زواج سوداناس

كلية المريخ



شارك الموضوع :

> درس هيثم مصطفى سنة في كلية المريخ أهلته لدبلوم التدريب
> لذا استعان به الهلال مدرباً عاماً
> سيدا خرج من بيته في ظروف صعيبه
> اسقطه اهله علي قارعة الطريق
> التقطناهو ونفضناهو ولمعناهو واعناهو
> وقلنا ده جادعنو ليه ما ياهو ده كويس
> ثم اعدناهو اليهم وفي نفسه مرارات التخلي وجور اهل القربى
> سيدا سيد تار
> وفي اقل من اسبوع اصبح في الهلال مصدراً للقرار
> والكرة في ملعب هيثم
> هل نسي ام كان يتناسى حتي تحين الفرصه؟
> في الحالتين حانت يا سيدا وهانت
> ومن يهن يهن الهوان عليه
> ولكن هل مات جرح سيدا؟
> وريهم يا سيدا
> وريهم الطفى النور منو
> فنورك لم تستمده من جنريتر احد
> ولكنك صنعته بنفسك
> اكيد حا يعرفوا الطفى النور هو سيد النور
> المهم
> اعدادنا بدا
> وحقو الناس تعرف ان هدفنا هو التقدم من حيث وقفنا
> اقل من الموسم الفات لن نقبل
> افريقياً ادهشنا الناس
> كل الناس
> ومحلياً شلنا الكاس والكاس وكاس الشهيد فتحي خليل
> يبقى السنه دي كل الكاسات جوه وبره
> ايها الناس
> لم يعجبني حديث الاخ صلاح حمزه عن الرواد
> انت منهم اخي صلاح
> فهل يكذب الرائد اهله!!!!
> ايها الناس
> المرحلة ليست مرحلة خلاف واختلاف بقدرما هي مرحله للائتلاف
> المريخ يحتاج لجميع ابنائه الآن
> المهم
> مجلسنا قابل الكثير من المشكلات
> ولكنه ادار الملفات بنجاح ان لم يكن مدهشاً
> فبنجاح كبير
> ملف الاحلال والابدال
> ملف اعادة القيد
> ملف سد الثغرات او بعضها
> ملف التدريب
> ملف المعسكر
> بعض ملفات المديونية
> ملف العضوية
> وها هو يفتح ملفات جديدة
> ملف صيانة الاستاد والنادي
> ملف الاستثمار بالذات على ارض الحتانة
> عرفتوا ليه بقول ليكم مفروض يمدوا لينا عمر المجلس ده؟
> ايها الناس
> ما وصلنا اليه من مستوى مدهش العام الماضي لم يأتِ صدفه
> كان نتاج جدية من المجلس
> من الجهاز الفني
> من اللاعبين
> من شفوت الاستاد
> يبقى لا للاستهتار اطلاقاً
> المهم
> موهبة شيبوب لبنت
> لكن ما بنديها الطير
> شيبوب في البلد دي الا يلعب كوتشينة
> اضر بنفسه ومستقبله
> ولم يخسر المريخ حاجة
> لبنت وتقعد في القندول كده كيتاً على الطير
> لو نقطعوا عنكوليب
> طيرة بتضوقو مافي
> ايها الناس
> نجاحات امير دامر تؤهله للانضمام للجهاز الفني
> فكروا في كلامي ده
> ايها الناس
> رحل عنا دقنو وسري
> تاريخ ناصع ومريخية صارخة
> الف رحمة تنزل عليهما
> وما قدماه للمريخ يبقى نقشاً جميلاً على جدران الذكرى
> المهم
> المشهد الأخير من فيلم الكاوبوي
> البطل جا راجع
> حا يفرتق ليك الخيانة
> خاين خاين
> خاينة خاينة
> وبعد داك يسلم نفسو للشريف ابو نجمة
> ايها الناس
> ان تنصروا الله ينصركم
> اها
نجي لي شمارات والي الخرتوم
> كان شفت يا والينا
> الحوار الوطني هامينا
> بس قول للناس البتحاوروا يا والينا
> يتحاوروا لينا
> ما يحاورونا ويبيضوها لينا
> لأننا كيشة يا والينا
> ياما بيضوها لينا
> وقول ليهم يا والينا
> نحن نؤمن بأنشودة الرائع الفنان المبدع لطفي بوشناق التي تقول
> انا حلمي بس كلمة واحدة.. ان يظل عندي وطن
> لا حروب لا خراب.. لا مصائب لا محن
> خدوا المناصب والمكاسب.. لكن خلولي الوطن
> يا وطن وانت حبيبي.. زانت عزي وتاج رأسي
> إنت يا فخر المواطن.. والمناضل والسياسي
> إنت أجمل وإنت أغلى.. وانت اعظم من الكراسي
> قول ليهم الكلام ده يا والينا
سلك كهربا
ننساك كيف والكلب لما يسمع وطن ووطنية ومواطن بقول الأسماء دي سامعها وين؟ سامعها وين؟ سامعها وين يا ربي؟!!
وإلى لقاء.
سلك

شارك الموضوع :

تعليقات الفيسبوك

تعليقات


3 التعليقات

      1. 1
        المك

        ياراجل حرام عليك كاسات شنو الشلتها قايل الناس عندها قنابير احترم نفسك بامانتك مع نفسك عشان تكون محترم عند الناس

        الرد
      2. 2
        كماشه

        يا أحمد بدير نسيت ملف توريد الدكوه.

        الرد
      3. 3
        ريفا

        بقصد كاس مانديلا وكأس دبى الذهبي وكأس الصداقة بالإمارات

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *