زواج سوداناس

ردود أفعال واسعة لخبر الزواج الضجة..رواد مواقع التواصل يرصدون كل صغيرة وكبيرة وشهود عيان من الحفل يفجرون مفاجأة عن قبيلة العروس



شارك الموضوع :

لم يكف رواد مواقع التواصل الاجتماعي عن الحديث حول الزواج شهدته العاصمة السودانية الخرطوم والذي وصف بالضجة.

الزواج الذي جمع بين مواطن من جنوب السودان وفتاة سودانية وقام بنشره موقع النيلين أصبح الشغل الشاغل لعدد من صفحات مواقع التواصل الاجتماعي التي ما زالت تنشر صور الفرح الذي مضي عليه نحو أسبوع.

وقد تابع موقع النيلين تعليقات زواره وخرج بمفاجأة فجرها بعض المعلقين علي الخبر وذكروا أنهم شهود عيان من داخل الفرح الأسطوري.

حيث أكد المعلقين أنه كان حضوراً ضمن المعازيم وذكر أن العروس ليست من قبيلة الدناقلة كما ذكر البعض وكتب: (كنت حضور
حقيقة زواج خرافي موكب العريس على سبيل المثال ضم 20 عربية لاندكروزر 2016
والعروس من اب سوداني وام جنوبية
وبغض النظر عن هويات العروسين
لكن نحن والجنوبيين مجتمعات فقيرة ومثل هذه الاشياء مرفوضة من الجميع وقد كان هذا شبه اتفاق من جميع الحضور سودانيين وجنوبيين

تهانينا للعروسين وبالرفاه والبنين).

ولكن المعلق الكترابة خالفه الرأي حيث كتب (قصة أمها جنوبية فيها شك … ماشالت من أمها لا لون ولا شعر ولا شكل … أمها جنوبية من وين ؟؟؟ الا من جنوب تونس).

أما المعلق الرقراق فقد كان له رأى آخر بسطوره التي كتبها (هذه دنقلاوية اباً عن جد ولكنهم سكنوا الخرطوم منذ الغزو المصري الانجليزي للسودان يعني لو سألتوها دنقلا وين تقول ليكم جم نيالا)

فيما أكد أبو خالد من تفسير حديثه أن مثل هذه الزيجات تدعوا للوحدة الوطنية وكتب(هذه هي الوحدة الجاذبة وسليفا لديه أخت متزوجة في دارفور ومنقو قول ما عاش من يفرقنا.

 

ياسين الشيخ _ الخرطوم

 

النيلين

 

 

 

شارك الموضوع :

تعليقات الفيسبوك

تعليقات


25 التعليقات

إنتقل إلى نموذج التعليقات

      1. 1
        المستوفي

        يا العريس ورينا الكجور دا عند يا تو شيخ , أن عندي واحدة مكسر فيها و ماعندي ليها طريقة بالدرب العديل . . .

        و الله دا شيخ بروف عديل كدا في الشغلانية دي ال خلا الدنقلاوية ترضابك . . .

        الرد
        1. 1.1
          قروشي شي شي

          الشيخ اسمه دولار ومحايته استرليني وحيرانه ريالات
          لو عندك اي شئ من ده ممكن تجيب راس مَس ينيفرس زاته لكن لو ما عندك حتى رفيده بس الكايسه عريس ما بترضى بيك
          القروش يا ولدي القروش القروش القصه كلها قروش

          الرد
      2. 2
        الضو اسماعيل

        الوصفة بقولها ليك انا بحكم انى جنوبى الاصل والهوى بوصيل بالصدق ثم الصدق ثم الصدق والاحترام لان السودانين فى الشمال عموما فقدو كل شئ جميل واى شئ حلو عشان كدا نحنا بقينا مرغوبين من كل القبائل فى الشمال الجريح من ابنائه الذين ظلو يبيعونه ومنذ ربع قرن من الزمان

        الرد
        1. 2.1
          مندوكورو مسيخ شديد

          يا اخي اختشي … و ما في داعي للاساءة .. عشان ما نضطر نرد ليك زي كدا ..

          بتقول الشماليين فقدوا أي شئ جميل و اتجهوا نحوكم !!
          هل سمعت ليك بشمالي طلب اللجوء في الجنوب ؟؟
          هل قمت بمعسكرات اللاجئين الجنوبيين الاجانب في النيل الأبيض أو الخرطوم !! كم يبلغ عددهم ؟؟
          ما هي اشيائكم الجميلة .. هل مصانع الخمور البلدية هي التي تمت ابادتها في معسكر (سودان جديد) جنوب الخرطوم قبل أيام !
          ماذا حدث في جوبا قبل سنتين من الآن !
          لن تجاوب … بس عشان (تامن) !!

          الرد
          1. البطل النميري

            السؤال المهم، هل هو مسلم أم لا ؟
            اذا كان مسلم ما في مشكلة طالما هي وأهلها ارتضوا به .
            ولو لم يكن مسلم فسيكون أغلف غير مطهر ..

            الرد
        2. 2.2
          جلابي

          بقين مرغوب ! خلاااااااص يا كاظم الساهر … قال بقيت مرغوب .. آااااااااال.

          دا انت راجل طيب شديد ….. يا عمك !!

          الرد
        3. 2.3
          ود مرزوق

          انتو مرغوبين فعلاً في الشمال لكن في قطع الذرة وحصاد السمسم وعمال بناء اما غير ذلك فلا تحلم، وحالة الزواج الحصلت دي زي الكسوف والخسوف ما بتتكرر الا نادر وليها دوافع لا نريد الخوض فيها

          الرد
      3. 3
        مرسي

        الفكة لعبت دور

        الرد
      4. 4
        ود ابا

        هسه لو كان العريس من الدول العربية كان مافي زول فتح خشمو مش مسلم لو ما مسلم إلا نقول ليك كوجورك قواااااايه

        الرد
      5. 5
        ماشي عديل

        لا فرق بين عربي وعجمي ألا بالتقوى … عريس وشيك ومالي مركزه ، عروس ما شاء الله وبارك … انطموا واسكتوا وخلوا البشر يعيشوا حياتهم.

        الرد
      6. 6
        منصور

        اهم شئ يكون عقد ليهم الطيب مصطفى

        الرد
      7. 7
        الواضح

        يا اخوان . التعليقات العنصرية مافي داعي ليها . دا انسان زيو زيكم ويمكن احسن من كتيرين . وانا احيي هذه البنت التي هزمت الافكار العقيمة وكانت جريئة لترتبط بمن تختار بغض النظر عن جنسه ولونه . الناس مستكترنها عليهو يقول ليك امها جنوبية . وان لم تكن كذلك ما كان مفروض تختارو يعني ؟؟؟؟؟؟

        الرد
        1. 7.1
          ابو خالد الدمام

          يا الواضح قالوا الدكتور عوض دكام كان متزوج من مصرية ونوباوية قريبته بعد جا ولد اخته قال ليه يا خال داير اتزوج بنتك قال ليه يا تا الولد قال ليه بنت المصرية عوض دكام قال ليه ياااااااااااااااااااااااااخي بالغت انا انظف انظف انظف وانت جاي تاني ترجعنا …جاي تقول لينا يا الواضح البت دي هزمت الافكار العقيمة … هذه ليست افكار هذه موروثات ويجب ان نعض عليها بالنواجز .. ابي من ابى ورضي من رضي ,,ولكم العتبى حتى ترضوا

          قال رسول الله صلى الله عليه وسلم تخيروا لنطفكم فان العرق دساس …

          الرد
          1. هريسه وهردبيسه

            رحمة الله علي الدكتور عوض دكام … اولا هو متزوج سودانية من مدني وليست مصريه ثانيا عندما جاء ولد اخته لخطبة ابنته قال هذا الكلام من باب الهظار (مزح ) فقد كان الرجل بشوشا حاضر النكته خالي من العقد .
            ثالثا ..المقصود من حديث رسولنا الكريم أن يطلب الإنسان أصحاب الدين فلا يزوج بناته إلا منهم، وكذلك فلا يتزوج إلا منهنَّ، وكذلك هو لا يتزوج إلا صاحبات الدين، ويختار من الناس أصحاب الدين والمروءة لمصاهرتهم.

            الرد
      8. 8
        صلاح

        فقعتوووووو مرارتنا وكرهتونا حياتنا بهذه الاخبار والصور الهايفة ، خلاص يعني مشاكل السودان اتحلت كلها عشان كل مره تجيبو لينا فلان عرس وفلانه خطبوها واولاد ندي القلعه وووووو ن الله يصلح الحال

        الرد
      9. 9
        جميل بثينة

        الشعب السودانى عنصرى حتى النخاع

        الرد
      10. 10
        Ali

        بسم الله الرحمن الرحيم
        قال تعالى ( يأيها الناس انا خلقناكم من ذكر وأنثى وجعلناكم شعوبا وقبائل لتعارفوا ان أكرمكم ان عند الله اتقاكم )
        ويقول صلى الله عليه وسلم : ان جاءكم من ترضون خلقه ودينه فزوجوه )
        للأسف نحن لدينا عنصرية غريبة وهذه مشكلة السودان في الأساس والتي بسببها يتمزق السودان .
        التمازج مطلوب . وذلك حسب الشرع ورضى الطرفين ز

        الرد
      11. 11
        خلوها مستوره

        الله يهنيهم ويكافيهم شر خلقو

        الرد
      12. 12
        صالح احمد صالح

        اجد المقرببن اكد ان ابو العروس متجنس سودانى من اصل تركى وا مها من جنوب السودان وهى اخت ام العريس وهذا واضح من الحضور اذ ان الغالبيه من جنوب السودان اما حكاية اللون دى فالميك اب قادر على كل شى الا الركب والمرافق والتى لا يتم اظهارها

        الرد
      13. 13
        اشرف سيد احمد

        لا يمكن ان تسبح عكس التيار ولو كنت فى الاتجاه الصحيح

        الرد
      14. 14
        طارق منعم

        الف مبروك للعروسين وربنا يسعدم ويكافيهم شر خلقو ياناس سيبو الناس في حاله والله السودان لو الشمالين كان من زمان اتخلو من اهلنا في الجنوب ماكان حصل الحصل وضيعنا بلدنا بالعنصريه الحمقاء نحنا نشجع مثل هذه الزيجات والله نحنا شعب طيب ومتسامح بس لو خلينا هذه العنصريه القبيحه والله سودانا ليقف في سكته الكيزان ولا غيرم سودانا نحن الزين نقف امام تقدمه بمثل هذه العنصريه وبعدين في حاجه مهمه اقوله ليكم والله نحنا العرب ديل واقسم بالله واهمين نفسنا بالقصه بتاعت العروبه دي ساكت والله العرب الفي الخليج وغيرو مامقتنعين والله احسن لينا نفتخر بي سودانيتنا دي اشرف لينا من اي عروبه والحمد لله نحنا شعب عندو ثقافه وتاريخ وحضاره يعني مامحتاجين انو ننسب حضارتنا الي اي جهه اخري او نفتخر بي اي جهه اخري والله انتمانا الي هذا الوطن هو اكبر شرف وخليكم سودانين وانبذو العنصريه ونحنا والله بنعول علي ابناء الشعب السوداني الاتعلمو نفسي والله يساهمو في موضوع نبذ العنصريه القبيحه لانهم هم الطبقه المستنيره والناس بتعول عليهم

        الرد
        1. 14.1
          زول نصيحة

          كلامك صاح اخ طارق اتمني انسحاب السودان من الجامعة العربية نحن سودانيين وبس بلا عرب بلا بطيخ والعنصرية هي من اسباب فصل الجنوب

          الرد
      15. 15
        aشافوه عرفوه خلزه

        يا اخوانى العروس واهل العروس جيراننا وانا اعرفهم جيدا جيراننا منذ عقود ويسكنون فى بيتهم ملك ونحن نسكن فى بيتنا ماك
        العروس واهلها ميسورو الحال ولا حسد وهم دناقلة وفى الحقيقة منطقة المحس
        لا خلاف للدناقلة والمحس والحلفاويين فى الزواج من القبائل الاخرى مادام العريس مسلم وعبد الباقى اخونا فى ويتميز بالاحترام والخلق الرفيعة وحب الناس وحب الخير للناس
        اخلاصة العروس محسية مسلمة من ابويى محسيين مسلمين
        فلا تشغلوا انفسكم بما يقال

        الرد
      16. 16
        امواج

        طيب القلب مسامح لا احب الكذب والاستكبار خايف ربي سبحانة واقعي محترم احب الحوار.

        الرد
      17. 17
        امواج

        بسم الله الرحمن الرحيم.افتخر كل الفخر ان اجد الزوله المناسبة لي في هذا الموقع الشرعي الذى يقضي حوايج الطرفين في الزواج بسنة الله ورسوله الكريم وربنا يسدد خطاكم لما فيه الخير.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *