رأي ومقالات

أشعر بالتعاطف مع شيخ الامين


أشعر بالتعاطف مع الشيخ الامين ؛ قلب له الجميع ظهر المجن ؛ السلطات اكتشفت في حين صحوة انه مهدد للامن والسلامة ! تكالبت الصحافة عليه ؛

انكره رفاق الصور والاطلالات البهية ؛ لن اقول ان الرجل سيئ ؛ لم اكن يوما مريدا في صفه ولا حوار بقربه ؛ لم اسعي اليه وما سعي ؛ ولا املك حتي قصة كاملة بشأنه ؛ بعض اقاويل ومحض ثرثرات ؛ تطال بذات القياس كثيريين اعرفهم ولا أعرفهم ؛

ما يسؤني اننا أمة من السهل جدا ان تنقلك في رفة جفن من قائمة الملائكة لمصفوفة الشياطين ! بدون تفسير ! ان كان الرجل فاسد في دينه وموصوم بالاجرام فعلي كل الذين تمسحوا به ربط انفسهم الي جواره ؛ الفضيلة ليست حالة طارئة تحضر حين المنشط وتغيب حين المكره.

الخرطوم: محمد حامد جمعة


‫13 تعليقات

  1. (الفضيلة ليست حالة طارئة تحضر حين المنشط وتغيب حين المكره.)و هل مافعله ومازال يفعله مكره فقط؟!!

    1. محمد حامد

      يا أخوي ما تدفق عواطفك ساكت

      باااكر القريبة دي يمرقو …ويومين ثلاتة يكرموه وبقلدوه بوسام ابن السودان البار

  2. وإن كنت لا تعلم شئيا عنه لماذا تتحدث عنه بعاطفتك الجياشة تلك ؟!

  3. شكلك عاطل زيو..يحنو عليكم الاتنين وانتو في السجن يا عديم الموضوع ياعاطل فكريا..هسي انت لما ما بتعرف عنو حاجة..الشلاقة ليك شنو

  4. شتاارة عجيبة قال (الفضيلة ليست حالة طارئة تحضر حين المنشط وتغيب حين المكره.)
    وين المكره هنا؟؟!! دي دجل و شعوذة و غش و احتيال..
    يعني عايز الناس تجامله و تقيف معاهو في إحتياله و نصبه؟؟!!!!!

  5. ياجماعة الخير يقول الله تعالي في كتابة الكريم (كل نفس بما كسبت رهينه ) المسؤلية فردية ان كانت لشيخ الامين او لعمر البشير او ليك انت يال البتقرا في تعليقي دا ربنا بسالك لوحدك مابسال معالك شيخ الامين عشان كدا ماتتكلم ساي ولا تسيئ فقط قل الله يهديه

  6. نحن اصلا شعب عاطفى زيادة عن اللزوم . .
    نتعاطف مع الحرامى ومع الظالم ومع المطلوم !
    ما عارف الصفة دى كويسة ولا سيئه

  7. …كل هذا الامر فى نظرى لايعدو عن كونه أقاويل لاتستند الى دليل…ولو كان هناك دليل لما تاخر هؤلاء فى اخذه الى المحاكم…ولكنها عقلية القطيع التى نتميز بها دون سائر الشعوب.

  8. ما فى زول واضح متبنى القضية ضد شيخ الامين يضع الحجة والدليل…حاول مزمل فقيرى. .وما قدر يثبت ..بل بالعكس المحكمة حكمت ضده بالسجن والغرامة…وعفا عنة شيخ الامين…ذلك الرجل الفاضل النقى.

  9. مين هم ضحايا شيخ الامين…ولماذا لمن نسمع منهم…ولا الشغلانية مكايده بس.

  10. جزاك الله خير أستاذ محمد حامد ،، مفروض من تمسحوا و تصوروا وعملوا القاءات معهم يقيفوا معه ، و يساندوه في محنته لكن كلهم بتاعين مصالح ،،