برلمانيون يطالبون بتحرير سعر الدولار والمحروقات والقمح والكهرباء بنسبة (100%)
دعا نواب برلمانيون، لتحرير سعر الدولار والمشتقات البترولية والقمح والكهرباء بنسبة ١٠٠٪، حتى يتعافى الاقتصاد السوداني.
ووصف النائب السابق لرئيس الجمهورية، النائب البرلماني الحاج آدم طريقة الزراعة المتبعة حالياً بأنها من “العصر الحجري”، وقال: “بالطريقة دي ما حتكفينا ولا حتمشي لي قدام وحيفضل المزارع أفقر فئات المجتمع”.
ولفت آدم الى أن التمويل الزراعي يحتاج إلى تمويل بقيمة ٧٠٠ مليون دولار، وقطع بفشل البنك الزراعي في توفيرها، ورهن تقدم الزراعة بتوفير التقانات والتمويل الضخم، وشدد على ضرورة تحرير المشتقات البترولية والقمح والكهرباء بنسبة ١٠٠٪، حتى يتعافي الاقتصاد (على حد قوله).
من جهته طالب النائب يوسف موسى بتحرير سعر الدولار لمواجهة تصاعده المستمر أمام الجنيه.
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ده لمن كان نائب الرئيس ما قال وطبق الكلام ده ليه………………
ثانيا برلمان شنو اليقول ارفعوا الدعم ديل ما عارفين مهمتهم شنو لمن الشعب اختارهم؟؟؟؟؟
والله كل يوم الواحد بكتشف انو البرلمان دا فيهو ناس عايشين في عالم تاني… غير السودان … الناس ماقادرا تاكل وتتعالج …يابرلمان السجم…
ونطالب بتخفيض مخصصات البرلمانيين والدستوريين لأنها من ظهر هذا الشعب الغلبان ومن قوته ومن قوت عياله
ونسأل الله أن ينتقم من كل ظالم وجبار ومن كل حرامي خان هذا البلد .
(( النائب البرلماني الحاج آدم طريقة الزراعة المتبعة حالياً بأنها من “العصر الحجري”، وقال: “بالطريقة دي ما حتكفينا ولا حتمشي لي قدام وحيفضل المزارع أفقر فئات المجتمع”))……..يا شيخنا الزراعة ما كانت بس من مشروع الجزيرة شايل إقتصاد السودان على ظهره وبدأ يتدهور بداية التسعينات ، تدهور ليه؟ ما تشوفوا السبب شنو وعالجوه؟ واعملوا قوانين مظبوطة ونقية من الخلل وطبّقوها بأمانة شوفوا ح يتحسن الأمر مباشرة.
(( وشدد على ضرورة تحرير المشتقات البترولية والقمح والكهرباء بنسبة ١٠٠٪، حتى يتعافي الاقتصاد (على حد قوله).
من جهته طالب النائب يوسف موسى بتحرير سعر الدولار لمواجهة تصاعده المستمر أمام الجنيه.))……… ما من زمان التحرير الاقتصادي شغّال هل تعافى الاقتصاد يا شيخنا؟ والله عُمره ما يتصلح لو ما تمّت مراعاة المواطن المغلوب على أمره.