بابكر سلك

قيم الهلال والكداره البدون رباط


*كتبت فطومه أختى ما يلى
*الهلال قيم ومدرسه وأخلاق
*وكتبت فى نفس المقال
*ولكن لابد ان يعلم هؤلاء أن الأمر الآن فى صورته النهائية عبارة عن قضية ستستمر الى آخر مراحل التقاضى وأن وصلت الى ثلاث سنوات قبل ان يتم تحويلها الى الإتحاد العام ليتم خصمها من دخل المباريات ويتم تسليمها لهم بالقطاعى لتبلغ قيمتها فى ذلك الوقت ثمن شراب وكدارة بدون رباط
*إنتهى كلام فطومه
*يعنى قيم وأخلاق الهلال هى مماطلة أصحاب الحقوق الى ان تفقد قيمتها
*هكذا هى قيم وأخلاق الهلال حسب ما حدثتنا فطومة أختى فى مقالها
*الموضوع كان مطالبة النقر أخوان وطارق أحمد آدم بحقوقهم طرف الهلال
*الموضوع ده روشا شايفو عيب
*وفطومه شايفاهو عيب كبير جداً
*بل نكرا على النقر أخوان وطارق أحمد آدم ما وصلوا له من نجومية
*وقالوا لولا الهلال ما كان فى زول عرفهم
*منطق معوج يا روشا يا أخوى
*أولاد العاتى ما لعبوا فى الهلال والبلد كلها بتعرفهم
*محمود صالح ما لعب فى الهلال
*والسودان كلو بعرفوا
*خاص صفحة الأحمر الوهاج
*بل التوانسه بعرفوهوا
*يوم الأفريقى التونسى أداكم اربعه فى إستادكم
*وقمتوا إستعنتوا بمحمود صالح
*اليوم داك التوانسه عرفوهوا
*فى زمن النقر الكبير فى لاعب فى الهلال إسمو حسن بتعرفوا يا روشا؟؟؟؟
*سمعتى بيهو يا فطومه؟؟؟
*فى زمن النقر الصغير الهلال كلو كان النقر
*لمن جا من السعودية
*من المطار للميدان
*أيام فلقتونا وجع وجع النقر رجع
*النقر جا
*نسيتوهوا يا روشا؟؟؟؟
*الوكت داك كان فى زول إسمو على بلعب فى الهلال
*فى زول بعرفوا؟؟؟؟
*أما طارق أحمد آدم
*السيد وزير الدفاع كما أطلق عليه الناس
*لو غاب كان تمرينكم بتلغى
*سكنتوا فى الديم سكنه
*فى الوكت داك كان فى باك فى الهلال اسمو السر
*فى هلالابى بتذكر السر منو؟؟؟؟؟
*لاتبخسوا الناس أشيائهم يا روشا
*التلاته كانوا نجوم كبار
*ولولا مستواهم العالى لما قاتل الهلال فى تسجيلهم
*ولولاهم يمكن كان يكون مافى هلال ذاتو
*لأنهم هم من جعلوا الهلال طرفاً للقمة بفضل مستوياتهم فى الحقب التى لعبوا فيها
*ووقتهم فى المودة كان فى اب كدوك والصياد وود المبارك وبريش وحسن حمد
*ديل ذهبوا
*فهل بقيت الموردة ضلعاً ثالثاً للقمة؟؟؟؟
*أدوا الناس قروشهم بطلوا بطبطة
*فما يطالب به النقر أخوان وطارق وزير الدفاع ليس بدعه
*خاص صفحة الأحمر الوهاج
*إنه بدل فصل تعسفى تعرفه قوانين العمل
*وكيف تطالبون الناس بترك حقوق أقرها لهم القانون؟؟؟
*وكيف تأخذون مطالبتهم بحقوقهم مأخذ عليهم ولا تأخذونها مأخذاً على ابى كسكته بوصف انه
قصر فى الإيفاء بحقوقهم؟؟؟
*غايتو يا فطومه
*بدل تستخدموا قيم الهلال وأخلاقه فى مواجهة الناس ديل
*حقوا تدوهم حقوقهم عشان على الأقل يجيبوا بيها كداره بى رباط
*أو أقول ليكم
*شوفوا حقوقهم كم
*أدوهم إياد صحيفتكم لفترة
*لمن يشيلوا حقهم
* منها كردنه ما يتعب فى السداد
* ومنها ناس النقر وطارق ما يستنوا لمن حقوقهم تجيب ليهم جزمه بدون رباط
*ومنها تكونوا ساهمتوا فى مسيرة الهلال الجوهريه
*قلتوا شنو؟؟؟؟؟
*أيها الناس
*الهلال فى أفضل حالاته المادية
*ما قادر يدفع حقوق الناس
*وإذا طالب الناس الهلال بحقوقهم
*الحرب تعلن عليهم ويهدر دمهم
*قانون العمل بقر راتب الشهور المطالب بها فى حالة الفصل التعسفى
*وأزيدكم يا النقر أخوان وطارق الوزير
*فى شهر سابع إسمو بدل إنذار
*أنذروكم؟؟؟
*لو ما أنذروكم عدلوا العريضه
*أصلوا العملتوهوا نسوهوا ليكم
*المهم
*مستجد النعمة دايماً مخلوع
*خاص صفحة الأحمر الوهاج
*أديك شربات ولا أولع ليك النور
*مدرجات ما مكملة الجهة الشرقيه من الإستاد
*سموها طابق
*وروشا كمان بطالب بإحضار الريال أو باريس سانت جيرمان أو المان يونايتد
*لاحظتوا روشا ما قال فى الخيارات
*البايرن او شالكا أو دورتموند
*برشلونه العزمت جمال الوالى إحتفالها
*وكلنا شفنا كيف لابورتا قاشر بى جمال
*معقوله يا روشا
*حبة أسمنت مايل زى صوانى العرض بتاعة الفراخ المشوى فى بترينات المطاعم
*تقول ربما فاقت البنيه التحتيه الأولى!!!!
*حتى حقوق الاحل المقيم محمد على زروق الذى وقف على بناء إستاد الهلال طوبه طوبه
*الغداء بطلع من بيتو لمن الإستاد إنتهى
*ساكن سكنه فى النادى والإستاد
*بنى الإستاد بالطوب الأحمر
*وبنى بيتو بالجالوص
*معقولة يا روشا تقول ربما فاقت البنيه التحتيه الأولى؟؟؟؟
*الراجل الله يرحموا برضك مطالب بحقوق ولا شنو اهدرتوا حقو كده
*وطلعتوا إنجازو كداره بدون رباط ساى!!!!
*غايتو بى طريقتكم دى
*يوم بتقولوا البابا هو الكاردينال ذاتو فى عرف الكنيسه وفهم الكديسه
*البابا ذاتو حقو راح مع كردنه يا فطومة
*المهم
*روشا يتحدث عن آدم الكادينال
*آدم الكادينال عرفتوهوا؟؟؟
*ده القالوا ليهو يا آدم خش جوه جيب تمنميه
*عارفنها فى شنو كانت؟؟؟
*كانت لى بكرى
*خاص صفحة الأحمر الوهاج
*وقام آدم دخل يدو فى جراب القروش
*قرصتو ليك عقرب
*نفضها قرصت كردنه
*ولى الليلة القرصه حارقاهم
*دوشت راسهم
*ما شفتوا كردنه من ديك ولبس كسكته
*كان ملصها الراس بلف
*وروشا قال
*آدم بحردار وده لى زولاً من ناسنا فى معسكرنا فى اديس مصايف وهدايا
*تعرف يا روشا
*العراب مستعدين نرجع ليهو بكرى وباقى لعيبتنا هواده
*بس هو يجى أديس
*بجى؟؟؟
*خليهو يجى
*كان بالكسكته ولا بالطيارة او بالركشه..بس هويجى
*بجى متين؟؟؟
*بحردار بحرها هايج
*بغرق طوالى يا روشا
*مالو ما جا!!!!!
*أجى!!!!!
*أيها الناس
*((إن تنصروا الله ينصركم))
*أها
*نجى لى شمارات والى الخرطوم
*أكان شفت يا والينا
*رسوم الأراضى كترت علينا
*إن كان القبالك باعوها كلها وحتة ما خلوها لينا
*حسب ما قلت لينا
*حقو إنت رسوم الأراضى نخفضها لينا
*خفف علينا
* عشان الوالى البعدك ما يقول القبالنا المواطن مصوهوا كلو ومنو شى ما فضلو لينا
*خاص صفحة الأحمر الوهاج
سلك كهربا
**ننساك كيف والكلب لما شاف رسوم تجديد الحكر قال أحر أنواع الغربة لما تحس إنك أجنبى
فى وطنك..جر..أمشى..الكلب ود الكلب ده بقول حكم كمان؟!!
ﻭﺇﻟﻰ ﻟﻘﺎﺀ
سلللللللللك


‫4 تعليقات

  1. بالله دا عمود تكتبوا اخر زمن سلك يتكلم عن قيم وموروثات الهلال ما ذا تعرف عن القيم والموروثات وانت تخاطب فاطمة الصادق فى شأن الهلال الهلال يا هذا ليس فاطمة الصادق الهلال يا مؤسسة للتربية البدنية والرياضية الهلال قيم وموروثاتالهلال جلس على كرسى الرئاسة رجال لهم وزنبابكر احمد قباني درس في كلية غردون عضو مؤسس لجمعية اللواء الابيض
    1935 الحاج عوض الله مصطفي خريج كليةغردون عضو الجمعيه السياسيه السريه بنادي الهلال
    1936 مكي عثمان ازرق رئيس الهلال لعدة دورات وعضو الهيئه الستينيه لمؤتمر الخريجين ومن مؤسسي حزب الامهوكان من كبار التجار
    1951 احمد محمد علي السنجاوي خريج كلية غردون وعضو الهيئه الستينيه لمؤتمر الخريجين ومن مؤسسي حزب الاحرار الاتحاديين
    1952 محمد عامر بشير فوراوي خريج كلية غردون قسم المهندسين وشارك في تاسيس مؤتمر الخريجين عمل مديرا” لتحرير مجلة السودان الجديد
    1967 صالح محمدصالح خريج كلية غردونعمل مديرا” للعديد من المشاريع الحيويه وكان اخرها مديرا” لشركة الاقطان
    1977 زين العابدين محمد احمدعبدالقادر خريج الكليه الحربيه درس العسكريه في المملكه المتحده عمل نائب رئيس مجلس الوزراء ووزيرا” في بعض الوزارات الزراعه والثروه الحيوانيه ووزيرا” للشباب والرياضه
    1977 الرجل الابرز الطيب عبدالله درس بجامعة الخرطوم وجامعة برمنغهام بانجلترا عمل مساعد ووكيل وزراة الداخليه _رئيس نادي الهلال من 1977 _ 1979 ومن 1986 _ 1990 ومن 1995 _ 1996 ومن 1999 _ 2000 استقال
    1991 طه علي البشير خريج جامعة الخرطومكلية الدراسات الاستراتيجيه والاقتصاديه والاجتماعيه
    المدير التنفيذي لمجموعة شركات حجار ويعمل رئيس لمجلس ادارة العيديد من المؤسسات رئيس نادي الهلال 1991 _ 1994 ومن 2001 _ 2002
    1992 عبدالمجيد منصور خريج المعهد الفنيالقسم العالي للتجاره عمل مديرا” للعديد من البنوك رئيس نادي الهلال 1992 خلفا” لطه علي البشير وكان سكرتيرا” لنادي الهلال في فترات كثيره
    2002 عبدالرحمن سر الختم خريج الكليه الحربيه عمل في العديد من المصالح الحكوميه وزيرا” وسفيرا” رئيس نادي الهلال من 2002 _ 2005
    2005 صلاح احمد ادريس خريج جامعة القاهره فرع الخرطوم عمل في العديد من البنوك
    رئيس نادي الهلال من 2005 _ 2010 استقال
    2011 سيئ الذكر والقول والفعل النقطه السوداء في تاريخ الهلال ،، سباب الدين وضارب الحكام
    هنالك روؤساء مرو علي الهلال في دورات قصير اقل من موسم لم يتم ذكرهم وهذه قائمه بكل من ترأس نادي الهلال
    بابكر قباني ـ امين بابكر ـ حمدنا الله احمد ـ مكي عثمان ازرق ـ بشري عبد الرحمن صغير ـ الحاج عوض الله ـ محمد حسين شرفي ـ محمد خالد حسن ـ احمد محمد علىالسنجاوي ـ محمد عمار بشير فوراوي ـ محمود ابو سمرة ـ محجوب طه ـ السر محمد احمد ـ محمد عبد الله قلندر ـ صالح محمد صالح ـ عمر على حسين ـ زين العابدين محمد احمد عبد القادر ـ الطيب عبدالله محمد على ـ عمر محمد سعيد ـ نور الدين المبارك ـ طه على البشير ـ عبد المجيد منصور عبدالله ـ حسن هلال ـ احمد عبد الرحمن الشيخ ـ عبد الرحمن سر الختم -صلاح أحمد محمد إدريس و يوسف احمد يوسف والامين البرير واخيرا هارد قلوبكم اشرف سيد احمد الكاردينال وحتى هؤلاء العظما ليسوا الهلال كيف لك ان تتحدث عن الهلال وتختزله ف صحفية او قل موظفة

  2. خلو الكلام الفارغ ادو المعز قروشو ما تملحوه زى شيبوب لما خليتوه شرد منكم بطلوا الفصاحة الفارغة بتاعتكم دى

  3. هل عرفتم لماذا انهار المريخ
    قيموا مقالات سلك ومزمل والجاهل كابو