منوعات

تعرف علي أسعار حفلات المطربين السودانيين.. طه سليمان يتصدر قائمة المطربين بأعلى الأسعار..والدلوكة ترفع سعر إنصاف مدني وتجعلها أغلي المطربات


استطاعت بعض صفحات مواقع التواصل الاجتماعي أن تكشف أسعار حفلات المطربين السودانيين, وبحسب رصد صفحات مواقع التواصل الاجتماعي فقد تصدر المطرب الشاب طه سليمان قائمة المطربين الأعلى أجوراً حيث يصل سعر التعاقد ل 20 ألف جنيه.

وجاء الفنان عاصم البنا في المرتبة الثانية حيث تبلغ كلفة التعاقد معه حوالي 20 ألف جنيه أيضاً ولكن بحسب أفاد المقربون منه أنه لا يتمسك كثيراً بهذا السعر وقد يتجاوب مع الراغب في خدماته,

في المرتبة الثالثة جاء الفنان جمال فرفور والذي يتقاضي حوالي 18 ألف جنيه في الحفل.

أما من جانب المطربات فقد تصدرت المطربة المعروفة إنصاف مدني قائمة المطربات السودانيات, وتبلغ تكلفة التعاقد معها حوالي 18 ألف جنيه, وما يزيد من تكلفة إنصاف مدني طريقة غنائها والتي اشتهرت بها دوناً عن بعض المطربات, حيث تغني إنصاف بالدلوكة وبالأوركسترا أيضاً.

وعن بقية المطربين أمثال حسين الصادق وشقيقه أحمد فلم يتم الكشف عن أسعار حفلاتهم.

 

 

ياسين الشيخ _ الخرطوم

 

النيلين

 

 

 


‫12 تعليقات

  1. وكمان تقولوا الحكومه جوعتنا والمعيشه زفد وأي حاجه بقت غاليه ،، اها الحفلات والفنانين الهلافيت ديل رأيكم شنو في اسعارهم دي ما غاليه ؟؟؟!!!!! واكرر لسه اقعدوا قولوا الحكومه جوعوتنا والكيزان نهبونا والمعيشه بقت زفد والحاجات غاليه وما عارف ايه يلا ادفعوا وخشوا الحفلات والخلط والمشاغلات والاكعب من كدا ويستمر قطار الفقر والجوع والبهدله والبشتنه بسبب هذة الامور والكلام الفارغ

    1. يعني الناس البتمشي للحفلات تقول الحكومة جوعتنا
      والناس المابتمشي الحفلات تقول الناس البتمشي الحفلات قالوا الحكومة جوعتنا
      اكيد انت من ناس السعودية هههههههههههههه

  2. أحمد الصادق حتى عيد الفطر كان سعره 12 مليون ..
    فرفور لو جاء وغنى لي ببلاش او دفع لي فلوس ما عايزه
    انصاف مدني ممكن للحنة
    طه سليما ن رغم خيبنته البعمل فيها لكن زول اصيل والله

  3. 52×20.000 أسبوع=مليون وأربعين ألفا يعنى عشرة مليار و400 مليون بالقديم ترى كم يدفعوا ضرائب ؟؟؟

  4. واللة حاجة تزعل لأنو الأسماء دية ما عندهم أغاني ليهم شخصيا كلها أغاني غيرهم وبعد كدة بيتقاضوا مبالغ زي دية

    بس ما بقدر أقول إلا اللة يرحم فنانوا. السودان القدماء وأنا شخصيا مجانا ما بجيب ولا واحد فيهم احسن لي اشغل ال cd حتي لو كان عرس

  5. المرء يسأل عن ماله من أين اكتسبه وفيم أنفقه ؟؟ يعني 20 مليون
    تفرّح ليها عشرين اسرة في مع عِظم الأجر، شتان ما بين مُنفق في
    سبيل الله ومُسرِف في سبيل الطاغوت ..
    الغناء (بلهو الحديث)، كيف يعيش صاحبه السعادة بجمع المال منه ؟؟
    والله إنهم مساكين ونحن نشفق عليهم وبكسبهم . وفعلاً الخطأ من .
    الذي يضيع ويهدر ماله بإحضار المغنيين .. لكن شيخ الترابي حلل لهم ذلك..

  6. صدقت يا امير الظلام اين الضرائب ؟ ولا الضرائب فقط على الغلابه والمساكين صورة مقلوبة

  7. من زمان معروف اغلي فنان هو كمال ترباس يكون عدادو لحق كم هسع

  8. الشفع ديل عرفناهم … ابو جلمبو الفى الزاوية التحت ده .. ساوى شعرو ذى عش الطيور مالو ؟؟؟؟

  9. يا ياسين – لو جبتا لينا سعر القرع ما احسن من النتن دا –
    يا جماعة هو دا مال يشيلو منو ضرائب هو صاحبه ما بنفعو دايرنو كمان يمحق الفضل دا ما كفاية السجائر والتمباك والشد والجذب فى زكاتهما .
    الغريييييييييبة يعنى وبدون زكر اسماء لما تحصل ليهم حاجة او يمرض الواحد فيهم ولا التكتحو ما عندو ويجو يكوركو الدولة ما مهتمة بالابداع والسخافة وهذا الهرم وهذا الاسطول اهملو فيه ومسفرنو للخارج واتبرع ليع فلان الفلانى

    ( وأن لو استقامو على الطريقة لاسقيناهم ماء غدقا )