حافلة تدهس فتاة لحظة خروجها من مسرح النيل وأسرتها تعفو
لحظة خروج الفتاة نهلة عبد الحميد ابنة مدينة السروراب من حفل زواج احد أقاربها من مسرح النيل بامدرمان وبعد انتهاء الحفل وحينما حاولت عبور شارع الإسفلت دهستها حافلة كريز ونجت بأعجوبة من الموت المحقق عندها قامت شرطة مرور امدرمان وبمساعدة أهل الفتاة بنقلها إلي مستشفي امدرمان فيما تم فتح بلاغ في صاحب العربة وتم إيداعه بالحراسة وبعد إجراء الفحوصات الطبية من صور أشعة اتضح جليا إصابة الفتاة بجرح في الرأس وإصابات أخرى طفيفة . وقد تنازلت أسرة الفتاة عن البلاغ وتم العفو عن سائق العربة وإطلاق صراحة.. فيما تم حجز الفتاه بمستشفي امدرمان للتلقي العلاج ترافقها والدتها وابن خالتها الملازم أول شرطة راوية عثمان بشرطة الجوازات الخرطوم .
صحيفة الدار
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اكبر غلطة انكم عفيتوا عن السواق، لازم يتجلد ويتسجن عشان يكون عبرة لغيره من سائقي الحافلات المستهترين
لا تحكم على الناس من وجهة نظرك يا ود انغولا يمكن هى الغلطانة فى عبور الشارع ولعلمك الاشارة خضراء لمرور السيارات والناس بتقطع الشارع ويسبوا للسياق ليه ما يتوقف عشان الناس تعبر فهمت؟
الأولوية للمشاة…دا العلمونا ليهو في دولة الإمارات العربية المتحدة…على السائق تخفيف السرعة إلزامي عند الإشارة حتى يتأكد خلوها من المشاة حتى لو كانت خضراء..دم المسلم أغلى بطلو الجهل
أربكان. . ده العلمونا ليهو في الامارات؟ !!!! الله يكون في عونك يا سودان.
خلاص الضحيه و سايق الحافله الاتنين يمشو الامارات عشان يتعلمو فنون المشي و السواقه و ان شاء الله ما بيحصل الا خير يا rhmanahmed62 . نقول شنو عاد يا زول !!!
ومافي حاجه علموها ليك في السودان …. امك وابوك ما علموك من انتا صغير ما تقطع الشارع الا بعد مل تتلفت يمين وشمال ..والاشاره اذا خضراء للسيارات ما تقطع الشارع …