الله تعالي وبركاتة
    اسأل الله الشفاء لجميع السودانين المسلمين داخل وخارج السودان
    يا جماعة مصر شنو البتمشو تتعالجو فيها وروني السودان مالو فية أحسن الأطباء علي مستوا العالم والله اول اول شي من المطار العنصرية والمعاملة السئة لي السودانين فقط حتي الطائرة المصرية البتجي السودان تعبانة جدآ والله أحسن لينا نحب السوادن ويكون عندنا وطنية
    والله لان أغلبنا ما عندو وطنية لي السودان ابسط شي اذا كان في اي نادي من أندية السودان لاعب مع اي فريق عادي ممكن نشوف مئة واحد بشجعو النادي الأجنبي .
    المشكلة أغلبية الناس بقت عندهم انا بتعالج برة يعني فشخرة وشوفوني
    التواضع يا ناس اهم شي بحبك يا سودان

  2. كلنا بنحب السودان لكن الدكاترة بتعنا تلقي واحد تعبان وراقد وهو يقول انا عندي وفاء او عرس يعني المريض عندم ولا شي واذا حصل شي لا قدر الله يقول ليك قضاء وقدر

  3. علاج شنوا الفى السودان انا عندى اخوى عمل حادث اتقلبت بيهم ركشه وبعد عمليتين خياط وتغيير والجرح كل يوم ماشى زايد وما برا شهرين وقرر واحد من البتقول عليهم دكاتره وصاحب اسم ومستوصف خاص قرر يقطعوا ليهوا رجلوا ومصر انها لازم تتقطع اتصل على ناس البيت حلفته الا يسافر بكره او خلال الاسبوع كان فى مصر والله على ما اقول شهيد الولد اسى بيلعب كوره من جديد وحايم فى امانه الله واوريك السبب القالوا الدكتور المصرى تضحك على دكاترتنا ..قال الخيط فى الجلد الخارج وما واصل اى عمق فى اللحم عشان كده الجرح جوا ما التأم وما حا يلتئم الا يفتحوه من جديد ونظافه وخياطه من جديد وغيار تلاته مرات والموضوع انتهى والحمد لله سلام

  4. يعني المصريين يسرحوا ويمرحوا في السودان وأنحنا نعتبر أجانب ب في مصر.

  5. دكاترتنا ديل اخير منهم مركز اعشاب النيل القفلوه