زواج سوداناس

ناشط سوداني يقترح للحكومة: صرحوا بإقامة مصانع الخمور وافتحوا البارات.. الدولار يصبح بجنيه ونص



شارك الموضوع :

أثار المجاهد السابق في صفوف حكومة الإنقاذ “نعمان حسين” جدلاً واسعاً بمقترحه لرفع قيمة الجنيه السوداني مقابل الدولار حيث كنب النعمان حسين
(الانقاذ التي عجزت عن كل شي الا القروض الربوية
عندي ليكم اقتراح
صرحوا بإقامة مصانع الخمور وافتحوا البارات وافرضوا عليها ضرائب ١٩٠٪
افضل وأخف ضرر من القروض الربوية الشغالين بيها ليل نهار دي
ياخي حتي عجز ميزان المدفوعات تاخذوا ليهو قرض ربوي !!!!
استعدوا لحرب من الله ورسوله
نرجع لي ترخيص العرقي
اتخيل تصدر ويسكي بلح
ويسكي بصل
ويسكي كركدي
حتي ويسكي بامية
وده بيدخل ليكم عملة صعبه وبيخلي ليكم الدولار بي جنيه ونص
فهمتوا يا تجار الدين).

وهذه نماذج لتعليقات أصدقاء نعمان حسين المؤيد السابق لحكومة الإنقاذ بحسب رصد محرر موقع النيلين.

Mohamd Dafa Allah
ضيف ليهم عرقي جوافة برضو كدة بكون عندنا منتجات كثيرة ممكن نستفيد منها

Mohammed Elawad Mustafa
ذنب اخفه من ذنب وكمان كان فتحو مراقص وديسكوهات يكونو كده زبطو الوضع

Mojahed Gesmalla
وفي نغس الوقت يا Numan Hussein لم يتوعد الله بائعي الخمور بحربٍ من الله ورسوله كما توعد اكلي الرباء.
يعنـي الموضوع واضح.
ومادام اكل حرام لاكل حرام.
احسن ياكلوا الذي اقل حرمة من الاخر.

حافظ مختار قنديل
إستغفر الله العظيم

الخرطوم/معتصم السر/النيلين

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        حسن السوداني

        لا حول و لا قوة إلا بالله العلي العظيم—
        نعوذ بالله من الفتن –ماظهر منها وما بطن—

        الرد
      2. 2
        يا لطيف عبدك ضعيف

        اعوذ بالله منكم و من افكاركم العيانه دي …انا شاب بصلي صلاواتي الخمسه لكن ما متدين شديد يمعقوله في زول يتمنى يفتحو في بلدو باارات و كلبس .. والله بس تكوون زول ما عندك اخلاق و لا عندك اخوات و لا عندك غيره على بنات بلدك … قرض ربوي حراام و بتعذبو بيو هم في قبورم نحنا نمشي اليارات و نسكر و نخش النار معااهم .. ليه كدا بس

        الرد
      3. 3
        ريفا

        ملعون وملعون أبوك يا كلب يا ضال ريا ساقط هذه نصيحتك لامة الاسلام ؟ لعنة الله عليك وعلى العلم الذى تعلمته وخسات وخسا أمثالك يا مشرد

        الرد
      4. 4
        ظلال

        يا داهر يا فاحش ياافاك
        قاتلك الله اينما كنت يا تربيه المريسه وبقايا المشك
        يامعفن
        تمني لنفسك شرب الخمر فهذا شانك ولكن ليس لك حق في ادخالها للبلاد يابن الكلب ياعفن ياتافه
        احيييييي حرم لو لقيتك قدامي اتكيك زي الخرف
        حرم ياباطل من الوريد للوريد ياساقل يامنحط

        الرد
      5. 5
        التقدم وثقافة السخافة

        بدون انفعال – اكيد سكران و لافيها

        الرد
      6. 6
        هباش

        البشرب الخمره بعمل اى حاجه ياوهم الله لابارك فيك انت اتعلمت وين وطينتك شنو
        البشرب الخمره بياكل الربا وبسرق وبزنى بى اختو وامو لانه بيكون زى البهيمه يا….

        الرد
      7. 7
        اخو العازة ...مهلب !

        يا جماعة الزول واضح إنو بتمسخر على الحكومة لأنو إنشق منها !

        الرد
      8. 8
        قرفان....

        خليكم من الانتقاد و الكلام الفارغ .. قبل الانقاز كنت موظف عادى شارب يومي و اتعشي أحسن عشاء لحوم و كوارع و بعربيتي
        و عبالي في المدارس مرتاحين لا مطلوب من بتاع البقالة و لا سيد اللحمة و بسافر كل سنة … لكن هسي في ظل الانقاز الحياة مطينة بطين ..الواحد يدخل البيت مدنقر و شائل علبة الزبادى و السلطه و دي الغداء و العشاء طعمية .. فكونا من شريعتكم دي و اقصد شريعة الانقاز شريعة النهب و الكزب و الضلال

        الرد
      9. 9
        الدهباية

        هم قالو مجاهد سااابق يعني كان مع ناس الانقاز وخلاااهم وعايز يعبر عن سوء وتردي الناس الكان معاهم ديل بس ظاهر انو خانو التعبير .. ما ينلام صراحة

        الرد
      10. 10
        aشافوه عرفوه خلزه

        هذا الحقير هو من المفسدين فى الارض ومن ناشروا الفساد فيها وهو ولى من اولياء الشيطان فقاتلوه كما امر به الله فى محكم تنزيله ان كنتم تؤمنون بالله ورسوله وكتابه

        بسم الله الرحمن الرحيم
        فقاتلوا اولياء الشيطان ان كيد الشيطان كان ضعيفا

        الرد
      11. 11
        faheem

        مين قال ليك محتلجين هم فى اخر نغنغة المواطن هو الذى يدفع الثمن

        الرد
      12. 12
        زرد يه

        مضحك جدا كراهيه السودانيين للخمر وسكوتهم وتصالحهم مع حاجات افظع واشنع مثل الكذب والغش والدجل واكل مال الناس والظلم بجميع صوره واتطهاد المره وعدم احترام الزمن و و الخ لكن اهم حاجه لازم يعرفوها السودانيين الجهله انو الخمر ليست محرمه وانما منهي عنها والتحريم ابدي والنهي موقت وظرفي .
        هسي ينط ليك واحد اهبل ويقول الاجتناب اكبر من التحريم وده معناه شرب الخمر اكبر من زنا المحارم واكل مال اليتيم.
        فوقو من الهلوسه والدروشه بلا يخمكم

        الرد
      13. 13
        جميل بثينة

        هههههههههههههههههاى شر البليه ما يضحك الله يجازى محنك يا نعمان حسين بعد كلامك
        كل السودانيين قالو بخافوا الله وسبحان الله انت قلت كلام الخمر وزول كوز قال بزبحك زى الخروف
        وناس تأكل اموال الشعب ولا شفنا زول زبح ولا بطيخ فساد وخمور وسرقة وهتك عرض وتنازل عن الارض

        الرد
      14. 14
        استرالي مغبون

        النعمان ده جيبو اجلدو أربعين سوط .
        اها وبعد داك الجماعة بتاعين الربا واكل المال العام حنعمل معاهم شنو؟

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *