زواج سوداناس

الامارات ترحل “شيخ الامين” الى السودان بختم”خروج نهائي”.. حزن وسخرية واسعة على صفحات التواصل



شارك الموضوع :

امرت السلطات في دولة الامارات العربية المتحدة بترحيل الشيخ السوداني المثير للجدل “الامين عمر الامين” الى السودان بعد إعتقال دام لعدة أسابيع، وختمت على جواز سفره “خروج نهائي” ويعني ذلك حظره من دخول الإمارات، وسيصل للخرطوم ظهر الخميس.

ورغم أن الخبر نشر مع الساعات الأولى من صباح الخميس إلا أن نشطاء المواقع ورواد التواصل أمطروا الشبكة بسيل من التعليقات إتسم طابعها بالحزن والسخرية ومن التعليقات التي رصدها محرر موقع النيلين.

ناصف صلاح الدين
نبارك لكل محبي ومحبات شيخ الامين الافراج عنه ما مشكله حظره من دخول الامارات ، عليهم الاصطفاف في مطار الخرطوم اليوم الخميس لاستقباله وترديد عبارة الانقاذ المندثرة (نحن الامارات ما مسكنا نحن بيوتنا هناك في الجنة).

كديسة
لا حول ولا قوة الا بالله
اللهم اجرنا فى مصيبتنا واخلفنا خير منها
يارب الفرج من عندك خلصنا من المصيبة الدجال دا

حسام عابدين
عاد لينتقم
اشهدوا انا ما قلتا فيهو كلام ماكويس
‫‏شيخ الامين رمز الصمود‬

Ahmed Ibrahim
كدا يعني محاية البيبسي اشتغلت .. و حوار الجكسي ظبطوا المواضيع …

علي الصديق الفادني

ليتهم ابتلعوه..فماذاق الناس أمانا إلا في غيابه…ولو كان صالحا لما أطلقوه

Salih Altahir
اسواء خبر في ٢٠١٦
يافرحة ماتمت

رحاب
خسارة
كان يدوه مؤبد يريحو الناس من دجله

Al Modather Othman
كان كدا نرمي اللقيمات ونجهز الرز باللبن .يا اخي دا ربنا ذلاه مذلة وفضحه في العالمين.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


51 التعليقات

إنتقل إلى نموذج التعليقات

      1. 1
        Naser

        بكرة يجي يعمل جوطة وحفلة وزنق ويدعو السادة (السفهاء) السفراء الماعندهم شغلة وموضوع ويعملو إزعاج بمناسبة إطلاق المجرم الكبير وفك أسره…الله يفك صامولة راسك دا يا قبيح الخلق والخلقة..من حنكك المفتول دا ونظراتك الخبيثة شكلك منافق يا بن سلول…
        العواطلية حيفرحو نظام الكفيل جاهم…جاكم البلا وانتو بتنططو…ينط في عقارب تخلصنا منكم يا سفلة

        الرد
        1. 1.1
          ساخرون

          أنتو في دا ولا كدي بس اصبروا

          الساعة اليفاجؤوكم جماعته بكلام في طريقة خروجه الطرزانية وطوالي تتداعى إلى ذواكركم أفلام ” سيغال ” ” وبروس لي ”

          و” فاندام ” و” ستالوني “وغيرها من أفلام ” الآكشن ”

          لما تصلوا مرحلة القول ” ياريت ما كان مسكوه من أصله “

          الرد
      2. 2
        مريسة

        اسوأ خبر في 2016 ياريت لو فرموهو فرم
        واكيد الرئاسة ليها دور كنبير والشرط كان عدم
        الدخول مره تانية .. تف عليكم وتف علي الاقزام
        وتف علي الدجال والدجال والدجالين ..

        الرد
      3. 3
        Jak

        بالله عليكم اسه الراجل اللابس أسود ومفنقس يقبل في يد الشيخ دا تقولوا عليهو شنو؟؟؟ هذه هي عبادة غير الله بعينها ….. اللهم لا تؤاخذنا بما فعل السفهاء منا.

        الرد
        1. 3.1
          جمبكو

          دا ما خايب وبس يستاهل يجلد 100 جلدة و تيسو كمان أقصد وشيخو

          الرد
        2. 3.2
          Abdul

          أظن أن هذا ابنه . .

          الرد
      4. 4
        عارف وفاهم

        سبحان الله ، ولا حول و لا قوة إلا بالله العلي العظيم

        الرد
      5. 5
        ابوهمام

        يجب أن تبين لنا الامارات لماذا تم اعتقاله ولماذا افرج عنه !
        حنى نبارك ونعتدر له ان كان برئيا . . او نحدر منه ان كان شريرا .

        الرد
        1. 5.1
          Aboahmed

          تم بيان سب الاعتقال وهو الاحتيال على رجل اعمال اماراتي ولطش منو خمسه وثلاثون مليون درهم اماراتي

          الرد
      6. 6
        بدر الدجى

        الامارات قوانينها الخاصة بالعقائد والتلاعب في الدين ضعيفة ,,, لو كان هذا الحدث في السعودية كان في هذا الوقت منسدح والدماء تسيل من عنقه كغزال بريء ,,, بلاء يخمكم دجالين وجدوا حظاً من الدنياء

        الرد
      7. 7
        saifnoor

        كما لا يفلح الساحر حيث اتى ايضا لايفلح الفاسق الدجال حيث اتى وان احتمى بخفاف العقول ووجد بيئته في مكان ما في ارض الله …..الله يمهل ولا يهمل… ارجو الله لمثله الهداية والرجوع الى الجادة ويهدي اتباعه ومريديه الى سواء السبيل ويرحم الامة من الدجل والدجالين والفسقة والمحتالين

        الرد
      8. 8
        هريسه وهردبيسه

        دي كانت قرصه يا شيخ الامين .وربنا اداك مهله عشان تتوب … واكيد المره الجايه اذا اتماديت في الدجل ح تروح فيها … ربنا يهديك ويهدينا

        الرد
      9. 9
        أبو ‘عبد الرحمن

        تبا لهذا الضلالى

        الرد
      10. 10
        الوسيله كرم

        خلو الناس في حالها الزول مسترزق

        الرد
      11. 11
        RAYYAN

        عودة ديجانقو. .. هاهاها

        الرد
      12. 12
        RAYYAN

        هههههه… ولا أقول ليكم… النقر جا… منو البرجاا

        الرد
      13. 13
        Mohamed Hashim

        ربنا يعين الجميع

        الرد
      14. 14
        الوهج

        اخخخ ياريت لو كان فى السعودية _ كان ريحونا من دجلك وريحونا من الرمتالة ال حواليك والجكسى .

        الرد
      15. 15
        محن الدنيا

        ياريت لو الزنقه كانت في السعوديه كان يعدموك مع جماعة النمر

        الرد
      16. 16
        مرتضى محمد موسى

        اللهم اضرب الظالمين بالظالمين وأخرجنا منهم سالمين

        الرد
      17. 17
        محمد عبدو

        هههههههههههه وتاني. ههههههههههه خروج نهائي دي حلوه اهم شي مرمطة الايام الفاتت فى السجون والتحقيق وهلما جرا تستاهل تبا لك يا دجاال

        الرد
      18. 18
        mukh mafi

        لم اتالم او اتحسر على شيء بقدر ما اصابني اليوم عند سماعي هذا الخبر .. خبر الشوم زي ماقالت ندوية
        الامارات اضرتنا كثيرا باعتقالها هذا الرجل ومن ثم الافراج سياتي بمركز قوة ويتبجح ان قبوله عند الله هو الذي اخرجني وان دعاؤه لشيوخ الطريقة وكل اصناف الكذب .ز وربما زودها لو اتصالات السفارات الغربية وعلى راسها امريكا لم حدث الافراج .. سياتي من يسمون حيرانه باساليب جديد وذوبعة جديدة يزعجون بها اهل الحي ..
        ةاسفي على هذا الشاب الذي في الصورة والله والله الدم غلى بعروقي ولو كنت مكان رجل المطار لعملت فيهم ما لا يحسب والحاصل يحصل .. بالله عليكم شوفوا الاضيني دا متكي كيف ..
        لاحظو ان المدعي لابس فل سوت يعني طلع من عباية الصوفية او انه اراد ان يبرهن للامارات انه زول عادي ولذا لبس لبس الافرنجة ..
        وبكرة الفضائيات تتسابق لتنقل لنا الخبر وكل حسب هواه
        لخمة تاخدكم كلكم والله بلد بقي يحزن الواحد رغم البعد .. تهاون وتقاعس وتساهل مع كل انواع التخريب .. اقتصاد عقيدة .. سرقات ,. دجل وشعوذه .. اين ذهبت الجدية يا ترى ..
        الله يكون في عونك يا بلد

        الرد
      19. 19
        مريم

        جدي متزوج من احدي بنات الصوفيين عنده ولد صغير عمره8 سنوات ..يوم عرس اخته الرجال والنسوان والشباب يقبلو في يد ود جدي الشافع ويركعو له والشافع كذاب وما مؤدب …صراحة حاجة مؤسفة

        الرد
      20. 20
        واحدمن الناس

        لم ولن نسمع ابدا شيخ سودانى يتم اعتقاله خارجيا ويتم ترحيله الى بلده بدون رجعه

        الرد
      21. 21
        sara

        والعقار بتاعه الجنب برج الخليفه صادرو منه ولا لسة

        الرد
      22. 22
        د. محمد عثمان

        سلام عليكم
        لازم لا نعترف بأننا شعب غير ملتزم بشيء
        وأننا أضعف الشعوب الإسلامية تدينا
        قراءة القرآن مع الدجل
        حب الاستبداد
        ادعاء الاستغناء عن الغير
        نحنا ونحنا ونحنا ونحنا … نحنا كلام فارغ!!!
        كثرة الطعن واللعن
        أهم شيء ممكن يعرفه الإنسان أن مظاهر الحياة ماهي إلى نتيجة لدفع الناس بعضهم ببعض…
        كيف تدع نفسك تعيش كأنك أفضل إنسان؟
        الآن اليهود بدأوا يتركوا هذه الخصلة؛ لأنها سبب شقاؤهم…
        ما هو العالم المزعج؟
        هو الذي يدعي أفراده أو كل فرد فيه بأنه المثقف والحكومة والداعية والمواطن ومن يستحق التكريم والخوف منه…
        لم يتركو لإبليس شيئا، مع أن إبليس يتعمد ما يقوم به…
        ونحن نتوهم مانقوم به..
        اللهم اجعلني في عيني صغيرا وفي أعين الناس كبيرا… أمين.

        الرد
        1. 22.1
          الدبيب

          انت شايت على وين يا دكتره

          الرد
          1. أبو هاجر

            ده شتّت الكورة!

            الرد
        2. 22.2
          Ezzeldin

          فعلا دا الحاصل يا دكتور.. أؤيدك بشده.. نحن ندعي الاسلام و نحن ابعد الناس إليه!! نجامل في الحق ونجامل في الباطل!! لا نعرف الحدود!! مشاترين.. و زي ماقلت أي واحد داير يتكلم في أي شئ و عامل فيها هو بتاع كلو!!

          الرد
      23. 23
        د. محمد عثمان

        سلام عليكم
        الأخوة أصحاب التعليقات الجميلة
        أنا اعتبر التعليق في الانترنت هو من المصداقية التي تعلم الصدق وتفتح البصيرة
        والانترنت نعمة كبيرة في هذا الجانب والحمد لله
        والتعليق على مثل هذا المقال الذي يتناول سلوك شخص محدود؛
        فإني أرى التحليل أولا ثم التعليق حسب العوامل التي تصنع مثل هذه الأمور
        فهنا هذا الرجل لم يكن جديدا أو غريبا في مجتمعنا
        فهو لم يصنع نفسه بنفسه؛ فله أصحاب يدعونه إلى الهدى وآخرون يدعونه إلى ما هو فيه
        ونحن في تعليقاتنا لا نحكم إلا بالظاهر
        فالشريعة الحكمية تقوم على الشاهد والدليل
        وشكرا لكم

        الرد
        1. 23.1
          هريسه وهردبيسه

          والكل شاف بعينو ولمس الدليل ……….هذا الرجل سجد له بعض الناس … وضع الحناء لبعض النسوة …. احتال على مجموعة كبيرة من رجال الاعمال في الامارات ….. عمل مشاكل في الحي ……..لايحفظ القراّن ..احتفالات ودلوكه ورقيص واختلاط .. وغيرها

          اي شاهد ودليل اكثر من ذلك

          الرد
      24. 24
        ابراهيم المنصورى

        الحقيقة ان اطلاق سراحة لايعنى طمس الحقيقة التى عرفها الدانى والقاصى بان ه>ا الافاك مجرد لص حقير كاى من اللصوص ال>ين نعرفهم ويجب التركي> على هزه الجزئية وعلى سكان ود البنا والاحياء المجاورة الاستعداد لمعارك حاسمة مع بلطجية هزا اللص

        الرد
      25. 25
        ود السوكي

        يا ناس يا اخونا ما في رجال في الحته اللي بيعمل فيها خذعبلاتو دي شيلوا عكازيز وبس واضربوا بالمليان فرقوهم لا تاخذكم بهم رافة على الاطلاق ككفاية مهازل

        الرد
        1. 25.1
          dodo

          انت مالك ماراجل

          الرد
      26. 26
        ود السوكي

        يا ايها اىلناس راجعوا عقيدتكم مرة والف مرة كلنا لازم نراجع عقيدتنا وعلينا هدم تلك القباب وضرب كل الدجالين الافاكين يا ناس نحن في القرن الواحد والعشرون الغريبة يا ناس يا هو افيقوا

        الرد
        1. 26.1
          dodo

          راجع عقيدتك انت اول وصلح نفسك وبيتك وبعدين تعال اتكلم عن القباب وبعدين انت منو عشان تفتي في موضوع زي دي حايقود لي فتنة كبري وجاتزحق فيها ارواح وفي النهاية القبة تاني حاتبني عشان كدي احسن اي زول يخليه في نفسه ويدع الخلق للخالق

          الرد
      27. 27
        dodo

        عودا حميدا شيخ الامين وربنا يمتعتك بالصحة والعافية وطول العمر ويجنبك شر حاسديك وانشاءالله محنة وزالت وربنا يجزيك خيرا علي ماتفعله لنشر دعوة الاسلام وترغيب الناس في الدين. واقول لكل الشمتانيين (موتوا بغيظكم)

        الرد
        1. 27.1
          Ezzeldin

          كدي ورينا محتضرة واحدة او موقف واحد نشر فيه الدين!!!
          إتق الله يارجل و كفاية كذب و غش للناس..

          الرد
        2. 27.2
          Ezzeldin

          كدي ورينا محاضرة واحدة او موقف واحد نشر فيه الدين!!!
          إتق الله يارجل و كفاية كذب و غش للناس..
          مافي زول مستفيد من زوبعته دي الا هو.. يكوّن في شركاته و يأكل في أموال الناس بالباطل..
          يا أخي أصحو و كفاية غباء و عوارة..

          الرد
          1. dodo

            انا الله متقيه الحمدلله وبعرفو اكتر منك (موتوا بغيظكم)

            الرد
            1. Ezzeldin

              مارديت على سؤالي؟؟؟
              كدي ورينا محاضرة واحدة او موقف واحد نشر فيه الدين!!!

              الرد
        3. 27.3
          mukh mafi

          امثال هذا المعلق هم سبب بلاء السودان يطبل لكل ما يلمع وهو لايعرف انه ليس بذهب .. يا اخي كيف تشجع العامة ان تجعل بينها وبين الله وسيطا , ولو ان هناك بشرا او مخلوقا لهذه المهمة لكان سيد ولد ادم محمد عليه الصلاة والسلام اولى الناس بهذه الوساطة .. ولا وصى صاحبته ان يتقربوا اليه زلفى ليقربهم الى الله ولكن اوصانا وكرر في كثير من احاديثه تمسكوا بحبل الله المتين الذي لاينقطع فبالكم كيف تحكمون .. ايهديك شيخ الامين الى علم ام الى دين جديد .. انت الذي كتبت هذا الكلام اني احسبك اعرف بالدين من هذا الشيخ الدعي قاتله الله

          الرد
          1. dodo

            يازول دي راي امشي شوف ليك شغله غيري انت الظاهر عليك وهابي متعفن والله شيخ الامين لو مابفقه شئ في الدين برضو احسن منكم لانو زول كلامو سمح ومرغب ما منفر انا بشوف محاضرات شيوخكم بتاعين الوهابية ديل في اليوتيوب عشان اضحك كلها شتيمة واستفزاز وقلة ادب وعدم فهم بالدين الصحيح واتحداك اجيب كافر اقعدوا مع واحد من الوهابية ديل ونفس الزول اقعدوا مع شيخ من شيوخ الطرق الصوفية او متفقه بالدين زي دكتور عدنان ابراهيم اتحداك الزول دي جايحب الدين من الشيخ الصوفي ودكتور عدنان ابراهيم وحايكره الدين من شيوخكم بتاعين الوهابية ديل(الدواعش) ديل ياخ الدين دي التقول بتاعهم هم براهم الواحد يقرا ليه كتابين لي بن تيمية ويجي يعمل ليك فيها انو صحابي جليل وعندي ليك نصيحة افتج اليوتيوب اكتب (عدنان ابراهيم) استمع لي خطب الزول دي بس وحاتعرف الوهابية دي زاتهم شنو وعاوزين شنو ومستندين علي شنو وحاتلقي كثير من الاحاديث المنسوبة للبخاري غير صحيحة وكثير من الاشياء الاخري

            الرد
            1. Ezzeldin

              مارديت على سؤالي؟؟؟
              كدي ورينا محاضرة واحدة او موقف واحد نشر فيه الدين!!!

              الرد
      28. 28
        سامي

        للأسف الشديد كثرت الطوائف والمذهبيات وكل يدعي الفضل لنفسه على الاخر (الا يستقيم الامر إذا نأى الفرد بنفسه عن هذا الهوس وعرف الله وعبده على حق وتعامل مع الاخرين بالحسنى )

        الرد
        1. 28.1
          dodo

          للاسف دي الحاصل كلمة (انا مسلم) اصبحت ليست كافية عند بعض ممن يخدعون انفسهم بانهم علماء دين ولايفقهون اي شئ عن الدين الحق دين الوسطية همهم كله تكفير غيرهم وشتم غيرهم واباحة دم غيرهم والحكومة للاسف تري وتسمع وساكتة واخشي ان يقود هذا البلاد الي فتنة تحصد اراوح كثيرة كما حدث في دارفور بدات بمشاكل بسيطة بي قبائل ثم تطورت لما وصلنا اليه اليوم لذلك اتمني ان تصدر الحكومة تشريع توقف بموجبه اي داعية لايتبع لوزارة الارشاد والاوقاف وان تمنع المحاضرات الدينية في الشوارع التي يتحدث فيها هؤلاء (المنفرون) الذين لن يذيدوا الاسلام في شئ بل سوف يكونوا خصما عليه.

          الرد
        2. 28.2
          سوداني

          الله يهدي الجميع

          الرد
      29. 29
        سوداني

        الله يهدي الجميع

        الرد
      30. 30
        عادل

        والله ده أسوأ خبر أسمعه اليوم ماكان اقرضوا ولا حتى افنوا وهو حى وريحوا خلق الله من هذا الدجال الكذاب الأشر لعنة الله عليه وعلى أمثاله

        الرد
      31. 31
        ابن إدريس

        اللهم لك الحمد ،،، يرجلو ماشي وين ، بالله ما كان يقصو رقبتو ..
        كفاية الناس ديل ضحكو على الجدود والحبوبات وما زال البعض متعلق بهم من الجهل ..
        وأخ يا بلد ..

        الرد
      32. 32
        مريم صديقة جولي

        في تعليق آخر باسم مريم ..للتفريق

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *