اقتصاد وأعمال

بنك السودان المركزي يحظر استيراد عدد من السلع


قرر البنك المركزي السوداني، حظر استيراد العديد من السلع، بما في ذلك الأثاث، بهدف مواجهة أزمة النقد الأجنبي التي تعاني منها البلاد حالياً، ومن بين تلك السلع المحظورة الأثاث والحلويات، والألبان، والمنتجات البلاستيكية.

وأوضح البنك، في بيان أورده موقع “العربي الجديد”،الجمعة، أنه عمّم توجيهاً على كافة المصارف، بعدم استيراد عدد من السلع باستثناء “الأبقار والماعز المستوردة بغرض التربية”.

وتتضمن قائمة السلع المعنية بقرار الحظر الأثاثات بجميع أنواعها، سواء الخشبية أوالحديدية أوالمصنّعة من الألمنيوم.

كما تشمل أيضاً المياه واللحوم الطازجة والمبردة بجميع أنواعها، والحلويات والألبان، بالإضافة إلى المنتجات البلاستيكية والنباتات باستثناء الفسائل والشتلات.

وتأتي هذه القرارات في وقت يعاني فيه السودان من أزمة في النقد الأجنبي منذ انفصال الجنوب في 2011، ما أدى إلى تهاوي الجنيه السوداني أمام الدولار الأمريكي.

وكالات


‫8 تعليقات

  1. دا كلام غلط ! المفروض وزارة التجاره و ليس بنك السودان !!!!

  2. يادووووب
    مفروض يكون قبل عشرين سنه كان بقينا ناس
    مفروض القائمه تطوووول معقوله السودان بستورد لبان و بالدولار!! وحلويات ومنتجات دقيق نحنا بنصنع شنو اصلا؟؟ اتفهه وزارات في السودان وزارة الصناعة والاستثمار والتخطيط الاستراتيجي معقوله لبلد قالو عايزين ينهضو بيها خلوها تقوم من الغيبوبه الفيها بعدين انهضو وقومو عديل
    ومفروض تكون في قائمتين الأولى تحظر نهائيا والثانيه يمكن استيرادها بس بضريبه عشره أضعاف مثلا يسمحو باستيراد الحلويات وجلكسي الآن ب 9 جنيه العايز يشتريها تكون ب 30 جنيه وال 21 جنيه تكون لاستيراد أشياء مهمه واساسيه كالدواء
    بالعربي اي زول عايز يشتري حاجه مستوردة وهامشيه مفروض غصبا عنه يدفع الضريبه
    موردو السلع الهامشيه هم من ساهموا في تدهور الاقتصاد عايزين يربحو على ظهر اقتصاد البلد
    والله حقو يخلوهم يوردو بس الضرائب والجمارك تتضاعف أضعاف ويا خلو الشغله ووردو شي ينفع البلد يابقو رجال وحق الدولار البيشتروهو من السوق الاسود يشيلوهو منهم ضريبة مبالغ فيها وشوفو الدولار تاني الحيكون عايزو منو
    معقوله بلد بتستورد إبرة الخياطه وزير ماليتها عايز يتحكم في الدولار
    قبل كده قلت وزير الماليه هو أكبر صراف في السودان يعني هو المقرر في الأمور الماليه وتوزيعها حسب الميزانيه
    وموضوع الدولار وحظر شي من غيره ده موضوع يخص الدوله ومن يقرر فيها
    توطين الصناعات محلينا هو أساس نهضه الأمم بس للاسف الشديد نحن كل يوم نوطن فشلا يستند على فشل

  3. بالمالية شغلتها رفع الدعم وانتو الحظر ….بالله ارفعوا دعمكم واحظروا اي شي وامنعوا الاستيراد وريحونا….. مرض يمرضكم….

  4. المالية شغلتها رفع الدعم وانتو الحظر ….بالله ارفعوا دعمكم واحظروا اي شي وامنعوا الاستيراد وريحونا….. مرض يمرضكم….

  5. طيب اذا في ولد كوز داير يعرس بت كوز آخر وعاوزين يجيبو عفش من الصين او ماليزبا هل ممنوع ولا حتبئى في شوية استثناءات

  6. الموضوع يكون الكيزان عايزين دخل جديد يكون عايزين يستوردو ألبان واثاثات حتي يكون السوق حكر عليهم. ولهم الفايدة دون سواهم حسبي الله عليكم اذا كان الصين بتستورد أثاثات وألبان