زواج سوداناس

العقل المدبر لعملية “سرقة الذهب على طريقة الافلام الامريكية”صاحب محل سمك شهير بالخرطوم



شارك الموضوع :

بارك رئيس تحرير صحيفة السوداني الأستاذ “ضياء الدين بلال” إنجاز الشرطة السودانية ، وقال (يستحق الاشادة من كل قطاعات الشعب السوداني)
وأضاف (تم القبض على اللصوص الذين قاموا بسرقة أكبر كمية من الذهب في تاريخ السودان عبر خطة مستمدة من فيلم امريكي).

وقال ضياء الدين بلال بحسب تصريحات نقلها عنه محرر موقع النيلين (المتهم بالتخطيط صاحب محل سمك شهير بحي راقي بالخرطوم).

الجدير بالذكر أن الشرطة السودانية تمكنت يوم الأربعاء من القبض على الجناة وإستعادة الذهب المسروق من محل “مسك الختام” بمدينة امدرمان والذي يقدر بحوالي 35 كيلوجرام تمت سرقتها يوم الثلاثاء.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


20 التعليقات

إنتقل إلى نموذج التعليقات

      1. 1
        زووووول مغبون

        يا حليل الناس المساكين الاتسرقو قبل كده ومنهم انا شخصيا…للان ما لمينا في المسروقات لانو نحن اولاد غلابة…اما الناس الواصلة والوزراء حاجاتهم بترجع ليهم في اقل من نص يوم……فعلا ملعون ابوك يا بلد……

        الرد
      2. 2
        محمد

        إنجاز للشرطة مبرووووووووك

        الرد
      3. 3
        ابو القنفد

        عوضية؟!
        معقولة عوضية سمك تطلع حرامية؟!

        الرد
        1. 3.1
          هريسه وهردبيسه

          رقيب عتيد ……اعمل حسابك

          الرد
        2. 3.2
          ساخرون

          يا أبو القنفد
          قال ليك بالخرطوم ….ما قال أمدرمان

          الرد
      4. 4
        عابر

        يا ابو القنفذ استغفر ربك ………..

        الرد
      5. 5
        الرقراق

        دا علي مين هذا الكلام يعني شخص نفذ هذه السرقة بهذا الطريقة يتسمك في اقل من 24 ساعة مالم يكون هنالك شيءً ما في الموضوع حيث من الصعب القبض علي الجناة الي بعد طرح المسروقات في السوق او للبيع ومن نفذ هذه العملية يظهرو بأنهم من الجماعة اياهم …..!؟

        الرد
      6. 6
        مريسة

        بتاع سمك في عينكم ياحرامية ياكذابين ياجيعانين
        انتو شرطتكم عملت ليهم حماية ولو صاحب المحل كان
        من الناس العاديين كان الضحك شرطو ..
        انا لو كنت المسؤل كان اعمل ليهم تكريم في قاعة
        الصداقة واشيد بيهم واصرف ليهم حوافز بدون محاكمة
        واستضيفهم في برج الفاتح لمدة اسبوع واجيب ليهم
        مريسة كاربة عشان افرفشوا .. لان الجماعة ديل
        اذكي وافهم واشجع من جماعة الحوار الموجودين حاليا
        في قاعة الصداقة ..

        الرد
        1. 6.1
          ابو هشام

          والله ما في جعان غيرك يا مريسه واحد اسمه مريسه حتتوقع منو شنو … ناس بدل ما يشيدو بالشرطة والناس البذلو جهد ليمسكو الحرامية يقول ليك كلام يفقع المرارة زي واحد يقول ليك دي مسرحية … مسرحية في عينك …… يا اخي صراحة قراءة هذه التعليقات تجيب للواحد جلطة عديل كده

          الرد
      7. 7
        الشايقي

        انت يا المسمي نفسك مريسه عليك الله عندك لسان تتكلم بيهو؟
        اعوذ بالله من اسمك ياخي امشي غير اسمك دا واستغفر وتعال

        الرد
      8. 8
        ابراهيم عبدالله

        من الشعب الف تحية لرجال الشرطة السودانية

        الرد
      9. 9
        الكردفاني

        يا اخوانا ماتبقوا مساكين لدرجة دي..دي مسرحية ظاهرة وماديره ليها اي كلام بس لازم نكبر عقولنا شوية

        الرد
      10. 10
        Mohd

        ورونا الحرامى اسمو منو ومحل السمك اسمو شنو متسترين على حرامى يا حرامية ولا مامسكتو حرامى من أصلو

        الرد
      11. 11
        عمار الشايقي

        حسب ما وصلني بالواتس زعيم العصابة اسمه / محمد عثمان صاحب مطعم حوش السمك جوار حديقة ام درمان الكبري ومطعم اللورد للاسماك جوار اوماك بالخرطوم ((( والله أعلم )))

        الرد
      12. 12
        ابومجاهد الكباشي

        مبروووووك وألف مبروووك بس اكيد صاحب الذهب رفع المعنويات بالجنية

        الرد
      13. 13
        علاء

        المتهم المتهم الرئيسي يدعي محمد عثمان صاحب مطعم حوش السمك جوارحديقه امدرمان الكبري ومطعم اللورد للاسماك بالخرطوم جوار اوماك

        الرد
      14. 14
        ام احمد

        لماذا لم تطلب الشرطه رخصه بملكية المحل حتي تذهب معهم للحراسه لعمل الصيانه.؟

        الرد
      15. 15
        علاء

        طلبت الشرطه تقديم المستندات الا انها كانت جميعها ومزورة باتقان

        الرد
      16. 16
        أحمدالمرتضي ........دوكة

        العقل المدبربتاع سمك؟؟مابصدق
        دا يكون بتاع حوش تماسيح عدييييييييل

        الرد
      17. 17
        عامر عامر

        اذا كان بتاع محل بيع سمك مشهور بالخرطوم يعنى دخله ممتاز لماذا القبام بهذه العملية الاجرامية وهو يعرف عقوبتها وحتى لو نفد من عقوبة الدنيا يعنى حقيقة شى لايصدق . انسان مقتدر ويملك دخل كبير جدآ وفوق كل ذلك يقوم بعملية سرقة كبيرة كده
        يظهر والله اعلم ان كل الذين ظهروا من اصحاب الاموال الطائلة والذين لانعرف لهم تاريخ او اسباب لهذا الغنى الفاحش يسلكون هذا المسلك والغرض الوصول والظهور على مسرح الاثرياء والفكرة ياجابت يا خابت من غير نازع دينى او اخلاقى اللهم احفظ لنا ديننا واخلاقنا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *