منوعات

“ضاحي خلفان” يحظر مواطن سوداني بعد ان وجه له سؤال عن صحة اعتقال “شيخ الامين”


قال المواطن السوداني “محمد حميده” في مداخلة فيسبوكية (قبل يومين توجهت بسؤال عن اعتقال الشيخ “الأمين” لضاحي خلفان من خلال موقع “تويتر” فقام بحظري، فعلمت ان الموضوع جادي و فيهو اطراف حساسة).

ويشير محرر موقع النيلين بأن معالي الفريق ضاحي خلفان تميم يشغل حالياً منصب نائب رئيس الشرطة والأمن العام في دبي، وكان قائداُ عاماُ لشرطة دبي ما بين 1980 -2013 وقد إشتهر بتدوينات عديدة عبر موقع تويتر.

ومن ناحية أخري أوردت صحيفة اليوم التالي الصادرة يوم الخميس بالخرطوم الخبر التالي
(احتج أنصار الشيخ الأمين عمر لما يروج عن توقيفه والتحقيق معه في إحدى الدول الخليجية، مسيد الشيخ في أمدرمان إمتلأ بالحيران الذين أحيوا ليالي المولد الشريف، أنصار الشيخ في مواقع التواصل الإجتماعي رفعوا شعارات تمجد شيخهم، ووصفوه بالمناضل وكتبوا على صوره أحد شعارات الحزب الشيوعي ، لا السياط بتهز يقين.. لا سجون العتمة بتودر طريق الكادحين).

ومنذ تواتر أخبار متطابقة عن إعتقال الشيخ المثير للجدل بدولة الإمارات العربية المتحدة بتهم الدجل والإحتيال ظلت صفحات التواصل تهتم بأخبار الشيخ الأمين عمر الامين وتبحث عن الحقيقة.

بينما دشن العديد من النشطاء كاركتيرات ساخرة وتهكمية في ظاهرها التضامن معه، وأبدى العديد من النشطاء فرحتهم بإعتقال الشيخ المثير للجدل
وطالبوا دولة الإمارات بتوقيع أقصى العقوبات على شيخ الأمين,
شيخ الامين سخرية
ونقلاً عن محرر موقع النيلين قال أحد حيران الشيخ الأمين،(لا صحة للأخبار التي راجت بأنه معتقل بدولة الإمارت العربية المتحدة بتهم تتعلق بالإحتيال والدجل، الشيخ معتكف فى دولة الامارات وهو بخير وعافية) .

 

الخرطوم/معتصم السر/النيلين


‫17 تعليقات

  1. الحيران ينكروا حقيقة الاعتقال وفي نفس الوقت يهددوا في حالة عدم إطلاق سراحة

  2. …هههه…ناس احلامها بسيطة فعلا…نفترض انو اعتقلوا فعلا…وبعدين…شنو يعنى….
    …شوفوا ليكم شغلة اقضوها…

  3. دجال ولقي جزاءه
    ماسر اعتقاد هؤﻻئ الحيران فى الامين؟؟؟؟.

    1. أكلو ا العزومة وشربو المحاية وشمو البخور وأدو له البيعة فصارو والعياذ بالله من حيرآنه أى أنه أمتلكهم

  4. هم الخيران اقصد الحيران الحيرانين ديل ما يجروا السبحه ويجيبوا شيخهم طاير طيار تقع فوقكم انتوا والوهم بتاعكم يا وهم يا مغبيين يا غبيانين والله بحتكم دى ما ترمى حوش حبوبتى بتاع الغنم يا غنم ..انتوا وشيخكم ادوات سياسيه استغلاها الكيزان فى زمن تمرير سرقتهم وادوا الزلومه بتاعكم نصيبوا وانتوا تنططوا وتتحكحكوا فيهوا وتجيبوا ليهوا فى بناتكم ونسوانكم الزمن الكان الناس محتاجه لى شباب يطلعوا الشارع انتوا شيخكم مخدركم وجارى بيكم هواء يلا ما هى بقت ظاهره شيخكم باعتوا الحكومه عديل وما حا تشتغل بيهوا افهموها اذا عندكم مخ اساسا اطلعوا الشارع وطالبوا يرجعوهوا ليكم والله نحنا نقيف مع الكيزان ما نخلى فيكم نفاخ النار يا وهم…

  5. ياجماعة في النهاية شيخ الامين سودني ومن حقنا نقيف معاهو علي اساس انو سوداني فقط مش عشان مذهب او دين

  6. والله مرغتم انوف السودانيين في الطين عند العربان .. الله لايعطي عافيه لاشكال هؤلاء المشعوذين وكذا الجهال الماشين وراءه مثل البهم .. واين سلطات المطار ولماذا يسمحوا لمثل هذا المشعوذ مغادرة البلاد اصلاً ؟؟؟

  7. هو لو أصلوا شيخ تمام كان قرأ ليهم وما إعتقلوهو. دى شيخ عارض أزياء.

  8. السلام عليكم
    أخي AZIZ نقيف مع منو وفي شنو نقيف مع الحق ونقيف ضد الباطل حتي لو كان سانده مين ما كان ونقيف مع الاسلام الحق والسنة النبوية المطهرة الحقه وليس الدجل والشعوذه نقيف مع اي زول سوداني عنده حق وبيسعي لاخذه بالوسائل والطرق الصحيحة ومانقيف مع اي دجال ومشعوذ ياخذ الدين ستار وسلعة يبيع فيها

  9. الصوفية ديل ما قالوا شيوخهم بطيروا في الهواء وبدو الجنا … طيب شيخهم دا ما يطير ويتخارج من الإمارات…. عقيدتهم خربانة

  10. ربنا يكون في عونك لو الكلام ده صحيح – ويا اخوانا في النهاية هو سوداني ومسلم – وربنا يهدي الجميع