ثقافة وفنون

قدمها أمس في حفل زفاف..(وي وي) شكر الله تجر عليه وابلاً من الانتقادات


وجدت أغنية الفنان الشاب شكر الله عزالدين الجديدة (وي وي) استياء من قبل الحاضرين لحفل زفاف ابنة الاستاذ الصحافي كمال حسن بخيت بصالة الخليل بام درمان أمس الأول، ووجه له الصحفيون والاعلاميون الحاضرون لتلك المناسبة وابلا من الانتقادات اللاذعة بسبب تلك الأغنية، وأكدوا على أن شكر الله اخطأ في اختيار اغنية في تلك المناسبة، وقالوا انه لم يحترم عقول الاشخاص الذين جاءوا للاستمتاع بالاغاني الرصينة، وطالبوا لجنة المصنفات بوضع أشخاص يراقبون الصالة لوقف مثل تلك الأغاني التي اصبحت تشوه الغناء السوداني الأصيل. فيما ابدى عدد من المهتمين بالمجال الفني أسفهم لتذبذب تجربة الفنان شكر الله عز الدين وعدم مقدرته على انتقاء اغنيات يمكنها ان تخدم مشواره الفني، عز الدين اثار جدلا لاغنية جديدة كتبها له الشاعر احمد البلال. ويرى مراقبون انه لم يوفق في اختيار مفردات الاغنية التى عنوانها ( يا حلاة لقلق). مشيرين الى انه يتميز عن الآخرين بأعمال رصينة وذات قيمة فيما يتعامل مع شكر الله بـ(حلاة لقلق).

صحيفة الرأي العام


‫9 تعليقات

  1. ههههههههههه.. تستاااهلو.. أنتو البخليكم تقعدو للغنماية دا شنو

  2. يا حليل زمن الفن الرايق والكلمات المحترمه الجميله ، امس في قناة النيل الازرق برنامج مساء جديد مستضيفين واحد مامعروف راكب من وين وعامل فيها فنان سئلوا عن الاغاني الهابطه بقى يتمتم في التعبير وما عارف يقول شنو وكلامو ما مفهوم اتخيلوا بعدها طوالي طلبو منو يغني اغنيه راح غنى ليهم ( روق المنقه ) هسي ده شنو بالله ؟؟!!!!

  3. حلاة لقلق!!!!! إن شاء الله لُقلُق لما يقِد عينيك إنت والشاخِر( مش الشاعر) لأنو دا ما شعر ، يا إتحاد الفنانين عليكم بأمثال هؤلاء الشِرذمة القليلون الذين أساءوا للغناء السوداني وداسو عليه بأرجلهم ، مرّغ الله وجوههم بالسجم والسَكَن والرماد.

  4. وي وي دي شنو
    والفن السوداني الاصيل ده شنو
    الحفيون والاعلاميون وبتاع الوي وي كلهم في الهوى سوى
    شبهينا واتلاقينا
    جدودنا زمان كان عندهم لبس البناطلين وغناء ود الامبن نوع من انواع الوي وي
    المسألة نسبية وشكر الله وصل مرحلة متقدمة في نفس درب الخشلعة الذي يسير فيه الجميع وهو ما يعني ان اغنية وي وي بعد خمسين سنة ممكن تدرس في كلية الاداب كنوع من الادب والفن الرفيع
    حكمة اليوم
    رب اغنية هابطة امبارح اصبحت رصينة الليلة

  5. الزول ده كان معصعص عمل جضوم وبقى مربرب
    ذكرني بشة جا الحكم معصعص واليوم مربرب وعندو جضوم

  6. يا جماعة ما تلوموا الفنان هو غنى على حسب عقول الحاضرين وياحلاة لق لق …