زواج سوداناس

فرض 5 جنيهات على “العربات الولائية” العابرة لجسور الخرطوم



شارك الموضوع :

فرضت ولاية الخرطوم رسماً مالياً قدره 5 جنيهات على كل عربة مرخصة خارج الولاية أو تحمل لوحات أجنبية أو لوحة “إفراج مؤقت”، نظير مرورها على كباري ولاية الخرطوم يومياً. وأقر مجلس تشريعي الولاية قانوناً مصاحباً للموازنة جعل الرسم سارياً اعتباراً من مطلع العام 2016.

ونقلت محررة التغطيات بـ(الصيحة) ابتسام حسن عن رئيس لجنة الشؤون المالية والاقتصادية بمجلس تشريعي ولاية الخرطوم التجاني محمد أودون قوله أمس إن “الرسم الذى أجيز بإجماع نواب المجلس يشمل العربات التي تحمل لوحات من الولايات الأخرى والعربات القادمة من دول أجنبية”.

وأكد أودون لـ(الصيحة) أن إجمالي الموارد الكلية لموازنة ولاية الخرطوم للعام المالي 2016م بلغت 8.378.385.666 جنيها بينما كانت في العام 2015 مبلغ 6.510.950.088 جنيهاً بزيادة بلغت 1.867.435.578 جنيهاً بنسبة نمو 28.68% عن العام الماضي، مشيراً إلى أن الموازنة التي أجازها المجلس الأسبوع الماضي تأتي استكمالاً للبرنامج الخماسي للإصلاح الاقتصادي الشامل الذى يهدف إلى زيادة الانتاج لتخفيف أعباء المعيشة ومواجهة ارتفاع الأسعار إضافة الى تقليل معدلات البطالة وزيادة معدلات النمو الاقتصادي.

صحيفة الصيحة

شارك الموضوع :

تعليقات الفيسبوك

تعليقات


11 التعليقات

إنتقل إلى نموذج التعليقات

      1. 1
        واحد كدا

        انا أقترح أى عربة تحمل لوحة ولاية الخرطوم تمر بأى ولاية أخرى فرض رسوم 25 جنيه عشان كدا تكون عدالة واى عربة تمر بأى محلية فرض رسوم 10 جنية ورسوم 10 جنية لكل وحدة إدارية وكدى تكون الموازنة الجديدة فى أعباء على المواطن زى ما قال وزير المالية شفتو كيف الناس ديل دقيقن 👇👇👇👇👇👇👇👇👇👇👇

        الرد
      2. 2
        yasir

        انا اقترح فرض رسوم علي الهواء البنتنفسو دا ،،ماممكن ياخي الشعب يتنفس مجاني الكلام دا مابيجي .

        الرد
      3. 3
        Fahim

        ماجادين. جايين من تكساس مثلا

        الرد
      4. 4
        ودالنيل

        يعني يا مواطنين الولايات انتو والاجانب بقيتو اجانب عشان يا مواطن لما تمر بالكباري حيقوليك اركن علي جانب؟دي براغماتية ماليها مثيل هو وين الكباري دة كلام لخداع العامة باكر حيطبق علي العربات التي تدخل الخرطوم من اي منفذ بري
        الله المستعان علي العدالة المزدوجة ان كانت توجد
        ياخي اي فرح او تخفيف اعباء المعيشة او تسهيلات الخ المستفيد هو سكان العاصمة
        اذكر في تحرير هجليج بعد ضربة ابار البترول
        كانت مواصلات ولاية الخرطوم مجانا
        كنت اتساءل لماذا مجانا في الخرطوم فقد
        اليس من حق الاقاليم الاخري ان تنال نصيبها ايضا
        وتعوض بشئ عن فرحتها¡¡¡¡
        والله استغرب جدا كثير من القرارات
        هل من اتخذها جدير بادارة البلاد او هو يعلم بحال العباد..¡ اشك في ذلك.

        الرد
      5. 5
        طارق عبداللطيف سعيد

        ***رسوم كباري وطرق ؟ في بلدي وأدفع رسوم عبور
        ***رسوم العبور التي تفرض على الطرق والكباري ، تصرف غير سوى من السلطة الحاكمة
        ***والرسوم التي قررت ولاية الخرطوم فرضها على السيارات أو الشاحنات الولائية ، أكبر خطأ وسوف يؤدي إلى سياسة التعامل بالمثل ، وده بداية الطريق للحكم اللآمركزي ، وفي النهاية سوف يؤدي إلى أن تنفرد كل ولاية بحكمها الذاتي
        ***إذا عايزين مصادر دخل عندكم حلول كثيرة جدا منها إلغاء الحريات الأربعة ، وعدم السماح لأي أجنبي يريد العمل بالسودان إلا عبر تأشيرة العمل (يتم إستخراجها برسوم محدده) وبذلك نضمن دخول الأجانب بصوره رسمية وبالفحص الطبي المرفق من دولته ويعمل فحص آخر لأستخراج رخصة العمل بالسودان ، ويتم تحصيل رسوم تجديد رخصة العمل عبر إدارة الجوازات … ده فقط يضمن للدولة مليارات الدولارات/ تريليونات الجنيهات (ولاية الخرطوم المدعومة من الدولة رح يكون لها نصيب الأسد من هذا الإيراد) بالإضافة لغرامات رخص العمل التي إنتهت صلاحيتها …

        الرد
      6. 6
        ابو محمد

        اراضي الولاية خلصت ونهبت اتجهو لرسوم الكباري . اظنهم كانو محشحشين . بالله ما فكرو في الزحمه وقت تحصيل الرسوم

        الرد
      7. 7
        سوداني وافتخر

        يعني المغترب وساكن في الخرطوم ومع الكباري دي وسايق معاو افراج مؤقت ح يعمل ليها ميزانيه براها لمرور الكباري دي غير باقي مصاريف الاجازة

        الرد
      8. 8
        hag

        يا اخوانا الخرطوم دي بتاعت السودان واسمها العاصمة القومية يعني مفروض اي حاجة فيها تقاس بحجم الشعب السوداني وليس مواطن الخرطوم .. فمنطق غريب انو كل عربية داخلة الخرطوم تدفع قروش في الكبري .. هو اصلا الكباري اتبنت باموال الشعب السوداني كلو من البترول والزراعة والثروة الحيوانية وغيرها من منتجات البلد دي .. وناس الخرطوم بانتهازية استغلوا الاموال دي في عمل المصانع والمخازن الكبيرة ومركزية الادارة والمواصلات لانوالقلم في يدهم .. وكمان استغلوا ضعف الولايات باعتبار انو كل من له حاجة قام مشى الخرطوم باعتبار انو حيلقى فيها غرضوا .. والخطا بالاساس ما من المسكين المواطن دا .. دا خطا سياسة الدولة في مركزية كل حاجة هناك .. فيا مجلس ولاية الخرطوم نحن كشعب سوداني معترضين واشد الاعتراض على تفرقتكم لينا باعتبارنا مواطنين من الدرجة الاقل من الاولى اللي انتو شايفين نغسكم فيها دي .. فعدلوا القرار دا لانو ظالم لاهل السودان وحاولو حافظو على شوية كرامة مننا ..

        الرد
      9. 9
        abo ahmad

        هذا القرارسبا فى وجه الوالى و ان شاء الله قريب جدا سوف يطرد هذا الوالى من الولاية لانه انسان فاشل

        الرد
      10. 10
        زول

        من اي ميزانيه تم بناء هذه الكباري اليست ميزانيه السودان التي ياتي 85% منها من الولايات

        الرد
      11. 11
        ود بلد

        عندي صاحبي مغترب قلت ليهو لو مشيت السودان اجازه حيدفعوك رسوم عبور جوه الكباري !!

        قال لي 5 سنه ما مشي السودان عشان السنه دي ان شاء الله يقدر ينزل بي عربيتو اجازة .. بيلملم فيها 5 سنه

        قال لي بإذن الله حيمشي الكبري

        لو دفعوهو رسوم عبور عشان لوحاتو ما ولاية الخرطوم قال حيدفعا طوالي ما مشكلة

        قال بس من هناك حيمشي القصر الجمهوري طوالي ويرحنا نحن كللللللللللل الشعب السوداني دا مره وااااااحده وينتهي من كورة الشراب المدورة من 1989 دي كلللللللو كللللللللو !!

        ادعوا ربكم يوفق صاحبي ده يلملم قروش كويسه عشان ينزل السودان إجازه 😉 😉

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *