رياضية

وقبل ساعات من إجراء القرعة.. بالنقاط الهلال ضمن الأندية الثمانية التي لن تلعب تمهيدي الأبطال.. ونقطة واحدة تبعد المريخ وتجبره علي المشاركة من الدور التمهيدي


 

احتل الأهلي (مصر) صدارة الفرق الإفريقية من حيث النقاط في تصنيف الاتحاد الأفريقي للأندية حتى يتمكن من اختيار الأندية الأفريقية التي لا تشارك في تمهيدي الأبطال الأفريقي وحصد فريق القرن علي 53 نقطة تلاه مازمبي (الكنغو) الذي حصل علي 52 نقطة ثم وفاق سطيف (الجزائر) الذي نال 33 نقطة ثم الهلال (السودان) 30 نقطة والنجم الساحلي (تونس) 29 نقطة وليوبارد (الكنغو.ب) 24 نقطة والزمالك (مصر) 22 نقطة والقطن (الكاميرون) 19 نقطة والمريخ (السودان) 19 نقطة وقيتا كلوب (الكنغو) 16 نقطه.
ومن المرجح أن تعفي الفرق الثمانية الأولي من تمهيدي الأبطال مما يؤكد أن نادي الهلال سيلعب من دوري ال ٣٢ بينما يلعب المريخ في التمهيدي لاحتلاله المركز التاسع الجدير بالذكر أن النقاط تحسب بالخمس سنوات الأخيرة للفريق ونتائجه في البطولات الأفريقية.
الجدير بالذكر أن قرعة دوري أبطال أفريقيا للعام 2016 ستجري يوم الجمعة بالعاصمة السنغالية داكار.

ياسين الشيخ _ الخرطوم

النيلين


‫10 تعليقات

  1. طبعا الخبر سيتحول لمصدر فخر بالنسبة لجماهير الهلال
    بينما ستر د جماهير المريخ بتلك الاسطوانة المشروخة كاس مانديلا
    وفي النهاية لو جمعوهم الاتنين ما تامين فريق واحد ..وابقى قابلوني لو وصلتوا نص المرحلة بتاعت السنة الفاتت
    تاني…
    للهلالاب …بل بدون بلايلي
    للمريخاب مااازيمبي هداااااااااك

  2. ما يشوف لجنة الاستئناف يمكن يلقو للمريخ طريقة من هنا او هناك…..

    1. هههههههههههههـــــــــــــــــــــــــاي أنــــــا

      وي وي وي ويـــــــــــــــــــــــــا

  3. يا اخوانا الكلام ده كيف وين النقاط بتاعت الامل عطبرة وهلال الابيض واسامة عطا المنان فين راحت كل هذه النقاط يا ناس ما ممكن يا مزمر ابو التعاسة ما تشوف ليك صرفة مع يناس الكاف ديل ما توسط معتصم جعفر وتقول ليه اي حاجة انشاء الله ذكره بانه بقى ريئس حاجة كده فى الاتحاد الافريقى ما عارفها شنو لكن امكن اديكم نقطة واحدة بس عشان يكون الفرق بينكم وبين الكبار عشرة نقاط ما سبعة نقاط هههههههه

  4. يا مريخاب ما تزعلوا السنة الجاية اسامه او جعفر اومجدى بيدخلوا الكاف
    كيف يطلب الاتحاد بطاقة لاعب اجنبى بعد قفل السيستم
    كيف لا يعاقب الاعب بكرى بتقرير حكم المباراة بينما يعاقب لاعب الامل بتقرير حكم
    كيف توخر شكوى سته اشهر
    الهلال غير المنكر ولو باضعف الوسائل ولم تهمه البطولة وكان سيفوز بها حتما

  5. المرة دي إنشاء الله ربنا يسلط عليهم في التمهيدي تيم ينفخهم برة وجوة أصلهم وصلوا الأدوار النهائية في غفلة من الزمن لن تتكرر مرة أخرى. قال شامين ريحة مطار قال

  6. شوفوا أسامه يمكن يسمكر ليكم حاجه عشان تدخلوا مع الكبار يا بتاعين اللقيمات، عرفتوا قيمتكم وقيمة أبو الهل يا بتاعين روضة ماما ساره.

  7. العميد…. أسم جديد لسيد البلد بس المرة دي عميد الأندية الإفريقية… بحقنا. الهلال أكثر فريق في أفريقيا شارك في بطولة الأبطال عارفين ليه لانو دائما بطل الدوري منذ العام1966م… ساهموا معي علي نشر اللقب الجديد في كل مكان وفي كل موقع وقروب وعبر النيلين تكون البداية والسبق وأحفظوا لي بالسبق فالتاريخ موجود… العميد العميد العميد✌