زواج سوداناس

الموز عفن يا شيبوب



شارك الموضوع :

✯ أمس كان مهرجان الزعيم
✯ بسم الله إبتدينا
✯ بدأ موسمنا
✯ ونسأل الله التوفيق فيه
✯ برغم ضعف الحضور الجماهيرى
✯ عيب يا شفوت
✯ المحريه فيكم أكتر من كده
✯ ولعل إدارة المهرجان قد أخطأت التقدير حينما نقلته على الهواء
✯ القصة كسلت الناس بالذات مع السقط ده والسخانه دى
✯ سقط الجو وسخانة الجيوب
✯ ولكن كان لهم أجر الإجتهاد
✯ وحسن التنظيم
✯ ونرفع لهم القبعات
✯ المهم
✯ كلنا تابعنا قصة شيبوب
✯ ده حالتو شيبوب
✯ أمال لو كان عنتر كان حصل شنو؟!!!!
✯ أيها الناس
✯ الرأى عندى أن مجلسنا قصر تقصيراً كبيراً
✯ بل لم يحترم حتى المجهود الذى قام به الناس من أجل إعادة اللاعب
✯ لكن السؤال
✯ سوداكال قعد مع شيبوب مرتين
✯ مرة بعد عودتو بالليل
✯ ومرة بالصباح فى بيت ونسى
✯ نتيجة القعده كانت شنو يا سوداكال؟؟؟
✯ يعنى نطلع بإنو البقعد مع سوداكال بقوم؟؟؟
✯ والسؤال لونسى
✯ هل صحيح انكم يا سعادتكم رفضتم إصطحاب اللاعب لمنزل الوالى؟؟؟
✯ وإن كانت الإجابة بنعم
✯ ليه؟؟؟
✯ وإن كانت الإجابة بلا
✯ طالما أنكم موظفين مفلسين ما وديتوهوا ليه؟؟؟
✯ كده ليه؟
✯ وكده ليه يا ونسى؟
✯ أيها الناس
✯ ماهى ضمانات شيبوب؟؟؟
✯ أن تتفق مع زول شفاهةً
✯ ده كوم
✯ وأن تقوم بتنفيذ ذلك الإتفاق بكل ضمانات حقوقك ده كوم تانى
✯ البِضِمن شيبوب شنو ان يتم تنفيذ الإلتزام شهر سته؟
✯ ده من ناحية
✯ ومن ناحيه تانية
✯ إذا حدث لشيبوب إصابة لاسمح الله
✯ هل سيمضى من إتفق مع شيبوب فى إتفاقهم؟؟؟
✯ ده من ناحيه تانيه
✯ أيها الناس
✯ المريخ وشيبوب والهلال
✯ تلاتة أطراف فى القضيه
✯ الموقف الوحيد القوى هو موقف المريخ
✯ لأن اللاعب فى كشوفاته لسه
✯ ولكن حقيقه
✯ الخاسر الأول والأخير شيبوب
✯ وما حدث لشيبوب حدث من قبل مع والى الدين القضارف
✯ تدخل الهلال قتل موهبة والى القضارف
✯ وهاهو نفس التدخل يقتل موهبة لاعب إسمه شيبوب
✯ شيبوب ضحيه
✯ والضباح هو مرجعية شيبوب
✯ الشخص الذى يثق فيه شيبوب
✯ ويوجه شيبوب بالريموت
✯ وداعاً شيبوب
✯ دنيا الكرة تودعك
✯ ولكنه درس لمن يأتى بعدك
✯ أيها الناس
✯ شيبوب موهوب
✯ ولكنه ليس فلته من فلتات الزمان
✯ لأنه لو كان كذلك لما هبط الموردة وهو الأساسى فى تشكيلته
✯ لأنه لو كان كذلك لما إنهزم منتخبنا الشاب فى الأبيض من نظيره التونسى وشيبوب
لاعب
✯ وشيبوب كثير الأعطاب
✯ أرجعوا لمسيرته القصيرة مع المريخ
✯ يبقى الولد جنى على نفسه
✯ والريموت لخبط الشاشة الغشاشه يا شيبوب
✯ المهم
✯ قصة شيبوب دى ذكرتنى بتاع الموز
✯ شيبوب يا بتاع الموز
✯ الموز عفن يا شيبوب
✯ بتاع الموز الصباح يقول ليك الكيلو بى تمنية الف
✯ تقول ليهو أدينى إتنين بى خمسطاشر
✯ يخت يدو فى الواطه ويتنفض
✯ ويرفض تخفيض الجنيه فى إتنين كيلو
✯ الضهر بقول الكيلو بى سته
✯ العصر يكورك
✯ بى خمسه الموز يا مواطن
✯ المغرب بالصوت العالى
✯ إتنين بى خمسه يا مواطن
✯ تلاتة بى الخمسه يا الخليتو الأكل
✯ العشا
✯ الموز عفن يا شيبوب
✯ ماحدش عاوز
✯ المهم
✯ واحد شفت لذيذ
✯ قال لى الجماعه ديل لازم يتموا التلاتة شهور؟
✯ قلت ليهو لازم
✯ قال لى كان يقولوا الغرامه ميه مليون او التلاتة شهور دى
✯ عشان نتخاتت المية مليون وندفعها ليهم يتخارجوا مننا
✯ أسى كده كويس يا ونسى؟؟؟
✯ أيها الناس
✯ إن تنصروا الله ينصركم
✯ أها
✯ نجى لى شمارات والى الخرتوم
✯ أكان شفت يا والينا
✯ المويه رااااااااقده لدينا
✯ بقت قويه تجينا
✯ وباااااارده يا والينا
✯ مافى طريقه فى الصيف تجيبوها لينا؟
✯ أو تغيروا لينا الشتا الفينا
✯ عشان نستمتع بجيتها وبرودتها يا والينا؟
ﺳﻠﻚ ﻛﻬﺮﺑﺎ
✯✯ ﻧﻨﺴﺎﻙ ﻛﻴﻒ ﻭﺍﻟﻜﻠﺐ بقى ما بمرق الشارع..بردان ياخ؟!!
واللى لقاء
سلللللللللك

شارك الموضوع :

تعليقات الفيسبوك

تعليقات


3 التعليقات

      1. 1
        Adil

        فكر كروي بائس فقير شبيه بكورة الحواري والدافوري، هذا التخلف ينعكس في كلامك عن هزيمة منتخب الشباب وشيبوب لاعب، وعن هزيمة الموردة وشيبوب لاعب وعن وعن وعن…..الكورة لعبة جماعية يا هطلة يعني لو ميسي لاعب مع الموردة او مع منتخب الشباب برضو بينقليو، وذلك لان لا شيبوب ولا ميسي يمكن يغيروا في الحال طالما البقية راقدين سلطة ذي حالتك دي. يعني بفهمك ده مفروض تلعب تيوه وهي بتشبه رأسم المفلطح دا. انت مش نفس الهطلة القال قبل يومين كورة شيبوب عبرت، انشاء الله تعبر انت خارج الكتابة يا محامي الحرامي السرق الجدادة تفوووووووووووووووووو. نسيت حاجة اخيرة انت محامي وكمال الجزولي يكون شنو يا ربي؟

        الرد
      2. 2
        abdelrahim

        امشي صيدلية مزمل اخد لك حبوب شيبوب

        الرد
      3. 3
        shms

        الليلة شيبوب بقى كتير الاعطاب .. وليس فلته من فلتات زمانه ؟ ؟ ؟ الموز عفن

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *