منوعات

بالفيديو.. عريس سوداني يصيب عروسته بالخجل خلال حفل الزفاف.. لم ينتظر أن يفعلها داخل غرفته.. (لوليبا يا لؤي لوليبا)


تسبب عريس فى إصابة عروسته بالخجل، وذلك خلال حفل زفافهما، عندما حملها أمام الحضور وأخذ يرقص بها وهو يحملها مما أصاب العروس بالخجل من ضيوفها.

وظهر خجلها وسروره تماما خلال حفل الزفاف عندما كانت المغنية تصدح بـ”لوليبا يا لؤي لوليبا”.

اضغط هنا لمشاهدة الفيديو على قناة النيلين

النيلين


‫23 تعليقات

    1. بعض السودانييي أصابهم خبل من نوع ما ولسبب ما !!

      قبل يومين بس ما شالها …أهو دا شالها !!

      وبكرة يجينا واحد الله أعلم يعمل شنو

      ************************

      قَالَ النَّبِيُّ -صَلَّى اللَّه عَلَيْهِ وَسَلَّمَ-: إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ: إِذَا لَمْ تَسْتَح فَافْعَلْ مَا شِئْتَ

      وسيدنا عمر بن عبد العزيز ذكر عنده الحياء، فالذي ذكر عنده الحياء قال: الحياء من الدين, فقال عمر: بل هو الدين كله.

      وقال بعضهم: الإيمان عريان لباسه التقوى، وزينته الحياء، وماله العفة.

      وقال مجاهد : كانوا إذكروا النكاح كنوا عنه

      ******************************************

      فما هذا الذي نرى من قلة الحياء ؟

      من علامات قيام الساعة: أن يرفع الحياء من وجوه النساء، وأن تزيل النخوة من رؤوس الرجال، وأن تنزع الرحمة من قلوب الأمراء.

      لقد أوشكت …والقوم في ضلالهم سادرون

  1. اى مستوى هوى بنا الى هذا الحد – نخشى ان يمتد الامر الى اكثر من هذا .

  2. ما في زول في كامل قواه العقلية بيعمل كدا .. الزول دا علي أحسن الفروض (طاشم لط) .. ان بعض الظن اثم !!

  3. ظهرت عادات كثير دخلية على مجتمعنا السوداني خاصة في مسألة تقاليد الزواج ولا تمت للحياء بصلة .. فقد شاهدت عدة مقاطع فيديو لعرسان يرقصون أمام الجميع منهم من يحمل العروس وآخر يقبلها أمام الجميع كما يفعل الخواجات ووصلت الدرجة لأبعد من ذلك واحد يحضن العروس لحدما يقع بيها على الأرض مما أخجل الجميع وهموا لرفعه من البت
    والله دي ما العادات الإتربينا عليها … نسأل الله السلامة ….

  4. خلاص يا اسد وريتنا عقبال تجيب ليها زلزال في الغرفه .. الله يستر شكلها ح تطلع عاده وتنتشر قبل فتره عريس حاضن عروسته شغال يجيها ورا وقدام وهسي العبيط دا شايل عروسته ويلويلو فيها العريس الجاي احتمال يجيب معاو السرير !!!

  5. لا حول ولاقوة الا بالله.. والله انتوا حاسدين وحقودين وقلبكم اسود الناس العلقت بالسخافة دى والله ما بتفهم وحاسدة عريس على سنة الله ورسوله وفرحان ومبسوط مع اهلو واهل العريس وهو شالا بس ما دخل عليها.. زمان زمن المهدية قريت انو من طقوس الاعراس عندنا انو العروس تجلس على الارض ويركب العريس حصان ويقلها من الارض قدام الناس . ومن النوادر انو عبدالرحمن النجومى عروسو كانت تخينة شديد .. الناس قالوا الليلة عبد الرحمن ما بقدر يقلها من الواطة وسمع هو همس الناس قام رجالة ركب الحصان وقدام الخلق قلاها من الواطة وبيد واحدة كمان وقعدا.. والله انكم عديمين فهم

  6. يا إدارة النيلين استهدو بالله انتو كده بتتدخلو في خصوصيات الناس باعتبار انو كل الموجودين في الحفل من الاقارب والاصدقاء وكونكم ليقتو مقطع زي ده وتجو تنشروهو بعنوان زي ده تبقى ما حلوة في حقكم لانكم موقع مرموق و على مستوى السودان والعريس ده لو رفع عليكم قضية إنتهاك خصوصية وتشهير حيدفعكم القدامكم والوراكم .

  7. يا ابومهدي.حاسدين و حاقدين دي في صاح, لكن ياخي زمن المهديه النسوان كانوا حايمين بالقرمصيس بس, يعني من الصره ولي فوق كانون ام فكو عديل كدا,هسع دي انتي بترضاها لي ابغض الناس ليك خلي لاهل بيتك يكونوا حايمين بالقرمصيس ولو في البيت

    1. يا زول دليلك على كلامك ده شنو؟
      معنى كلامك ده المهدي كان فشنك وخليفته أظرط منه!
      استغفر الله العظيم!

  8. كلامك صحيح يا ابوو فراس …. ماعنو العملو كلام غلط و ما صااح في حق الناس الحاضرين العرس ديل .. لكن برضو العنوان ما كان ظريف و ماف داعي للخبر دا .. كان احسن تستروا

  9. لا أدري أخبار زي دي ما جدواها اساساً ..
    تضييع وقت .. ارجو من إدارة الموقع التركيز في اختيار ما يُنشر وما لا يُنشر ..
    الأخبار المفيدة ما شويه يا ناس ..
    تحياتي

  10. الراجل ما صدق انو اتزوج …. مع غلاء تكلفة الزواج

  11. ربنا يسعدهم ان شاء الله
    من الخطأ نشر الفيديوهات الخاصة على اليوتيوب والخطأ الاكبر ان تعرض في موقع اخباري مثل النيلين
    لدي تحفظات على نشر مايدور في وسائل التواصل الاجتماعي في اامواقع الاخبارية
    عندي كلام كتير بس مافي داعي .. خليتو

  12. أشياء غريبه بقت تحصل في الاعراس بتاعتنا !!!!!
    لا حسد و لا شيء كما علق البعض اعلاه لكن العريس ده غريب الاطوار يا اما مسطول و يا اما ما مصدق انو قدر يعرس…

  13. هذا فيديو سخيف لا يشبه عاداتنا وثقافتنا لاف في الواتساب وقبيحة جدا من موقع النيلين ينشروه هنا!

  14. كلما اكتب تعليق يكون الرد :انه سبق وارسلته وهو مكرر!
    مع أني اكون ضغطت الإرسال مرة واحدة،وبرضو بعد كلمة مكرر لايظهر؟؟؟؟؟؟؟؟؟؟!!!!!!.