زواج سوداناس

نضال حسن الحاج : أنا نصيبك ..



شارك الموضوع :

نصيبك
رغم .. قل الحيلة .. والفي الإيد نصيبك …
…يا اها ديييك أنفاسي في رئتيك .. محل ما أوكسوجين إحساسا يتتدفق بصيبك ..
وشان نصيبك ..
لسه بفتح عيني شان شوفك .. محل يتكالب الزمن يستبيح الضو بصيص الحوجة في شوفن .. بجيبك.
هندا.. شان البينا قبال نبقى في الأرحام نطف .. سموك صغار الحي حبيبي .. وكان بأشروا لي في الشارع على أساس إني .. يا مجنون حبيبك ..
هندي .. بفضح سري .. شان يتوارى من عين الحقيقة القاسية عيبك.. و..هندي فرغت السما ونجماتو .. نققاط ريد.. مليت بالإلفة جيبك ..
وهندي وزعت الفرح في الشارع العندو احتمال يغشاهو في ذات ليلة صاحبك أو قريبك ..
هندي صاحبت الضلام القاسي لميت من سواد الليل ملامح لونو شان الفاك محل تنقر أصابع الشيب سبيبك ..
هندي سميتك ملاذ الضو .. رفيق الروح .. نشرت على البلاد …الشايله نورتا من عطور اشجارا طيبك ..
حاالفه …مهما كانت القسمة ..وقساوة بكرة ..للمووت ..ما بسيبك…
أنا ..ما .. بسيبك ..
ما …بسيبك ….
وما بتحول بينا المسافات .. يوم تسافر …
وما بكتل الهم …طفل أفراحي …والشوق البدافر..
ما بقابلنا الزمن بي وجه .. سافر …
ولا بحول بيناتنا …إحساس فرقة كافر …
يا صهيل الخيل وكت دق الحوافر ..
يا الحبيب الكلما أجفاو بقابل …وشي غافر .. عارفه.. كلما تفرتق الأيام حبل أوجاعنا ..بدخل في الأضافر ..
وكلما …ننط من دواخل الوجعة.. بين الرجعة .. واللا رجعة نلقى قدرنا ..حافر ..
وبرضو .. رغم ..حنيني ..والهم البدافر .. ما بسيبك.. إلا لكن انت سافر ….
وخلي في كل المطارات بصمتك .. يا غالي .. خيت دمعي ونحيبك .. لا التراب البينا بقنع قلبي .. يستغفل عن الماضي ويسيبك ..
لا المحنة العابرة ..
لا المهجة المدمدمة صابرة تستوعب لهيبك.. ياخي سيبك
وهاكا .. أكتب وعدي .. وسر بي حبال أوتاري .. والحس..عنقريبك .. أوعى تقعد بعدي …
شان ما يفهق الريد البمسد قلبي .. في الجو هبمريبك …
هاكا أكتب وعدي ..
يا وطني …ال محل حضرت ملامح روحي في الباطن .. بغيبك .. ياني مهما ااتكالبن آهاتنا امسك .. وحاضر الأفراح .. ورغم .. الهسه ..غيبك .. ما نصيبك كوني .. في أول شوارع الغنوة ….في .. الدو .. ري .. أسيبك .. سلم الموسيقى .. ما حمل ينفرق لحنين.. ولا .. حمل يبقى نافر .. انت سافر .. تلقى قبال تهبش الألحان شذوذ الحس مرق منك طبيبك ..
وتلقى .. في كل البلاد الواسعة.. إرهاصات حبيبك ..
وتلقى جمبك جته ..قلبها في قليبك ..
وتلقى أي درب تسافر منو .. في الآخر بجيبك .. لي حبيبك ..
نصييبك.

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *