ناشط يدشن هاشتاق “الحرية لشيخ الامين” ويطالب باطلاق سراحه

دشن الناشط ناصف صلاح الدين حملة ووسم على فيسبوك للمطالبة بإطلاق سراح الشيخ المثير للجدل “الأمين عمر الامين” المبعد من دولة الإمارات والمحتجز حالياً بالخرطوم.

وقال ناصف صلاح الدين المشهور بإسم “سيد الكارو” على فيسبوك بحسب ما نقل محرر موقع النيلين (اضم صوتي لكل الزملاء الذين طالبوا باطلاق سراح شيخ الامين فوراً او تقديمة لمحاكمة عادلة الحرية لا تتجزأ ولا تتلون حسب الاتجاه السياسي، #‏الحرية_لشيخ_الامين‬).

وتباينت أراء أصدقاء ناصف ومن أبرزها

– سيد الكارو ياخوي زي شيخ الامين من تحت الارض مفروض ما يطلع

– شيخ الأمين لازم يطلع لو ما عليهو إستحقاقات
و المفروض كمان يطلع التخلف الفكري الحاصل لشباب يفترض انه مستنير يتبع هذه البدع و الخزعبلات
أنا لا اعمم علي الجميع.

– يا سيد الكارو
هل تعتبر شيخ الامين معتقل رأي او معتقل سياسي عشان تتضامن معاهو؟
هل ثبت انه غير مطلوب جنائيا ؟

رد ناصف (سيد الكارو)
نحن ما عارفين لماذا هو معتقل في جهاز الامن اذا هناك بلاغ جنائي فمكانه النيابة يطلق سراحه بالضمان ويقدم لمحاكمة اما الاعتقال في جهاز الامن حمال اوجه كثيرة

– الانسانية قبل كل شئ الحرية للامين عمر.

– لو هو فكي ما يطير ليهم كده ويتجلي للناس ونشوف كراماته

– ده الكلام الصح ياود انت احسن عربجي لاقاني في الدنيا تسلم وتسلم عربجتك

– الأمين مسجون في قضية جنائية و بسببها كان موقوف في دولة اﻻمارات..
يعني ما معتقل في قضية رأي او كان مدافع عن حريات او اي شي ممكن نسمي الفعل الواقع عليهو إعتقال.

الخرطوم/معتصم السر/النيلين