أبرز العناوينمنوعات

حوار شيخ الأمين “محمد عادل”: لا تصدقوا الإشاعات شيخي معتكف.. وسيخرج عليكم بمفاجاة


كذب محمد عادل وهو أحد “حيران” الشيخ المثير للجدل “الأمين عمر الأمين” الأخبار التي راجت بأنه معتقل بدولة الإمارت العربية المتحدة بتهم تتعلق بالإحتيال والدجل، وقال محمد عادل (الشيخ فى الامارات وبخير وعافية) وأضاف “شيخي معتكف”.

وكتب محمد عادل على حسابه الرسمي على فيسبوك بحسب رصد محرر النيلين (الضربات التى لاتقصم ظهرك تقويك ابو عبدالله سيخرج عليكم بمفاجاة)
وابو عبد الله هو لقب الشيخ المثير للجدل “الأمين عمر الأمين”.

وأضاف محمد عادل حوار شيخ الأمين “وعضو حزب الأمة”(انتو صدقتو اشاعات جرائد الامن) ورد عليه صديقه Ghazi Elrayah
(يا محمد عادل ياخي كدا براحة براحة و ركز معاي شوية عشان شايفك داير تطلعوا مناضل و ثورجي ما دجال ساي
ناس الامن يطلعوا فيهو إشاعة ليه و هو زولهم؟؟ مش البشير رسلوا الإمارات دي ذاتها قبل كدا؟؟ مش ناس الامن ديل هم الحامين مسيده من اهالي ابو روف؟؟).

وتهكم وسخر العديد من أصدقاء محمد عادل لتصريحاته وهذه مقتطفات من التعليقات.
Ghazi Elrayah
(شيخ اللمين مرة مبعوث و مرة محبوس)

ياسر بيناوي أحمد
اوع بس المفاجأة تكون من السجن حبيسا الي القصر رئيسا، لو كان غير حتكون ولا مفاجئة ولا حاجة هههههههه.

Ahmed M. Abusham
ياخي خبر الدجال المحتال ده اجمل من خبر تلاتة مازيمبي في المريخ

Yasser Ali Abdallah
شيخ السرور ، المحتال ده اخيرا اصبح في المكان المناسب له ، بالمناسبه يامحمد عادل ردودك بقت كيزانيه شويه انضميت للحوار وله شنو.

Ahmed Haneen
بختك يا mohamed adil الأيام دي ترعي في الجكس براك … والشيخ محبوس

الخرطوم/معتصم السر/النيلين


‫41 تعليقات

  1. الله يخسف بكم الارض ويريحنا من شرككم ودجلكم وينزل علينا من رحماته ويغفر لنا

  2. شيخي يا راجل كبير ما تستحي،،،،،الإعتكاف بقى في دبي ،، إعتكاف 5 أستارز

  3. هو الحال لوصل لكده،. الله يلعن الإنقاذ ع البشير الوصلو الجهل للشباب للحال ده ،، لا عقل لا دين ،، في شنو تاني لِسَّه ما أتعمل ،، دمروا اجيال بحالها

  4. اللهم أعوذ بك من الشرك والكفر وأعوذ بك من شياطين الإنس ولا يغفر الله الشرك به ولا تجعلوا لله اندادا وكل الذي يدعى بأن بيده عمل شى دجل وشعوذه ولم يظهر من يدعى بأنه بمقام الله الا بالسودان ولم نسمع يوما فى أحد الدوله بظاهرة المشركين والكفار إلا بالسودان وشيخكم ده ربيب الفساد واذا لم يسجن فإنه سوف يلقى عذاب ربنا الذى لايؤمن به الدنيا والاخره اللهم أعوذ بك من السحره والكفار

  5. اسخف تبرير الشخ معتكف بالامارات دي ههههههههههههههههه يكون عند راس الشيخ زايد ياربي ولا وين مكعتف هو كان راجل يجي السعودية يعمل عمايله دي كان ما السيف طير رقبه

  6. مادامت المجاية ببسي معناها الاعتكاف في فنادق 5 نجوم والوجبات كنتاكي وبتزاهت الله يقبل. ياخي الاعتكاف دا بيمشو ليه جبال فتاشة وجبة واحدة في الأسبوع بتمرات عشان ربنا يتقبل .

    1. كنتاكي بتاع الساعة كم انت التاني, كنتاكي ده بياكلوهو السودانيين الضهب الزينا لمن يمشوا بره !!
      الشيخ أرفع من كده , خصوصا” لمن يكون معتكف 🙂

  7. ياجماعه يمكن معتكف في اطلانتس- دبي …………..
    ههههههههههههههههههههههههاي
    حلوه وملعوبه معتكف في دبي….
    ده اعتكاف اخر زمن … بدل يعتكف في مكه ولا المدينه
    الاعتكاف بقى في دبي………………………….
    ههههههههههههههههههههههههههههههههههههاي
    شر البلية مايضحك………..

  8. الوهابية ديل مالهم قايمين على الشيخ ده….يكون الاحتفال بالمولد مسخن بيهم ومالاقين زول يفكوها فيهو….ههههه

  9. يا جماعه انتو مستعجلين مالكم الراجل قال الشيخ عنده مفاجأة مدوية خلونا ننتظر ونشوف

  10. …اكتر حاجة بتالم الوهابية هى الاحتفال بالمولد النبوي الشريف. …أعاده الله علينا وعليكم باليمن والخير والبركات. …لكن هيهات…

  11. الوهابية كلاب اهل النار
    عشان كده بتعوي في الدنيا قبل الاخرة

  12. وأضاف محمد عادل حوار شيخ الأمين “وعضو حزب الأمة”(انتو صدقتو اشاعات جرائد الامن …………. ياريت نشوف الامن يواجهك زول يحمل كلاش نهارا جهارا يستقبل به الرئيس الوزير وبقى وزير استثمار وسفير ولسع بكرة بطلع لينا عسك ال مكتوم

    1. راجل صادق محمد الامام في شماعة بعض الاغبياء او الواهمين المضللين

  13. …مشايخنا بيقولوا الوهابية ديل زى الضفادع بالليل. …تسمع صوت الواحدة تقول بقرة…وهى فى النهاية ضفدع ..

    1. ما عارف الدخل الوهابية في الموضوع شنو ؟

      الشعب السوداني بطبعه معتدل لا يميل الى التطرف يمنة ولا يسرة و الوهابيين متطرفين و الصوفية التي تدعي ما يشابه الوهية الشيخ الذي يأتي بالولد و الرزق و الفوز في مباريات كرة القدم و يستشار في كل صغيرة و كبيرة في حياة حواريه لا تشبه الصوفية الحقة التي تدعو الى توجه العبد لربه بكلياته و ليس لشيخه ! .

  14. ما حا تقوم ليكم قايمة يامن تقفون فى صف الدجالين والمشعوزين وسوف تكونون فى هذا الضنك الى ان ياتى يوم حشركم على جهنم وسوف تكون معيشكتكم فى هذا الضنك مهما كانت الموارد حولكم لان الله حارمكم منها ومسلط عليكم باعراضكم من لا يرحمكم وهذا واضح وهو وعد من الله سبحانه وتعالى وهو لايخلف وعده فى قوله تعالى (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى) وان الله لايغير ما بقوم حتى يغيروا ما بانفسهم .

  15. …كيف ما جاتقوم لينا قايمة…وضنك شنو وكلام فارغ شنو…بلا ضنك بلا بطيخ معاك….امشو ادوا المراة حقوقها فى السعودية …وعالجوا مشاكل الشيعة اللى بدت اعدادهم تتزايد فى المنطقة الشرقية بالسعودية…شوفو موضوع مذيات الاخبار فى mbc…..زﻻحلتت وقصور الامرتء
    ..بدل ما قاعدين تضربو فى الكبسة وتنظرو فى فقة الحيض والنفاس….

  16. صدق من قال التابع ازل من المتبوع ايها النكره محمد عادل قال معتكف قال! اذا كان شيخك دجال ماذا ينتظر منك؟ الحمد لله وضح ان الاغلبية من المعلقين يمقتون شيخك ودجله.

  17. اعملوا حسابكم يا جماعة الخير ؛؛ شيخ الامين برسل ليكم من معتكفه فى دبي مصيبة تلحقكم امات طه .. انتو ما خايفين من الشيخ ده وله شنو ؟؟؟؟!!!!!

  18. لاحول ولاقوة الا بالله ( تحسبهم جميعاً وقلوبهم شتى ) هل نحن سودانيين فعلاً

  19. …انشاءالله تكزنوا استمتعتم بقفلة المولد اليوم…غايتو الشيخ ( المرتتح ) حايدخل الجنة بكلام ضفادع الوهابية فوقوا….

  20. الحمد لله كل المعلقين ضد هذا الدجال ماعدا واحد مغشوش وهذا يبين ان الشعب السودانى بخير

  21. ….الشعب السوداني كلو امس كان فى المولد يجتفل يحتفل بعيد ميلاد اكرم البشر علية الصلاة والسلام….

  22. اللهم صلى وسلم على اكرم البشر وابعد المسلمين من شر الدجالين امثال هولاء واتباعهم

  23. طيب يا حوار و بعد ما شيخك جابوهو فى الاعلام و عرفت انو متهم فى بلاغ جنائي بالاحتيال ما هو موقفك ..نحن السودانيين ليس بوهابيين و نقدر المتصوفيين المحترميين المتواضعيين شفت اى زول هاجم الشيخ البرعى او شيوخ ام ضوابان او اولاد الشيخ الفاتح او الشيخ الصابونابى او الشيخ هجو او شيوخ همشكوريب او التيجانية برغم عدم انتمائي للطرق الصوفية ولكن هؤلاء يحترمون انفسهم اما شيخك يجب ان تراجع كيف كان يتصرف و هل ممارساته تجعل الناس يريدونه ليصبحوا من مريديه

  24. …يعنى ببساطة قصدك متواضع يعنى لاتظهر علية آثار النعمة….طيب ما الناس الذكرتهم ديل هم مشايختوا …واخد الطريق عنهم ومازال تحت رعايتهم….
    ..صفو نفوسكم وبطلوا الاحقاد والاحن…

    …بالمناسبة ..اخبار مزمل فقيرى شنو…ههههه

  25. وكذلك برآة الإسلام منك يا بن سلول ..قاتلك الله يا بن سلول يا معتوه يا محب الشهرة