زواج سوداناس

لوك والوك


هيثم صديق

شارك الموضوع :

أمس أعلن المريخ اسم مدربه الجديد

بلجيكي بروكسلي أوربي غربي حربي

بس الحاجة الغريبة اسمه لوك…

ما عارف الهلال اشترى كرتو والا لا

غايتو لو اشترى كرتو بيكون شفرو.

المدرب البلجيكي سيرته زاهية.. لعلها الغنى ليها ابو داؤود يا زاهية

قلبي الشلتي جيبي

لوك مدرب والوك لاعب

وعوووك كوراك الورا المريخ للمريخ

ناس عبد التام راميين قدام

أي لكلكة ما عندهم ..لوك الوك. كله جوة.

والقرعة باسطة والصفوة منبسطة والمريخ راستا

كل حاجة تمام.

لاعبنا السابق بقى مساعد مدرب.

رجع من البعثة للمريخ واتعين على طول

بس ما يكون بصحن فول

حاكم ما عرفنا بياخد كم

مساعد مدرب دي وظيفة مرقتا ليه فطومة.

كل يوم اقرأ ليها عن سيدا عرفت الحاجات دي في ايدا.

على كل حال ولدنا حلال عليكم..ما يقوم الوالي يشيلو ويجيبو مساعد مدرب للبلجيكي.

أصلاً هو لاعب المريخ

غايتو يا الوالي دمغة النجمة دي ما عتقت منها زول

أها لوك والوك لقوا قرعة حلوة.

واعفاء من التمهيدي

اسامة ومعتصم ديل ادوا حياتو لقيمات كاربة

المقرمشة ديك.

والزول كرم كرم كرم عمل قرعة بكرم.

الذ حاجة لوك والوك دي

لذيذة لذة.

……

تعرض العقرب لحادث اليم وخرج منه سليم فالحمد لله على السلامة وندعو الله ان يتغمد المتوفي برحمته ويشفي من كان جريحاً وان يحفظ الله الجميع.

….

العضوية في المريخ تمشي على قدم وساق ونريدها من فاعلين يكملون النصاب عند الانتخابات من أول مرة ويدعمون النادي على الدوام..المريخ لا ينقصه الا المال وهو نقص كبير في كل البلاد التي تشكو من ضائقة اقتصادية. بينة.. وهذا أمر يتطلب من الجميع التكاتف.

……

ينبغي ان يتم اختيار مساعد وطني متفق عليه في المرحلة القادمة مع مدير كرة نتمناه محمد موسى الذي شغل هذا المنصب بكفاءة في ما سبق.

…….

نتمنى ان تتاح الفرصة كاملة لجميع اللاعبين في المعسكر القادم حتى لا يظلم أحد ولا ندخل في نفق عدم وجود البديل ككل مرة.

تكريم جميل ومعبر أقيم مساء الأمس للأخت ميرفت حسين بمناسبة بلوغ برنامجها حلقته ال500. وهو رقم مهول اذا ما وضعنا في الذاكرة انه اسبوعي.. ميرفت حسين تستحق ان تكون في أكبر القنوات الفضائية المختصة لباعها الطويل وحضورها المدهش.. في كل العالم العربي الذي يفتقد لعنصر المرأة الواعية المدربة الحاضرة كميرفت.

…….

لربما فوجئنا بمدرب آخر…فأخبار المساء تضاربت..

…..

مشوا يخطبوا ليه عقدوا…انتظروا هيثم مصطفى يلعب جاء بمدرب.

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *