سياسية

الختمية يستنجدون بالمجمع الصوفي لإيقاف أنصار السنة


استنجد مريدو السجادة الختمية بالمجمع الصوفي العام لإيقاف نشاط جماعة أنصار السنة بمسجد محمد عثمان الختم الذي يقع في شارع عطبرة مقابل كبري المك نمر

بالخرطوم، بعد نجاح شباب ودعاة السلفية بإختراق المسجد وإبتدار نشاط دعوي كثيف داخله وفي أوساط المصلين بالمسجد.

وقال اسماعيل الشيخ أحد مسؤولي المسجد في نداء استغاثة كشف فيه أن جماعة أنصارا لسنة ومن محراب المسجد الختمي يهاجمون التصوّف بقسوة ويتحدثون عن

ما اعتبروه (شركيات) في حق الطرق الصوفية والسادة الراغنة، مبينا أن ضعف لجنة المسجد وراء إنتشار نشاطهم بالمسجد الذي يؤمه عدد كبير من مريدي الطريقة

الختمية وأتباع السيد الميرغني.

الهادي محمد الأمين
صحيفة حكايات


‫16 تعليقات

  1. طيب لجنه المسجد ضعيفه والحزب اضعف والمراغنه زادوكم ضعف ووهن منذ القدم وفساد عقيده وشركيات خلو انصار السنه يغيروا حالكم شويه اقل حاجه تبطلوا العبط بتاعكم دا بادلا ميرغنيه بلا قرف

  2. لا علاقة لي بالختمية ولا الاتحادي و لكن شهادة لله هم ناس سلام و دعوة للدين بالمحبة و بعد عن التطرف و الغلو اما انصار السنة فهم مصدر الفكر المتطرف و مقدمات ل داعش حمانا الله منهم

    1. مشكلتكم يا صوفية بتكرهو أنصار السنة لأنهم ضد الشرك والمعتقدات الفاسدة والعقول الخربة التي تعبد غير الله وتتبع المرغني بدل اتباع سنة رسو ل الله … كلما أنصار السنة يقولوا ليكم لا تفعلوا الشركيات ووحدوا الله تقوموا تقول عليهم فكر متطرف وداعش وما عارفو شنو داك. الله يهديكم. عشان حركاتكم دي أنا أويد الكيزان

  3. المساجد لله فلا حرج من ان يدعوا الى الله … انتم لماذا ليس لديكم شباب للدعوة حتى يستفيد المصلين و سائر المسلمين

  4. هذا دليل كافي انكم جبنا ايها الختمية ولا تستطيعون حتي الدفاع عن انفيكم …امشو جيبو الاتراك او الانجليز عشان يطردو ليكم انصار السنة ذي ما جبتو المستعمر قبلي كدة او امشو للنايب بتاع شيخ الامين خلي يجيب الجكس بتاعو ويحاربو ليكم الجماعة ديل

  5. استنجدتم ام لم تستنجدوا، هو وعد من الله تعالى ومن اصدق من الله ؟ الله تعالى وعد بان الزبد سيذهب جفاء ولن يبقى الا ما ينفع الناس، وانه سينصر رسله والمؤمنون وان الارض يرثها الصالحون. فالذي ينتصر بين الفريقين هو الموعود

  6. هاهاها
    والله مسخرة شديدة وكشف حال

    بالمنطق كدا المراغنة ديل كان ناس دين و اهل ذكر و بيجيبوا الرايحة وبتاع
    خرافاتهم بى اسم الدين و لما يتعصروا يستنجدوا بى المجمع الصوفى العام اها نسوا الله وقت الزنقة
    ربنا يوفق انصار السنة فى محاربة الشرك والبدع

  7. الساده المراغنه ناس سلام ومحبه والمسلم من سلم الناس من لسانه.اما الوهابيه والدواعش فهم عبدة الريال .ربنا يبعدهم عن سوداننا وجميع بلاد المسلمين .امين يارب العالمين

    1. المراغنة ديل أسيادك انت … الوهابية لا ينحنون لتقبيل يد بشر أي كان ولا يتمسحون بالقبور ولا ينادون غير الله ولا يعتقدون في غير الله لأن البنفعهم الله والبضرهم الله… لكن أتباع ومريدي المراغنة عبدوا العباد وتركوا رب العباد.

  8. الساده المراغنه ناس سلام ومحبه والمسلم من سلم الناس من لسانه.اما الوهابيه والدواعش فهم عبدة الريال .ربنا يبعدهم عن سوداننا وجميع بلاد المسلمين .امين يارب العالمينخخ

  9. معكم قلبا و قالبا انصار السنه المحمدية ..اكنسوا بؤر الدجل و الشعودة ..لا تتركوا مزارا أو مقاما للضلال و الشرك بالله
    لا نريد قباب أو اصنام للشرك .. استغلوا الشعب اسؤا استغلال لقرون من الزمن و استعبدوا الرجال و النساء بأسم الدين و في الحقيقة هم رأس الشرك ..نتمني ان لا نسمع مصطلحات شيخي أو سيدي .. لو بيدي سلطة لمسحت كل مظاهر الشرك من أرض
    السودان ..

  10. …”…. وأتباع السيد الميرغني ”
    إن كنا نتبع بشرا أو حق لنا أن نعبده فنحن من أتباع محمد صلى الله عليه وسلم ..
    ومن يكون المدعو (محمد عثمان الميرغني) حتى يتبعه الناس في الدين ؟؟ وما الذي أضافه أو أتى به ليتبع من دون محمد صلى الله عليه وسلم …بل هو ليس إلإ من متسلقي السياسة بسلم الجهل في الدين وعلى ظهور الأتباع !

  11. بدل الاستنجاد والجري دا قارعوهم بالحجة…لكن عشان ماعندهم حاجة مابقدروا علي الشباب ديل حيرتونا ياصوفية ههههه

  12. لا بد من كنس الصوفيه والوهابيه والكيزانيه . . ان هي الا اسماء سميتموها انتم واباءكم ما نزل الله بها من سلطان. . هذه التيارات الكسيحه العجفاء هي اللتي خربت عقول الناس ودمرت البلد لابد من العلمانيه والعمليه والعلميه كفايه هلاويس بلا يخمكم يا جهله

  13. معليش سؤال لو ممكن حد يفيدني هو محمد عثمان الميرغني او احمد الميرغني
    من وين اساسا في السودان ؟؟؟؟؟ اقصد من اي قبيلة هم ؟؟؟