بابكر سلك

ﻣﺎﺑﻴﻦ ﺍﻻﺳﺘﻘﻼﻝ ﻭﺍﻻﺳﺘﻐﻼﻝ ﻟﻴﺴﺖ ﻧﻘﻄﻪ


*ﺍﻟﻴﻮﻡ ﻧﺤﺘﻔﻞ ﺑﺎﺳﺘﻘﻼﻟﻨﺎ
*ﺍﻟﺴﻨﻪ ﻓﻴﻬﺎ ﺗﻠﺘﻤﻴﻪ ﺧﻤﺴﻪ ﻭﺳﺘﻴﻦ ﻳﻮﻡ
*ﻭﻣﺮﺍﺕ ﺳﺘﻪ ﻭﺳﺘﻴﻦ
*ﻣﺎﻛﺘﻴﺮ ﻋﻠﻲ ﺍﻟﻮﻃﻦ ﺗﺨﺼﻴﺺ ﻳﻮﻡ
ﻟﻼﺣﺘﻔﺎﻝ ﺑﻪ
*ﺍﻟﻴﻮﻡ ﻧﺮﻓﻊ ﺭﺍﻳﺔ ﺍﺳﺘﻘﻼﻟﻨﺎ
*ﻭﻧﺠﺪﺩ ﻛﻌﻬﺪﻧﺎ ﺍﻻﻣﻨﻴﺎﺕ ﻭﺍﻟﻤﻨﻲ
*ﻟﻨﻌﻴﺪ ﻧﻔﺲ ﺍﻻﻣﻨﻴﺎﺕ ﻓﻲ ﺍﻟﻌﻴﺪ ﺍﻟﻘﺎﺩﻡ
ﻭﻧﻔﺲ ﺍﻟﻤﻨﻲ
*ﻟﻴﻪ ﻣﺎ ﺑﺘﺘﺠﺪﺩ ﺍﻣﺎﻧﻴﻨﺎ ﻭﺍﻣﻨﻴﺎﺗﻨﺎ ؟؟؟
*ﻻﻥ ﺍﻻﻣﻨﻴﺎﺕ ﺍﻟﺘﻲ ﻧﺘﻤﻨﺎﻫﺎ ﻻ ﺗﺘﺤﻘﻖ
*ﻭﻟﻴﻪ ﻻ ﺗﺘﺤﻘﻖ ؟؟؟
*ﻻﻧﻨﺎ ﻟﻢ ﻧﻌﻤﻞ ﻟﺘﺤﻘﻴﻘﻬﺎ
*ﺑﻞ ﻋﻠﻘﻨﺎ ﻋﻠﻲ ﺷﻤﺎﻋﺔ ﺍﻻﻣﻜﺎﻧﺎﺕ ﻛﻞ
ﻋﻴﻮﺑﻨﺎ
*ﻭﻣﻜﺜﻨﺎ ﻧﻨﺘﻈﺮ ﺍﻟﻌﻴﺪ ﻟﻨﻜﺮﺭ ﻧﻔﺲ
ﺍﻻﻣﻨﻴﺎﺕ ﻭﻧﻔﺲ ﺍﻟﻤﻨﻲ
*ﻭﻃﻨﻨﺎ ﻓﻘﻴﺮ ﻻﻧﻨﺎ ﻻ ﻧﻌﻤﻞ
*ﻓﻠﻮ ﺍﺣﺘﻔﻠﻨﺎ ﺑﺎﺳﺘﻘﻼﻟﻨﺎ ﺑﻌﺪ ﺍﻥ ﻧﺤﺘﻔﻞ
ﺑﺎﺳﺘﻐﻼﻟﻨﺎ ﻟﻤﻮﺍﺭﺩ ﺍﻟﻮﻃﻦ
*ﺑﺸﺮﻁ ﻣﻮﺍﺭﺩ ﺍﻟﻮﻃﻦ ﻟﻤﺼﻠﺤﺔ
ﺍﻟﻤﻮﺍﻃﻦ
*ﻣﺎﻛﺎﻥ ﻭﻃﻨﻨﺎ ﺑﻘﻲ ﺍﻟﻌﻤﺮ ﻛﻠﻮ ﻓﻘﻴﺮ
*ﺗﺤﻀﺮﻧﻲ ﺍﺑﻴﺎﺕ ﺍﻛﺮﻡ ﺯﻛﻲ ﺗﻮﺃﻡ ﺍﻟﺮﻭﺡ
ﻋﻨﺪﻣﺎ ﻗﺎﻝ
*ﺣﻜﺎﻳﺔ ﺍﻟﻈﺮﻭﻑ ﺍﻟﻄﻮﻳﻠﻪ ***ﻭﻗﻔﻠﺔ
ﺍﻟﺪﺭﻭﺏ ﺍﻟﻌﺪﻳﻠﻪ
*ﺣﺎﻧﺒﺪﺃ ﻣﻦ ﻧﻔﺴﻮﻧﺎ ﻭﻧﺰﻳﻠﻬﺎ ﻭﻣﺎﺑﻨﻌﻴﺪﻫﺎ
*ﻭﻟﻮ ﻭﻗﻒ ﺯﻣﺎﻧﻨﺎ ﻓﻲ ﻃﺮﻳﻘﻨﺎ
***ﻭﺿﺎﻗﺖ ﺍﻟﻤﺴﺎﻟﻚ ﻋﻠﻴﻨﺎ
*ﻧﺤﻨﺎ ﺭﺍﺡ ﻧﻮﺍﺻﻞ ﻭﻧﻤﺸﻲ ***ﻟﻮ ﺷﻘﻴﻨﺎ
*ﻧﺤﻨﺎ ﻟﻮ ﻗﺮﺭﻧﺎ ﺍﻧﻮ ﻧﺒﺪﺃ ﺣﻨﻌﻤﻞ
*ﻭﻟﻮ ﻗﺪﺭﻧﺎ ﻧﺘﻤﺴﻚ ﺑﻤﺒﺪﺃ ﺣﻨﻮﺻﻞ
*ﻻ ﻧﻜﺴﻞ ﻻﻧﻘﻨﻊ ﻭﻧﺘﺤﻮﻝ
*ﻭﻻ ﻧﺘﺮﺍﺟﻊ ﺍﻭ ﻧﺮﺟﻊ ﻧﻘﻮﻝ
*ﺣﻜﺎﻳﺔ ﺍﻟﻈﺮﻭﻑ ﺍﻟﻄﻮﻳﻠﻪ
*ﻭﺍﻟﻮﺍﻗﻊ ﺍﻟﺒﻴﻀﺤﻚ ﻋﻠﻴﻨﺎ
*ﺑﻨﺮﻓﺾ ﺍﻧﻮ ﻳﺮﺳﻢ ﺧﻄﺎﻧﺎ
*ﻭﻧﺮﻓﺾ ﺍﻧﻮ ﻳﺴﺘﻌﻤﺮ ﻛﻴﺎﻧﺎ
*ﺣﺎﻧﺒﺪﺃ
*ﻭﻧﻤﺸﻲ
*ﻭﻧﻤﺴﺢ
*ﺣﻜﺎﻳﺔ ﺍﻟﻈﺮﻭﻑ ﺍﻟﻄﻮﻳﻠﻪ
*ﺑﺪﺭﻱ ﺍﻟﻜﻼﻡ ﺩﻩ ﻓﻲ ﺍﻟﺘﻤﻨﻴﻨﺎﺕ
*ﺍﻳﻬﺎ ﺍﻟﻨﺎﺱ
*ﺷﻤﺎﻋﺔ ﺍﻻﻣﻜﺎﻧﺎﺕ ﻟﻴﺴﺖ ﻣﺒﺮﺭﺍ ﻟﺤﻴﺎﺓ
ﻳﻌﻴﺸﻬﺎ ﻭﻃﻦ ﺍﺳﺘﻘﻞ ﻣﻨﺬ ﺳﺘﻴﻦ ﺳﻨﻪ
*ﻭﺍﻗﻮﻝ ﺳﻨﻪ ﻭﻻ ﺍﻗﻮﻝ ﻋﺎﻡ
*ﻓﺎﻟﻔﺮﻕ ﺑﻴﻦ ﺍﻟﺴﻨﻪ ﻭﺍﻟﻌﺎﻡ ﻭﺍﺿﺢ
*ﺍﺗﺬﻛﺮ ﻧﻜﺘﻪ ﻗﺪﻳﻤﻪ
*ﻗﺎﻟﻮﺍ ﻓﻲ ﻭﺍﺣﺪ ﺍﺳﻤﻮ ﺟﺒﺎﺭﻩ ﺟﺎﺑﺮ
*ﺟﺒﺎﺭﻩ ﺩﻩ ﻇﺮﻭﻓﻮ ﺗﺒﻜﻲ ﺍﻟﺸﻴﻄﺎﻥ
*ﻣﺤﻞ ﻣﺎ ﻗﺒﻞ ﻣﺎ ﻗﺪﺭ ﻳﻐﻴﺮﻫﺎ
*ﻭﺷﻐﻞ ﻣﺎﻓﻲ
*ﻗﺪﻡ ﻟﻠﻨﻔﺎﻳﺎﺕ ﻗﺎﻟﻮﺍ ﻟﻴﻬﻮ ﺩﺍﻳﺮﻳﻦ ﺧﺒﺮﻩ
*ﺣﺎﻟﺘﻮ ﺻﻌﺒﻪ ﺷﺪﻳﺪ
*ﺍﻟﻤﻬﻢ
*ﺑﻌﺪ ﻗﻨﻊ ﻣﻦ ﺧﻴﺮﺍ ﻓﻴﻬﺎ ﻭﻓﻴﻨﺎ
*ﺑﻘﻲ ﻳﺠﻲ ﻛﻠﻮ ﻳﻮﻡ ﻳﻘﻌﺪ ﻓﻲ ﺍﻟﺤﺪﺍﺋﻖ
ﺍﻟﻘﺪﺍﻡ ﺍﻟﻬﻴﻠﺘﻮﻥ ﻭﻳﺴﺮﺡ
*ﻓﻲ ﺧﻮﺍﺟﻪ ﺳﻮﻳﺪﻱ ﻛﺎﻥ ﻧﺎﺯﻝ ﻓﻲ
ﺍﻟﻬﻴﻠﺘﻮﻥ
*ﻻﺣﻆ ﺗﻮﺍﺟﺪ ﺟﺒﺎﺭﻩ ﺍﻟﻴﻮﻣﻲ ﺑﺪﻭﻥ
ﺍﻧﻘﻄﺎﻉ ﻭﺑﺪﻭﻥ ﻋﻤﻞ
*ﻗﺎﻡ ﺻﺎﺣﺐ ﺟﺒﺎﺭﻩ
*ﻭﺳﺎﻝ ﺟﺒﺎﺭﻩ ﻋﻦ ﺍﺣﻮﺍﻟﻮ
*ﺟﺒﺎﺭﻩ ﻣﺎﺧﺠﻞ
*ﻓﺘﻪ ﻟﻴﻬﻮ ﺍﻱ ﺷﺊ
*ﺟﺒﺎﺭﻩ ﺧﺸﻤﻮ ﺧﻔﻴﻒ
*ﺍﺗﺤﻠﻞ ﻣﻦ ﻛﻞ ﺍﻻﺳﺒﺎﺏ ﺍﻟﻜﺎﺗﻤﻪ ﻧﻔﺴﻮ
*ﻻﺧﻠﻲ ﺍﺧﺘﻼﺱ ﻣﺎﻝ ﻋﺎﻡ
*ﻭﻻ ﺧﻠﻲ ﺍﻧﻌﺪﺍﻡ ﻣﺴﺎﻭﺍﻩ ﺍﻣﺎﻡ ﺍﻟﻮﻇﻴﻔﻪ
ﺍﻟﻌﺎﻣﻪ
*ﻭﻻ ﺧﻠﻲ ﺻﻔﻘﺔ ﺍﻟﺒﺮﻟﻤﺎﻥ ﻟﺮﻓﻊ ﺍﻻﺳﻌﺎﺭ
*ﻣﺎﺧﻠﻲ ﺷﺊ
*ﺣﺘﻲ ﺍﻧﻬﻴﺎﺭ ﺍﻟﺠﻨﻴﻪ ﺍﻣﺎﻡ ﺍﻟﺪﻭﻻﺭ ﻗﺎﻟﻮ
ﻟﻴﻬﻮ
*ﺑﺪﺭﻱ ﺍﻟﻜﻼﻡ ﺩﻩ
*ﺯﻣﻦ ﻧﻤﻴﺮﻱ
*ﺍﻟﻤﻬﻢ
*ﺍﻟﺨﻮﺍﺟﻪ ﻗﺎﻝ ﻟﻴﻬﻮ ﺑﺴﻮﻗﻚ ﺍﻟﺴﻮﻳﺪ
*ﺑﺪﺭﻱ ﺍﻟﻜﻼﻡ ﺩﻩ
*ﺯﻣﻦ ﻧﻤﻴﺮﻱ
*ﺍﻟﻤﻬﻢ ﺳﺎﻗﻮ ﺍﻟﺴﻮﻳﺪ
*ﺟﺒﺎﺭﻩ ﻓﻲ ﺍﻟﺴﻮﻳﺪ ﺻﺤﺎ ﺑﺪﺭﻱ
*ﻟﻘﻲ ﻟﻴﻬﻮ ﺣﺪﻳﻘﻪ ﺟﻤﻴﻠﻪ ﻣﺸﻲ ﻗﻌﺪ ﻓﻴﻬﺎ
*ﺍﻟﺨﻮﺍﺟﻪ ﻟﻤﺎ ﺻﺤﺎ ﻟﻘﻲ ﺟﺒﺎﺭﻩ ﻣﺎﻓﻲ
*ﻓﺘﺢ ﺍﻟﺸﺒﺎﻙ ﻟﻘﻲ ﺟﺒﺎﺭﻩ ﻗﺎﻋﺪ ﻭﺳﻂ
ﺍﻟﺰﻫﻮﺭ
*ﺟﺎﻫﻮ ﺑﺮﻩ
*ﺟﺒﺎﺭﻩ ﻗﺎﻝ ﻟﻠﺨﻮﺍﺟﻪ ﺍﻟﺤﺪﻳﻘﻪ ﺩﻱ
ﺟﻤﻴﻠﻪ ﺷﺪﻳﺪ
*ﺍﻟﺨﻮﺍﺟﻪ ﻗﺎﻝ ﻟﻴﻬﻮ ﺩﻱ ﻣﺎ ﺣﺪﻳﻘﻪ
*ﺩﻱ ﺍﻟﻤﻘﺎﺑﺮ
*ﺟﺒﺎﺭﻩ ﺍﻧﺪﻫﺶ ﻣﻦ ﺍﻟﻮﺭﻭﺩ ﻭﺍﻟﺰﻫﻮﺭ
ﺍﻟﻔﻲ ﺍﻟﻤﻘﺎﺑﺮ
*ﻗﺎﻡ ﻻﺣﻆ ﻓﻲ ﺍﻟﺸﻮﺍﻫﺪ ﺑﺘﺎﻋﺖ ﺍﻟﻘﺒﻮﺭ
ﺑﻜﻮﻥ ﻣﻜﺘﻮﺏ
*ﺟﻮﻥ ﻭﻭﻟﻒ
*ﻭﻟﺪ ﺳﻨﺔ ﺍﻟﻒ ﻭﺗﺴﻌﻤﺎﺋﻪ ﻭﺳﺘﻪ ﻭﺗﻮﻓﻲ
ﺳﻨﺔ ﺍﻟﻒ ﻭﺗﺴﻌﻤﺎﺋﻪ ﻭﺳﺘﻴﻦ
*ﻋﺎﺵ ﺍﺭﺑﻌﻄﺎﺷﺮ ﺳﻨﻪ
*ﻓﻲ ﺷﺎﻫﺪ ﺗﺎﻧﻲ
*ﺗﻴﻨﺎ ﺟﺎﺭﻟﺲ
*ﻣﻮﻟﻮﺩﻩ ﺳﻨﺔ ﺍﻟﻒ ﻭﺗﺴﻌﻤﺎﺋﻪ ﻭﺳﺒﻌﻪ
ﻭﺳﺒﻌﻴﻦ
*ﻣﺎﺗﺖ ﻓﻲ ﺍﻟﻒ ﻭﺗﺴﻌﻤﺎﺋﺔ ﺳﺒﻌﻪ
ﻭﺗﺴﻌﻴﻦ
*ﻋﺎﺷﺖ ﺣﺪﺍﺷﺮ ﺳﻨﻪ
*ﺟﺒﺎﺭﻩ ﻗﺎﻝ ﻟﻠﺨﻮﺍﺟﻪ ﻧﺤﻨﺎ ﻛﺮﻋﻴﻨﺎ
ﺍﻟﺸﻴﻨﺎﺕ ﺩﻳﻞ ﻋﺎﺭﻓﻴﻦ ﺭﻭﺣﻨﺎ ﻗﺎﺩﻳﻦ
ﻋﺮﺑﻲ
*ﺍﻧﺘﻮ ﺑﻲ ﺳﻤﺎﺣﺘﻜﻢ ﺩﻱ ﻛﻠﻬﺎ ﻗﺎﺩﻳﻦ
ﺭﻳﺎﺿﻴﺎﺕ ؟؟؟
*ﺯﻭﻝ ﻣﻮﻟﻮﺩ ﺳﻨﻪ ﺳﺘﻪ ﻭﻣﺎﺕ ﺳﻨﺔ ﺳﺘﻴﻦ
*ﺗﻘﻮﻟﻮﺍ ﻋﺎﺵ ﺍﺭﺑﻌﻄﺎﺷﺮ ﺳﻨﻪ ؟؟؟
*ﺯﻭﻟﻪ ﻣﻮﻟﻮﺩﻩ ﺳﻨﻪ ﺳﺒﻌﻪ ﻭﺳﺒﻌﻴﻦ
ﻣﺎﺗﺖ ﺳﻨﺔ ﺳﺒﻌﻪ ﻭﺗﺴﻌﻴﻦ ﺗﻘﻮﻟﻮﺍ ﻋﺎﺷﺖ
ﺣﺪﺍﺷﺮ ﺳﻨﻪ ؟؟؟
*ﺍﻟﺨﻮﺍﺟﻪ ﺿﺤﻚ ﻭﻗﺎﻝ ﻟﻲ ﺟﺒﺎﺭﻩ
*ﺗﻌﺮﻑ ﻳﺎ ﺟﺒﺎﺭﻩ ﻧﺤﻨﺎ ﻫﻨﺎ ﻣﺎ ﺑﻨﻜﺘﺐ ﻓﻲ
ﺍﻟﺸﺎﻫﺪ ﺍﻻ ﺍﻟﺴﻨﻴﻦ ﺍﻟﺤﻠﻮﻩ ﺍﻟﻌﺎﺷﻬﺎ
ﺍﻟﺰﻭﻝ
*ﺟﺒﺎﺭﻩ ﺩﻧﻘﺮ ﻭﺻﻨﻘﻊ ﻭﻗﺎﻝ ﻟﻠﺨﻮﺍﺟﻪ
*ﺍﻟﻮﺻﻴﻪ ﻓﻲ ﺍﻟﺬﻣﻪ ﻳﺎ ﺧﻮﺍﺟﻪ
*ﺍﻧﺎ ﻟﻮ ﻣﺖ ﻫﻨﺎ ﺍﻛﺘﺒﻮﺍ ﻋﻠﻲ ﻗﺒﺮﻱ
*ﺟﺒﺎﺭﻩ ﺟﺎﺑﺮ ﻣﻦ ﺑﻄﻦ ﺍﻣﻮ ﻟﻠﻤﻘﺎﺑﺮ
*ﻋﺮﻓﺘﻮﺍ ﻟﻴﻪ ﻗﻠﺖ ﺍﺳﺘﻘﻼﻟﻨﺎ ﻟﻴﻬﻮ ﺳﺘﻴﻦ
ﺳﻨﻪ ﻣﺎ ﺳﺘﻴﻦ ﻋﺎﻡ ؟؟؟؟
*ﺍﻳﻬﺎ ﺍﻟﻨﺎﺱ
*ﻣﺎﺩﺍﻳﺮﻳﻦ ﻭﻃﻦ ﻣﻦ ﺑﻄﻦ ﺍﻣﻮ ﻟﻠﻤﻘﺎﺑﺮ
*ﺩﺍﻳﺮﻳﻦ ﻭﻃﻦ ﻳﻌﻴﺶ ﺍﻟﻌﻤﺮ ﻛﻠﻮ ﺳﻌﺎﺩﺓ
ﻭﺭﻓﺎﻫﻴﻪ ﻭﻣﺘﻌﻪ ﻭﺗﻄﻮﺭ
*ﺩﺍﻳﺮﻳﻦ ﻧﺠﺪﺩ ﺍﻣﻨﻴﺎﺗﻨﺎ ﻣﻊ ﻛﻠﻮ ﻋﻴﺪ ﺟﺪﻳﺪ
*ﻣﺎﺩﺍﻳﺮﻳﻦ ﻧﻌﻴﺪ ﻧﻔﺲ ﺍﻻﻣﻨﻴﺎﺕ ﺳﻨﻮﻳﺎ
*ﺩﺍﻳﺮﻳﻦ ﻧﻐﻨﻲ
*ﺍﻧﺎ ﻋﻨﺪﻱ ﺑﺲ ﻛﻠﻤﻪ ****ﺍﻥ ﻳﻀﻞ
ﻋﻨﺪﻱ ﻭﻃﻦ
*ﻻﺣﺮﻭﺏ ﻻ ﺧﺮﺍﺏ ****ﻻﻣﺼﺎﺋﺐ ﻻ
ﻣﺤﻦ
*ﺧﺪﻭﺍ ﺍﻟﻤﻨﺎﺻﺐ ﻭﺍﻟﻤﻜﺎﺳﺐ ***ﻟﻜﻦ
ﺧﻠﻮﻟﻲ ﺍﻟﻮﻃﻦ
*ﻳﺎ ﻭﻃﻦ ﻭﺍﻧﺖ ﺣﺒﻴﺒﻲ ****ﺍﻧﺖ ﻋﺰﻱ
ﻭﺗﺎﺝ ﺭﺍﺳﻲ
*ﺍﻧﺖ ﻳﺎ ﻓﺨﺮ ﺍﻟﻤﻮﺍﻃﻦ ***ﻭﺍﻟﻤﻨﺎﺿﻞ
ﻭﺍﻟﺴﻴﺎﺳﻲ
*ﺍﻧﺖ ﺍﻋﻈﻢ ﻭﺍﻧﺖ ﺍﺟﻤﻞ ***ﺍﻧﺖ ﺍﻋﻈﻢ
ﻣﻦ ﺍﻟﻜﺮﺍﺳﻲ
*ﺍﻳﻬﺎ ﺍﻟﻨﺎﺱ
*ﻣﺎﺑﻴﻦ ﺍﻻﺳﺘﻘﻼﻝ ﻭﺍﻻﺳﺘﻐﻼﻝ ﻟﻴﺴﺖ
ﻧﻘﻄﻪ
*ﺍﻻﺳﺘﻘﻼﻝ ﺷﺮﻑ
*ﻭﺍﻻﺳﺘﻐﻼﻝ ﻳﻤﻜﻦ ﺍﻥ ﻳﻜﻮﻥ ﺭﺍﺋﻌﺎ
ﻣﺪﻫﺸﺎ
*ﻭﻳﻤﻜﻦ ﺍﻥ ﻳﻜﻮﻥ ﻣﻤﻴﺘﺎ
*ﺭﺍﺋﻊ ﻋﻨﺪﻣﺎ ﻧﺴﺘﻐﻞ ﺍﻣﻜﺎﻧﺎﺕ ﺍﻟﻮﻃﻦ
ﻭﻣﻬﺎﺭﺍﺕ ﺍﻟﻤﻮﺍﻃﻦ ﻭﻧﻮﻇﻔﻬﺎ ﻟﻠﺼﺎﻟﺢ
ﺍﻟﻌﺎﻡ
*ﻭﻣﻤﻴﺘﺎ ﻋﻨﺪﻣﺎ ﻧﺴﺘﻐﻞ ﺍﻟﻮﻃﻦ
ﻭﺍﻟﻤﻮﺍﻃﻦ ﻻ ﻟﺼﺎﻟﺢ ﺍﻟﻮﻃﻦ ﻭﻻ
ﺍﻟﻤﻮﺍﻃﻦ
*ﺍﻳﻬﺎ ﺍﻟﻨﺎﺱ
*ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
*ﺍﻫﺎ
*ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
*ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
*ﺍﺣﺘﻔﺎﻝ ﺍﻻﺳﺘﻘﻼﻝ ﺑﺎﻟﻨﺴﺒﻪ ﻟﻴﻨﺎ
*ﻣﺎﻋﻠﻢ ﻋﻠﻲ ﺳﻴﺎﺭﺍﺗﻨﺎ ﻧﺮﻓﻌﻮﺍ ﻳﺎ ﻭﺍﻟﻴﻨﺎ
*ﻭﻻ ﺍﺟﺎﺯﻩ ﻣﻦ ﻃﻮﻝ ﻋﻤﻞ ﻳﻮﻣﺎﺗﻲ
ﺑﻀﻨﻴﻨﺎ
*ﻭﻻ ﻧﻘﻌﺪ ﻧﺮﺩﺩ ﻛﻞ ﺍﻧﺎﺷﻴﺪﻧﺎ ﺍﻟﻘﺪﻳﻤﻪ
ﻭﺍﻏﺎﻧﻴﻨﺎ
*ﻭﻟﻜﻨﻪ ﻳﺎ ﻭﺍﻟﻴﻨﺎ
*ﻭﻗﻔﻪ ﻣﻊ ﺍﻟﻨﻔﺲ ﻋﻠﻬﺎ ﺗﺼﺤﻲ ﺍﻟﻀﻤﻴﺮ
ﻓﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﻧﺤﻨﺎ ﻣﺤﺘﻔﻠﻴﻦ ﻭﺍﻟﻜﻠﺐ
ﺑﺘﻔﺮﺝ ﻓﻴﻨﺎ ﻻﻫﺰ ﺿﻨﺒﻮ ﻣﺮﺣﺐ ﺑﻴﻨﺎ ﻭﻻ
ﻫﻮﻫﻮ ﻓﻴﻨﺎ ﺗﻌﺒﻴﺮﺍ ﻋﻦ ﺍﻧﻮ ﻣﺎﺑﻴﻨﺎ
ﻭﺍﻟﻲ ﻟﻘﺎﺀ
ﺳﻠﻚ


تعليق واحد

  1. اولا الفرق بين مفردتي الاستقلال والاستغلال ليس نقطة وانما حرف كامل وهو الغين في الاولي والقاف في الثانية ولكن نسبة لنطق معظم السودانيين القاف غينا ظننت انت ان الفرق نقطة. وشي اخر لماذا موضوع جبارة كان في عهد النميري وليس الان؟ مع العلم ان عهد النميري لم تكن فيه اختلاسات او فساد كما هو الان. انه الجبن والخور والخوف من ان يقطع رزقك وانت تكتب في صحيفة الخال الرئاسي. تبا لهكذا صحافة.